ابو عمار مادري ياعمار شنو اسوي هسه لا شرطه تفيد وحتى عشيرتنه ما تكون سند كبير النه گدام عشيرتهم وسامر الغلطان وهسه شرد وقفل موبايله
عمار: كم يوم نطوك عطوا
ابو عمار: عشرة ايام.. انا كلفت جماعه ادور على هذا السگط اتصل على العمام خلي نگعد الليله ونشوف حل والله كريم..
قبل ساعه
بعد ما كللهم الدكتور ان سجاد مات الكل هجم على ابو عمار لكن الشيخ گللهم ما اريد مشاكل بلمستشفه وحاجه ابو عمار.. اسمع دم ابني عزيز وما يروح هيج هدر لكن بعد الفاتحه هسه ننطيكم عطوه عشرة ايام
ابو عمار: مثل ما تريد يا شيخ وان شاء الله التريدونه يصير وهاي كلمة رجال وما اتراجع عنها لو تطلبون روحي
خلصت الفاتحه وشالو الچادر والحزن مخيم على بيت ابو قيصر
الام مرتفع ضغطها وكل يوم بلمستشفه ،والابو تعبان ودمعته ما نشفت من العين، مريم متاكل ولا تحجي ، وقيصر قدم استقالته والمستشفته الخاصه ما يروحلها لان يگول ما گدرت انقذ اخوي انا مو كفو بلطب
...........
في بيت ابو عمار بعد ما اجتمعوا العمام ويه شيخ عشيرتهم الصغيره لان العشيره مشتته بين مسافر ومستقر والما يتحمل مشاكل العشائر
بحثوا على سامر وماحد لكاه فتفقو على اي مبلغ يطلبونه يشاركون ويدفعون وكلشي يخلص
اجه اليوم الازم يكعدون بديوان بيت ابو قيصر ابو عمار
تفضلو اهلاً وسهلا بيكم وحياكم الله
قيصر وابو قيصر متواجدين بنفس الگعده اول مره تصير يعني من البدايه هم الرابحين
بدا بلكلام ابو قيصر احنه اليوم كعدتنه على موت ابني والكتله سامر وانا اريد الدم بلدم اريد سامر
شيخ عشيرة ابو عمار يابه بس سامر مفقود من يوم الحادث وما لكيناه لو موجود انا بيدي اجيبه الكم وشنو تريد تسوي بيه احنه موافقين
قيصر انا هذا الحجي ما يصيرلي اريد سامر وانطيكم مهله خمسة ايام وجيبو سامر لو ناخذ بدل عنه ابن عمه عمار
ابو عمار :شنو هذا الحجي ميصير عمار ما اله ذنب بلسواه سامر
وبدا الصياح ودخلت اكثر من عشيره حتى تفك النزاع لان اذا عشيرة ابو قيصر تهجم على عشيرة ابو عمار يعرفون ما يبقه واحد من هاي العشيره الضعيفه المتشتته
وبعد الهدنه النطوها خمسة ايام خلصت وكعدو مرا ثانيه في ديوان احد الشيوخ الكبار في البصره طرف ثالث حتى يكون طرف محايد وينحل الموضوع باقل الخساير
ابو قيصر : سامر ماجبتوا راح ناخذ عمار
الطرف الثالث :بس عمار ولد ماله دخل بموت ابنك ومن رأي الگاعدين ان يكون هناك حل يرضي الطرفين ويقطع الدم وهي اهل سامر ينطون فصليه
وكان الاعتراض من الطرفين.. بعدها وافقو والبنت تكون اخت....
.......... باي
