مساء الخير بويه.. مساء الخير قيصر شنو باجر شراح نسوي انا ما مرتاح اريد كتال اخوي ما اريد فصليه
ابني شوف صح اخوك غالي ومايتعوض بس اذا تفكر بيها زين راح تلگه اكثر من واحد يروح من بيته وبعد ما يرجع اذا صار الدم بلدم خليها على الله هوا ياخذ حق اخوك وخلينه نسدها بفصليه واصلاً بنتهم مالها اي ذنب بلسواه اخوها بس حتى نرضي باقي العشيره وما واحد يحجي ويگول عافو دم ابنهم يروح مثل الماي
لا بويه هذا الحجي مو انت الازم تحجيه اجيب الفصليه واموتها بليوم الف موته تستاهل واخوها باي يوم الگاه واموته ابشع موته بهاي الدنيه
في اليوم الثاني بيت ابو عمار
يله عمو خلينا نروح راح نتاخر
خلود: الله يخليك خليني اروح وياكم اوصل بنيتي لبيت الظلم
ابو عمار. اختي ما يصير ودعيها هسه ولا تروحين ويانه
خلود: ابقه بلسياره ما انزل وياها بس اخذوني
عمار. يله يابه خلها تروح ويانه وتبقه بلسياره
في الديوان في بيت الطرف الثالث صارت الگعده وكلشي كمل وصار وقت تسليم الفصليه ودخل قيصر وايه حتى يعقد الشيخ وياخذونها للبيت وياهم
دخلت خلود لديوان وهيه تصرخ وتكول
خلود : ياظلام تريدون تاخذون بنت مريضه بلكبد الفايروسي ما تخافون ربكم والله حرام عليكم واذا مصدگوني شوفو هاي التحاليل
ابو عمار. خلود شنو هذا الحجي البنت ما بيها شي
خلود: شوفو يا اهل الخير عمها يريد يخلص من اولاد اخوه ابني مختفي وبنتي راح تروح فصليه وانا راح يذبوني بلشارع
قيصر. انطيني التحاليل خلي اشوفهن ياريت تكون صحيحه حتى اطالب الدم بلدم واخلص من ورطة هاي الفصليه الصلفه التحاليل صحيحه وفصليتكم بعد ما اريدها لو تجيبولنه سامر لو ناخذ بدل منه عمار
ابو قيصر. انت كتلي التردونه يصير يا ابو عمار بس شكلك مو گد حجايتك وانا ويه ابني نريد الدم بلدم لانك طلعت مو گد حجايتك وما احترمت الناس الجايه ولا احترمتنه احنه اهل الميت وردتو تغشونه ببنتكم المريضه وتخلونها تموت عدنه حتى تبلينه بيها
خلود. لا يا اهل الخير ليش الدم بلدم وبعد عدنه بنت من عمر بنتي ايه اسمها رنا وتكون هيه الفصليه وتعوفون قصت الدم بلدم ولا شنو تكولون يا يا جماعة الخير
الطرف الثالث حجي الاخت صحيح خلوها بلفصليه احسن من الدم وتروح بيها هواي شباب
ابو قيصر. نعوف عدنه عمار والكم بس ٤ ساعات حتى تجي الفصليه واذا ما جبتوها حسبو عمار مقتول
في بيت ابو عمار
ابو عمار. زهره تعالي وراي
رنا :ماما شبي ابوي يصيحلك باسمك وين عمار
