رنا :اني صحيح قلت فاهمه بس ما فهمت شنو حتى ميحجون بلعوجه شنو مثل الحجي يله لمودهم متوترين اكيد الوضع خطير ولازم اسوي اليكلولي بي راحت ماماتي لغرفتها وحاجاني قيصر
قيصر :رنا تعالي سمعي
رنا :نعم ياشيخ
قيصر :عجبتني كلمة يا شبخ من حجتها كنت اريد احجي عليها علمودها يمي بس تراجعت كتلها من باجر بليل يجون اقاربنه على اربعينية اخوي ويكون هواي ناس بلبيت راح يجون شباب عمامنه وخوالنه انتبهي للبسك وبعد سمعي ماكو اي حجايه وياهم ونتبهي من النسوان اكثرهن عقارب انتبهي منهن ومن الشابات مثل ما تعرفين اني شيخ وحلال و واصل مرحله ومثقف فاكو منافسه حتى يحصلني
رنا: حاضر ياشيخ التريده يصير
قيصر :عليج تتحملين الحجي والكلام الجارح اكثر شي يبقن اسبوع ويرحون فتحملي يا رنا هسه روحي نامي ورتاحي زين وراج اسبوع كله مشاكل وباجر الصبح نقلي التحتاجينه من غرفتك لغرفتي وقفلي غرفتك حتى محد يحس ان مابينه علاقه ولا تتفاجئين من تصرفي وياج بلسبوع الجاي لان راح احاول اكون زين وياج وذكري مو معزه بيج بس حتى ما اسمع احجايه تمسني انا واهلي مو حلوه
رنا :حاضر يا شيخ تصبح على خير رحت على غرفتي وانا افكر اذا قيصر حذرني من اقاربهم ربي يستر منهم شكلهم يسوان مشاكل اهواي وجكد مغرور هذا العامود منافسه شنو حاسب نفسه. بس بصراحه هوا حلو 😶
مريم :رنا عدنه هواي شغل اليوم لازم انجهز الغرف الفوك حتى يكعدون بيها الخطار
رنا :بس اكمل الريوك ونصعد
ام قيصر :صباح الخير بنات
رنا، مريم: صباح النور
ام قيصر :رنا لا تنسين نقلي ملابسك لغرفة قيصر وقفلي غرفتك
مريم: 😀😀 راح تنتقلين ويه قيصر بنفس الغرفه شگد حلو زواج سعيد وليالي سعيده😉
رنا :لا لا مو مثل ما تفكرين بس اسبوع وارجع لغرفتي لا يروح تفكيرك لبعيد😶😶
ام قيصر :ياربي يجي اليوم وشوفكم مثل كل مره وزوجها وعدكم طفل
مريم: ياريت امي
رنا :😶😶😶😶
قيصر: صباح الخير شنو جاي تحجن شعدجن من الصبح
مريم :ما عدنه شي بس جاي نحجي على الخطار الراح يجونه اخي منو راح يجيب بيت عمو احمد من المطار
قيصر :انا اجيبهم رنا حطيلي ريوك وكملي امورج ونتقلي
رنا: حاضر يا شيخ
قيصر: من عدنه الناس لا تسميني يا شيخ سميني باسمي
رنا :حاضر
ابو قيصر: ابو حسين خلي ام احسين تجي من اليله على بيتنه ويه البنات وحتى انت هم تعال ويه الشباب حتى تروحون ويانه لامير المومنين نكضي اهناك يومين
