مساء الخير عمي انا جايك بطلب ياريت ما ترجعني يعني اذا انت ما توكف وياي وتساندني بعد منو الي بهاي الدنيه بعد وفاة والدي الغالي وبقيت انا وامي واختي بهاي الدنيه الما ترحم
ابو عمار. احجي سامر الله يشهد احسبك انت واختك مثل اطفالي وان شاء الله اساعدك بلاكدر عليه
عمي انا خلصت دراسه معهد تكنلوجي وماكو تعيين وانا من بعد اذنك اريد اشتغل ويه عمار بلمعرض تعرفني احب السيارات اهواي
مثل ما تريد عمار اخوك وتكدر من باجر الصبح اتروح وياه للمعرض
شكرا عمي ما انسالك وگفتك وياي للموت
لا تحجي هيج سامر انت بيك ريحة المرحوم الغالي
بشر شنو كلك عمك قبل تشتغل ويه ابنه
اي يمه قبل وبعد فتره قليله تلكيني العب بلفلوس لعب واسيطر على المعرض واطلع هذا عمار ياربي اشكد اكرهه
خويا سومي لا تنسه اختك انا منا للسنه الجايه اريد اسوي عمليه الخشمي اريد اسويه مثل هيفاء واطلع اخبل
سكتي انتي كل يوم مطلعتلي سالفه شكل اسوين خشمك وانتي سوده هم مو سمره بس قياس رجلك 42 بس لا تخافين الزگها بعمار وفلوس عمك تصير الج وشني تتمنينه يتلبه
عائلة ابو عمار الوقت مساء...
على طاولت الطعام
بابا عمار باجر من تطلع على المعرض اخذ ابن عمك سامر علمه على الشغل وشغله وياك ولو هوا راح يجيبلك اهواي مشاكل بس اتحمله
صار بابا مثل ما تريد وربي يكون بعوني على سامر
عيني ابو عمار ليش هيج سويت كون مخليه وياك بمعرضك تحت عينك اخاف عمار ما يكدر على سامر يجيب مشاكل هذا اخذ اخلاق امه مو اخلاق المرحوم وتعرف اخلاق خلود كلش زين
الله كريم انا راح اضل اراقبه ويه عمار ونشوف تاليها
رنا حبيبتي من انخلص عشاء اريدك تسويلي جاي وترتباتج لان جايني صديقي من زمان ما شايفه
حاضر بابا من عيني
تسلملي عيوك يا عمر بابا
بعد العشاء
اجا الضيف العزيز لابو عمار وستقبله احسن استقبال
يا ابو عمار تعرف غلاتك عندي واشگد اعزك واخاف على سمعتك مثل سمعتي وان جاي بموضوع شفت لازم اكلك بي
احجي ابو سيف خوفتني شنو صاير
راح اكلك بس لا تعصب ويرتفع ضغطك.. ابن اخوك سامر عينه كلش طالعه على بنات الناس ومو بس هاي يشرب على دراجته سريع ونص الليل ومشكلجي ويسب وهواي يتعده على الناس ترى ميصير هيج حاجيه
والله ياخويه اهواي يجوني ناس على نفس موضوعك واحاجيه هو واخته وامه بس ما يفيد تعبوني اهواي بس ما بيدي شي بعد اسويه راح اشوفلي ليله واجتمع ويه اخواني وعمامي عليه والله كريم
اني اترخص واشكرك على هاي الضيافه وعلى الجاي الماكو اطيب منه حتى باحسن كوفي
........ باي
