بقلم .. الاميره الموسويه 👑
ما احلل لاي شخص ياخذ كتاباتي وينشرهم (ذمه)
قصي ..
مرحبا هسه اجه دوري اعرفكم بنفسي .. اني اسمي قصي عمري حاليا 28 سنه
خريج كلية هندسه ، شاب انيق ومرتب وهواي يكلولي انت حلو طبعا شكلي تقريباً يشبه الصوره الي خليتها الكم ببداية البارت تكدرون تشوفوها وتنطوني رأيكم حلو لو لا ؟!!
قبل 5 سنوات صارت وياي صدفه .. جنت ستوني متخرج من الاعدادي ووممصدك خلصت من السادس وجبت معدل بي خير..
فد يوم جنت راجع من الكليه وتعبااان والدنيا طالعه من عيني لان اكتشفت الهندسه صعبه حيييل ..
اني ما صدكت خلصت من السادس طلعتلي هاي البلوه الهندسه ؟!!
المهم رجعت للبيت طافره روحي .. واني كاعد دااكلب بالموبايل اجاني مسج بي كلام مااعرفه .. الظاهر بالغلط وصلي
اني جنت ضايج ومخنوك اريد بس اتعارك فكرت ع بالي ولد من هذولي اللي يدزون مسجات و يتحرشون بالبنات .. كلت خلي اخابره اشوفه اذا ولد اطيح حظه واطلع حركتي بي ..
اتصل والله ردت عليه بنيه !!
سألتها ع المسج اول شي نكرت ردت ارزلها بس بعدين من قريته الهاا اعتذرت وكالت انو هي غلطانه بالرقم .
قبلت اعتذارها وسدت الخط وراحت .. بصراحه اني عمري وحياتي ابد محاجي ويا بنيه او مسوي علاقه نهائياً
لان قبل جنت طفل ومن وصلت للاعدادي ركزت كل عقلي وجهدي ووقتي ع الدراسه اريد اطلع معدل بي خييير لان جان حلمي ادخل كلية الطب..
بس الله مكاتبلي هذا الشيي ،
طلعت معدل قليل ورحت هندسه
اختصاص اصلا اني اكرهه.
المهم .. فمن حجت وياي البنيه وسمعت صوتها حسييت شي بداخلي اتحرك
شعور غريب ..
واحساس اول مره احسه .. راحت البنيه ومرت الايام بس صوتها بعده بأذني
مكدرت اطلعها من عقلي ..
حاولت اشغل نفسي بالدراسه الهي روحي بأي شي بس المهم مااتذكرها ماكوو ميفيد
اعتقد لان هاي اول مره بحياتي اجرب هيج شعور واحسه فمكدرت انساها..
اخر شي قررت اتصل بيها
جانت الدنيا الليل بوقتها ب12 والجو شتا جان ..
اتصلت بيها انطتني رفض وبعدين دزتلي مسج ..(انت شرايد ....الخ)
رديت عليها وطلبت منها احجي وياها كم كلمه وبس.
اتصورت حتمتنع وترفض..؟؟
بس بسرعه وافقت !!!
اتصلت بيها وبقينا نحجي اتعرفت عليها كالتلي اسمها نور من بغداد وعمرها 19 سنه وبس
مقبلت تحجي شي عنها بعد.
اني هم عرفتها بنفسي .. وبقينا نحجي للصبح
حسيت نفسي اسعد مخلوق على الكره الارضيه واني اجرب هيج شعور واحساس اول مره يصير بحياتي ..
احجي وياها وهي صوتهاا ناعم ع بالك بلبل وكلماتها رزنه وهادئه
بس حسيت بداخلها حزن من نبرة صوتهاا
مثل الشخص المكسور !!
الانسان المجروح اللي فاقد شي ثمين بحياته!؟
حاولت افهم شنو سبب هذا الحزن اللي بكلامها بس مقبلت تحجي شي .. وتهربت مني كالت اريد اروح ، وراحت.
أنت تقرأ
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
