ابوعمار : انت تعال للبيت وانا راح احلهه..
عمار : شنو صار سامر اشبيه
ابو عمار: ماخذ سياره من المعرض ومسوي بيها حادث انت روح لمكان الحادث وانا رايح لمستشفة ال.......
عمار: اغير ملابسي واروح
في المستشفه. ابو عمار
العفو قبل نصف ساعه اجاكم ولد مسوي حادث سياره وين الكاه او واحد من عائلته..
الممرضه بلطابق الثالت غرفة العمليات
قبل نصف ساعه....... قيصر
كنت طالع من الكوفي مالت المستشفى بعد يوم متعب من الديوان الى المشفه مباشرة اجاني احد الموضفين دكتور حاله خطره كلش وطلبوك على السريع في غرفة العمليات انا رحت كملت تعقيم ولبست ملابسي الخاصه الاسوي بيهن العمليات دخلت ولكيت اخوي سجاد على سدية العمليات كانت اكبر صدمه بحياتي سويت كل الاگدر عليه بس ما كدرت انقذ اخوي من الموت ما تحملت اشوف اخوي ميت بقيت اسوي اجرائات التنفس والصدمات الكهربائيه بس ما نفع لان اخوي كان منتهي..
ابو عمار
يارب يكون الولد ما بي شي وتفوت على سلامات يارب هاي شنو كل هاي الناس هذول كلهم اقاربه هذا شيخ عشيرة....... رب استر.. السلام عليكم ً
ابو قيصر: وعليكم السلام اتفضل شنو رايد
ابو عمار : العفو منو ابو او اخو الولد المسوي حادث
ابو قيصر : تفضل اني ابو..
ابو عمار &رحت بيها يا ليث طلع ابن الشيخ شني سويت بيه يا سامر & العفو انا اكون عم الولد الضرب ابنكم واني حاضر لاي شي تطلبونه اني بلخدمه
ابو قيصر: هسه اني ما اعرف شنو مصير ابني بس راح اخذ عطوه منكم مدت عشر ايام وان شاء الله ابني ما بيه شي
ابو عمار: ان شاء الله راح ابقه منتضر وياكم لحد ما تكمل العمليه
قيصر
طلعو كل الدكاتره من يمي انا واخوي بقيت بهمي وكسرة ضهري اسودت الدنيه بعيني شنو اگل لامي وابوي اگللهم ما گدرت انقذ اخوي من الموت
ابو قيصر: طلع الدكتور ها بشر شنو
الدكتور: البقيه بحياتك يا شيخ سجاد مات
رنا: شنو مامتي شنو الصاير ليش بابا وعمار طلعو هيج سريع ان شاء الله خير
سامر مسوي حادث سياره وراحو يشوفون الولد واهله انتي مالك دخل روحي كملي رسمك مدري ترسمين على الورق لو على وجهك وملابسك
.......... باي مرحبا انتي اي انتي الجاي تقرين تعليق واحد و تصويت ما راح ياثرن باصابعك الحلوات حبي هاي اوال روايه الي واريد تشجيع واذا في نقد على كتابتي عادي استقبله طبعاً اذا كان بسلوب من غير تجاوز🙆🙆🙆🙆🙆
