رنا صاحتلي مريم حتى انجهز الغده ونتغدا وكالت انو قيصر ما يريد بداخلي كلت شنو من زوج لو حتى كنت فصليه كان لازم اشوفه ويشوفني هسه لو نتلاكه منعرف بعض تغدينه وصبيتلهم جاي وغسلت اماعين الاكل ورجعت للغرفه
مريم: بعد ما خلصنه غده ورنا غسلت اماعين صاحلي الوالد وصعدني حتى اصيحله قيصر
قيصر:كنت بغرفتي وانا كلش تعبان نفسياً وجسدياً جاي ارتب بعض الاوراق اجتني مريم وتكول الوالد يصيحلك فنزلتله
ابو قيصر:صعدت مريم تصيح لاخوهه لازم نشوف حل لسالفته ويه رنا دخل قيصر
ابو قيصر:تعال ابني خلينه نكعد ونسولف لا تحسبني بس ابوك احسبني واحد من اصدقائك وسولفلي ليش ما تريد رنا
قيصر:يا بابا يلغالي افهمني هيه هنا باسم فصليه واجت البيت هذا حتى اشيل ذنب قتل اخوي وبس ماراح احسبها زوجه الي هي خدامه بهاذا البيت وبس وهاذا اخر شي عندي
ابو قيصر:يعني انت ما عندك وحده تريدها ومفكر بيها بزواج ورنا وكفت بطريقك
قيصر : لا يابه معندي وما مفكر بهيج شي بس انا هاي البنت اكرها
ابو قيصر : راح اطلب منك طلب لخاطر اخوك وامك واذا عندي خاطر عندك بس ادخل عليها مره وحده وخل تصير حلالك وعندك النيشان وتسد كلام الناس
قيصر : يابه انت تحجي صدك انت وامي واخوي على العين والراس ومعزتكم عندي مالها مقياس بس طلبك ما اسويه وبعد الناس شتحجي وانا متفق ويه امي اذا اجانه اي احد اسوي نفسي طبيعي مثل اي زوج فالناس متحجي
ابو قيصر: شنو قصدك من ماتساويه انا اكلك حتى ما تطلع عليك او على رنا حجايه انت تعرف اذا ماكو نيشان يطلع من العروس وتشوفه واحده حتى يعرفون هي بنت قبل ماتاخذها لو يكولون الشيخ قيصر مو رجال تعجبك تجيك هيج كلمه تمس رجولتك او شرفك لان رضيت ولا مارضيت رنا صارت شرفك انت بعدها شرفنه احنه عيلتك انا بس ردت انبهك اذا انت ما كنت منتبه للجاي تسويه وهسه اصيح لرنا حتى تعرفك
رنا: كنت ارتب بالالوان بعد ما انتهيت من اخر لمسات الاوحه وسمعت صوت باباتي يصيحلي رحت دكيت الباب
ابو قيصر : تفضلي بنيتي تعالي كعدي بصفي
رنا :دخلت وشفت الشاب الشفته الصبح بس وين جان وقت الغده معقوله ارتاح ورجع بعد الغده انتبهت لباباتي وهوه يكلي تعرفين هذا منو بصراحه انا خفت ليكون مسويلي مشكله وشاكي عليه عند باباتي فكتله على السريع اي اعرفه هذا ابن خالت مريم و قيصر واسمه صفاء وهوا صديق قيصر من الطفوله شنو ليش تضحكون
ابو قيصر: من كلتلي اي اعرفه وعرفتني على المعلومات التعرفها عن قيصر ضحكت على برائة هاي البنت وعلى الدنيه الخلتها بيد قيصر
