قيصر: نزلت وذبيت النيشان بنصهن وكتلهن هاي وثبتت بان رنا اشرف من هواي ناس وصحت على مريم كتلها رنا تصيحلك
مريم :من كلي قيصر رنا تصيحلك صعدت على السريع ولكيت رنا كاعده على القنفه ومدنكه راسها وتبجي انقهرت عليها وحضنتها وبديت ابجي
ام قيصر: شفت القهر والعتب والعصبيه بعيون قيصر بس شنو بيدي الكلام الحجنه نصه صح كان لازم يسوي هيج من زمان
ابو قيصر :رجعت على البيت ولكيته كلش سكته الكل نايم كلت لان باجر سفر راحو يرتاحون بس من تلكتني ام قيصر وحجتلي الصار ضليت قلق على قيصر لان بعده مراجع وباجر وراه سفر وبنفس الوقت فرحان لان صارت رنا مرته رسمي
قيصر: بعد ما طلعت من البيت مشيت بلسياره ورتاحيت اشوي رجعت للديوان يم الشباب لان كلت خلي رنا ترتاح اشوي وثاني يوم طلعنه من وقت متوجهين الى ارض السلام
مريم :اتمنه تروحين ويانه بس من كلت لقيصر رفض كلش الفكره
رنا: الافضل ما اروح قيصر الصح
قيصر :عرفت ابو حسين رايح ويانه و ام احسين مرايحه لان ابنها الصغير مريض فكتلها لا ترجع على المزرعه خلي تبقه ويه رنا لان ما اكدر اعوفها بلبيت وحيده
عمار :بابا اخبار جديده على سامر اكو ناس شايفته يشتغل بمطعم بغداد
ليث :الله كريم بلكي نلكاه ونسلمه وترجع رنا ما كتلك امس من رحنه لكيت قيصر ومخلاني اوصل لابوه بس كلي افكر بيوم تحاجون بتكم
عمار :وصدكت يخليك تشوف رنا
ليث: اي اصدك لان مستحيل يكسر حجايته عنده الكلمه ما تصير اثنين وانا متامل اهواي ان اشوف رنا
مريم: وصلنه على المقبره وزرنه اخوي وبعدها رحنه على مرقد الامام علي ع) واحنه نرتاح بلفندق اشوف قيصر شلون بعده مقهور على رنا ومن المشاكل وسمعته شلون يشكي على قبر سجاد دمعن عيوني وتذكرت رنا وشكلها شلون البارحه تبجي شفت قيصر طلع من الفندق
قيصر :طلعت من الفندق رحت على ابو احسين حتى يتصل بزوجته واسئلها على رنا وسالتها كالت هسه هيه نايمه بعد رحت على المرقد وصليت صلاة الزياره نيابه عن رنا وندعيتلها بلصبر وتذكرت السويته بيها شلون حجزتها بيني وبين الحايط وبشفرة الحلاقه جرحت الفخذ الايمن وطلع دم حتى يكون النيشان بس هيه اتحركت على السريع فصار الجرح اشوي كبير اكيد هسه ياذيها من ارجع اخليها تشوف اهلها خطيه مالها ذنب بس بسبب تعصبي ومكر زوجة عمها تورطت
رنا :من رفعت راسي وشفت قيصر وشلون ينضرلي معرفت شنو بعيونه عصبي لو حزين حنان بقيت بس ابجي ومنتبهه لعيونه اتقرب اكثر ولزم راسي بيده وباسني على راسي وبنفس الحضه حسيت بالم بفخذي فتحركت على السريع بسبب حركتي انجرحت اكثر سوه من دم الجرح النيشان وعقم جرحي ونزل وانا عيوني ما بطلن من البجي ومن اجت مريم حضنتها واسولف وابجي احس بنفسي كلش تعبانه حتى المره الباقيه وياي بلبيت مسولفت وياها لا احب ارسم واطبخ خلصتها بس نوم واحس جسمي ياذيني دخلت للحمام سبحت وكان الجو بارد والسخان ميشتغل فاطريت اكمل سباحتي بماي بارد چان امرض وعندي حراره خفيفه وانا اخاف اخذ علاج😷😷
