مريم: سمعي زين رنا قيصر عنده اهم شي محد يعارضه بلكلام ويكون هوه الصح والناس على خطأ انتي حاولي تكسبين هاي النقطه شبعي غروره بلمديح واليريده سويه حتى يعتقد انتي تخافين من عنده وطيعينه
رنا 😔😔 :هيه حقيقه انا اخاف من اخوج الغول
مريم :لا تغلطين واخوي طيب لا تكونين متسرعه وتحكمين غلط
رنا :حاضر
قيصر :خلصت العصريه بلديوان رجعت اتعشينه والوالد اصر هاي الاسمها رنا تكعد على نفس الطاوله وبصفي تتعشه على الاساس صارت وحده من عدنه وبينه وانا كل اشوي اخزرها وهيه ضلت بس مدنكه وما اكلت هههه تستاهل
رنا :گلي باباتي انو ابدي اكعد وياهم على نفس الطاوله وهاذا العامود ضل بس يخوزر بيه حتى متهنيت بعشاي وما اكلت اهواي ضليت جوعانه راح يروحن الخدود بسببه 🙀
ام قيصر :خلصنه العشه وكعدنه مثل لماتنه قبل نشرب الجاي مشتاقه لابني الخذاه الگبر مني قبل ما اشوفه عريس بس بعدهي لمتنه حلوه بوجود رنا سالتها ماما رنا اليوم يله عرفتي قيصر بس لا حاجاج وضوجك لان ابني واعرف عصبيته وحجيه
رنا :لا ماما قيصر ما ضوجني بصراحه انا كنت خايفه لا يطلع همجي رجال ماعنده رجوله ويمد يده ويضرب مثل البربري بس طلع صدك يستاهل كلمة شيخ بوعيه ونصيحته وثقافته وطريقة كلامه وصاني احترمكم وعلى اهواي شغلات
مريم: من سمعت سوال امي خفت لا رنا تجفص بلحجي وما تاخذ بنصيحتي بس من حجت ومدحت قيصر رتاحيت وشفت قيصر يبتسم على السريع وضيع ابتسامته
قيصر :سالت امي رنا كلت اكيد راح تحجي كلشي بس شكل فركت الاذن فادت وبدت تخاف من عندي بس بكلامها بعد ماگدر امد ايدي عليها ولا اصرخ لان بينت جدام اهلي هيج تصرفات يسويها بس المو رجال والمو گد حجايته والمامتعلم وهمجي بس عادي المهم هسه تخاف من عندي
ابو قيصر: بعد ما خلصت عشه وكعدت ويه العائله رحت للغرفه انام ولكيت ام قيصر تبجي شنو ام قيصر شصاير متاذيه اخذج لطبيب اكو شي مضوجك
ام قيصر: لا ما بيه شي بس تذكرت سجاد وشلون كان يضحك ويسولف مشتاقتله كلش ليش هيجي صار وهسه قيصر ما مرتاح شفت شلون يخوزر برنا وما مستقر ورنا مالها ذنب وتزوجة قيصر الثنين ميستاهلون هيج عرس
ابو قيصر: حمدي ربك على كل حال سجاد قضاء وقدر وكان ذاك يومه وترد الامانه الى ربه واما قيصر صح زواجه فصليه ومجبور ومن غير عرس بس شكد اشوفهم متراهمين انا سالت على رنا وشفت اصلها وفصلها منين وشگد عيلتهم محترمه ومتاكد هيه راح تسعد قيصر وتسانده بهاي الدنيه فلا تخافين هاي حكمة ربك شاء ان تكون هيج بنت اصول تكون لقيصر جازاه ربج بيها لو مو هيج جا ما لكينه وحده مثل رنا
ام قيصر: ونعمه بلاه والحمد لله على كل حال حكمة ربك وما نعترض. بس شدكول على قيصر ليمته يصير احسن ويه رنا
