كلنا بنمر بلحظات ما بدنا حدا ، ولا بدنا اشي من حدا ، بس بدنا نبعد ونعيش الكآبة يلي احنا فيها ، بهالفترة ما ما بنركز وما بنفكر باشي غير همومنا وكل احزانا وكل اشي بشع صار صار معنا ، هاي الفترات بتجي للواحد من كتر الضغوطات يلي بمرق فيها ، ببطل قادر يعبر حتى لاعز واقرب الناس ، ما بدو غير يرتاح ، بتمنى ياخدالنفس بارتياح ، بتمنى افكاره هاي تروح وتخليه ينام بدون قلق ووجع راس من كثر دموعه ، لما يعاملك بجفا ، ما يرد عليك ، يضل شارد وانت بتكلمه اتركه لأنه الله اعلم بحاله ، بنوصل للحظات نفكر بالموت ونحسه قريب كثير منا وانه دورنا اجا ل حتى تروح كل هالاحزان ومع هيك ما بنرتاح بترجع الافكار السودة ، بنتذكر كم من مرة غلطنا وانه احنا مش جاهزين لنقابل ربنا بنصير عايشين بحالة خوف ؛ بهالفترة البشعة الغصة ما بتفارقنا ، دمعتنا حتى من الكلمة الحلوة بتنزل ، ما بنتحمل اشي ، اه حساسين وبايخين احكو شو ما بدكم عنا ، وبهالفترة بالذات بنكون اكبر ممثلين بالكذب ، اه بالكذب ، بنكذب عحالنا وغيرنا وبنمثل انا بكامل قوتنا وعزيمتنا انه ما اشي بهزنا ولا بأثر علينا واحنا من جوا ضعاف ، قد ما حاولت الكتابة انها تخفف بس بعد ما اخلص ، رح اروح اوقف ع المراي واشوف وجهي الاصفر والسواد تحت عيوني ورح ارجع لتختي ومن هون بنبدا دور الكآبة جديد
سما احمرو
10-07-2017
