في فترات بحياة كل شخص فينا ، بنسميها فترات البعد ، البعد عن نفسه ، عن الناس يلي حواليه ، عن كيانه ، و عن أعز أمور بالنسبة اله ...
بالهفترة بنبدا نكون شخصيتنا من أول و جديد ، بنغير افكارنا ، بننظر للامور في مناحي أبعد و أشمل ، ممكن ناخد قرارات مصيرية ، ما بنعرف ازا قررانا صح او لا ، بس بنكون محاولين ننقذ حالنا من الوحل يلي بنسبح فيه ..
بنفس الفترة بنضل أشخاص هاديين و ما النا خلق نعمل اشي ، بنحاول قد ما بنقدر ما نأذي يلي حوالينا و نحافظ عليهم خصوصا اذا بنعزهم ..
في أمور بتتحول من الأهمية للبرود و التفاهة ..
في كلمات بتوقف على طرف لسانا بنرجع نبلعها حتى ما نشغل باقي العالم فينا ..
بهاي الفترة بدنا ربنا يكون معنا و يسهل كل احساس بنعيشه ، بنبكي بين ايديه بنتوسله بكل الأمور و أملنا في رب العالمين كبير ..
مجرد فضفضة ..!
سما أحمرو
٥_٣_٢٠١٨م
