ام قيصر: انا انزل صينيتك خلك مرتاح
قيصر: لا اني انزلها ومريم تسويلي چاي
مريم: شوفي انا وقيصر غرفنه فوك وهاي غرفة الوالد وهاي الغرفه للضيوف وهاي الصاله وهاي ديوان الخاص بلبيت يختلف عن ديوان العشيره وهذا المخزن وهاذا المطبخ
رنا : واووووو احله شي بيتكم المطبخ كلش حلو وكبير حبيبي سر سعادتي راح اسويله استطلاع خاص فديت 🙆🙆🙆🙆 وحضنت باب الثلاجه
مريم:شنو مجنونه انتي كل هذا الكلام للمطبخ ههههههه
قيصر: مريم هاي شنو شجاي تسوي شبيها
مريم :ما ادري جاي ادليها على البيت من وصلت لمطبخ وطلعت كل هاي الرومنسيه
قيصر : يمه شوفي هاي توج تسولفين عليها الزينه اتخلصت من وحده جاي تموت واتورطت بلثانيه مجنونه
ام قيصر 😮😮😐😐
رنا :انا من شفت المطبخ نسيت نفسي وبعد ما انتبهت لمريم من خلصت استطلاع كلتلي مريم جان موجود هنا امي وقيصر ولا كانك واحد يمك وبلحقيقه انا مانتبهت كان موجود ناس وياي بلمطبخ بس الضاهر كانو واكفين بلباب فما انتبهتلهم
قيصر : بعد ما خلصت عشه نزلت الصينيه للمطبخ وامي تمشي وراي وصلت وشفت فصليتي المجنونه حاضنه الثلاجه يمكن من الجوع ما خجلت وكالت هذا واكف خلي احترم اشوي رايدلها فركت اذن خلي اروح للغالي الوالد احسن، يمه ابوي هسه وينه
ام قيصر : من رحت لحد الان ابوك بلمضيف هواي ناس بعدهي تجي تعزي وبوقت الفاتحه اجلتو هواي مشاكل مالت الناس وهسه ابوك مشغول بيهن يجي بس ينام بليل ويطلع من وقت اكلك ابوك كلش تعبان
قيصر :انا راح اروح يمه
في المضيف
قيصر: السلام عليكم
ابو قيصر : وعليكم السلام هلا بشيخ العشيره تعال لمكانك انا كلش بعد ما افيد تعبان وما بيه حيل المشاكل تعال لمكانك
قيصر: لا يلغالي هذا مكانك وانا بس اساعدك وانت الشيخ وتاج على الراس
ابو قيصر: قيصر علمودك اجيت خليني انا ارتاح وانت الزم كل امور الشيخه وانا اطلع منها كلش اريد ارتاح اخر ايام عمري بهاي الايام راح اجمع عمامك وكل الكبار العشيره واكلهم انته الشيخ الكل بلكل
قيصر: العمر الطويل يابه والتريده انا راضي بيه
ابو قيصر: ابني شفت مرتك ليمته تدخل عليها وتصير حلالك انت من اخذتها ثاني يوم طلعت لبغداد وانا حتى ما شفتهه باجر اشوفها
قيصر : انا اترجاك بويه لا تجبروني انت والوالده على شي ما اريده ما اريد هاي الفصليه مره خلوها بس خدامه بلبيت
