مريم : بابا منو هاي البنت الجبتوها تختلف عن البنيه بصوره الجابها النه قيصر والبنت مو اسمها ايه هاي تكول اسمها رنا وتختلف كل الاختلاف عن ايه؟
ابو قيصر : اي بابا هاي البنت تكون بنت عم القتل سجاد وايه تكون اخته بس مريضه ورادو اهلها يبلونه بيها وبمرضها بس الحمد لله ام البنيه فضحتهم .
قيصر و صفاء في الديوان
صفاء شوفلي اخبار ومعلومات على هاي البنت.. شنو اسمها.. ما ادري نسيته الشيخ العقدنه گال اسمها بس نسيته هي بنت عم القاتل وبنت ليث..انا هاي اليومين عندي اجازه ورايح على اربيل سفره من ارجع التريده يصير
رجع قيصر للبيت وامه ومريم منتضراته
مريم: قيصر هاي البنت تختلف كل الاختلاف عن البنت الجبت صورتها
ام قيصر :يما قيصر هاي البنت جمال ونداره ومالها ذنب بلصار هيه كلها بنت عمه
قيصر:سمعني علمودها فصليتي ما الكم حق تدخلون بشنو اسوي بيها عسى ما اذبحها ما تدخلون وعوفولي الاخلاق والجمال خاف تشبه بنت عمها
مريم: 😔😔
ام قيصر:الله كريم ابوك يصيحلك بغرفته روحله
قيصر:صحتلي بويه
ابو قيصر: اي بابا صحتلك باجر اول ما يطلع الصبح اريدك تروح لبغداد هناك تلكه صديقي ابو اسماعيل عنده مشكله ويه جماعه علمود قطع اراضي وانا گتلهم راح اوديلك قيصر
قيصر: صار يابه انا رايح ارتاح والفجر اطلع لبغداد
ابو قيصر. قيصر سمعت حجيك ويه اختك وامك انا اگلك كلشي اله حدود بهاي الدنيه والبنت مالها اي ذنب انتبهلها ولا تشيلها مسولية دم اخوك
قيصر: الله كريم. تصبح على خير يابه
قيصر : مريم جهزيلي ملابسي مالت 3 ايام بجنطه انا باجر رايح على بغداد وهاي الفصليه محد يوصل لغرفتها واله اكلج جيبيلي مفتاح الغرفه مالتها
مريم :حاضر
قفل قيصر الغرفه على رنا وعافهه بلى اكل وشرب.
قيصر: سمعي مريم هاي الغرفه محد يوصللها سمعتي والمفتاح ماخذا وياي
مريم:بس ياقيصر البنت تموت هيج 3 ايام هواي
قيصر: انا اريدها هيج تتوسل وتترجاكم حتى ادليكم على مكان المفتاح 😏
في اليوم الثاني راح قيصر لبغداد وصفاء راح على اربيل ابو قيصر ضل مشغول بلديوان وبعدهي الناس تجي اتعازي على قتل سجاد ومريم وام قيصر محتارات شنو يسون يخافن يحجن لابو قيصر وتصير مشكله ورنا بعدهي لحد الان ما طلع منها اي ردة فعل من اجت لحد اليوم العصر
بيت ابو عمار في نفس اليوم العصر
ساره: يمه اختي وين وديتوها ليش محد حجه مو على الاساس ايه اخته وهي تروح فصليه ليش دمرتو حياة رنا واحلامها راحت ولكم بعد اسبوع ويطلعن القبولات وهي فرحانه بمعدلها حرام عليكم السويتوه بيها يابه انت تعرف بنتك ما تتحمل عيشة الذل والاهانه اخاف تسوي بروحها شي اذا هذول ياذونها بلحجي
