بقلم ... الاميره الموسويه 👑
ما احلل لاي شخص ياخذ كتاباتي وينشرهم (ذمه)
سلار..
من خلاني بالفراش البارحا بسرعه غفيت .. مدريت شصار بعد .. لما كعدت الصبح جسمي كان كوله يوجعني ويصب عرك ملابسي احسها مي .. وشي خاانكني مااكدر اتنفس!
الم براسي فضيييع بالكوه فتحت عيوني ..
كنت شبه المسطوره اريد بس افتح عيني واعرف شنو هذا الي خانكني؟!!
ويا ريتني مفتحتهم ولا شفت الي شفت .. اني وين ... ومنو كدامي ... گلبي حيوكف خلص.
كنت بين ايديه ... حاضني ونايم !!!!
عيوني مدااتستوعب الي الد اشوفه .. كان لابس فانيله تعلاكه .. خليت اديه ع عيوني مااريد اشوف .. اول مغمضت عيني الافكار اجتاحت عقلي!!
رجعت فتحتهم بسرعه ورفعت الغطى .. لكيته لابس بيجامه واني هم بملابسي!
باوعت عليه بخوف .. كل ذره بيه مستنفره .. كان نايم غافي .. ملامحه ساكنه ، ويتنفس بهدوء.. الي يشوفه ميكول نفسه الشيطان الي شوه ملامحي!
انثولت مااعرف شصارلي .. بقيت اباوع بوجهه ، بملامحه ، مااعرف حسيت بدوخه وشعوور غريب
كنت اول مره اشوفه عن قرب لهدرجه واركز بملامحه هشكل .. الهدوء والسكينه الي عليه خلوني اتوه بي...!!
اتذكرت قصي ايام المرض .. كان شخص ثاني .. انسان هادئ ومسالم ... شنو الي غيرك ... لويش ضيعتنا و وصلتنا لهذي الحاله .. معقوله خطأ قديم يخليك اتدمر كل الي بينا؟!!
لا ارادياً نزلت دمعتي .. كانت نار حركت وجنتي.
اتردد كلامه ابالي .. لما كال انتي السبب ... انتي الي حولتيني الوحش ... بس الغريب اني محسيت بالذنب وقته...!
وهذا الشي خلاني استغرب من حالي .. لويش مدااحس بتأنيب الضمير؟!
بالسابق اقل كلمه اقل اتهام منه يخلوني اتگطع من القهر .. بس لاني السبب بألي صارله!
معقوله ماعدت احبه؟!!
لحضات مرت كأنها دهور .. مسحت دموعي وسحبت نفسي منه بهدوء بلا ميحس لان كان حاضني حيل مثل الام الي حاضنه طفلها.
نزلت من السرير .. جسمي اليكول قطعه ملابس نكعانه بمي.. والغرفه دافيه .. اختنكت .. بس كان عندي طاقه اشويه يعني اكدر اوكف على رجليه .. بهدوء وبخطوات متعثره ارتكيت ع اي شي كدامي ومشيت .. رحت اخذت ملابسي ونزلت للحمام الجوه .. غسلت وبدلت لبست تراك وردي واسود رياضي..
رحت للمطبخ سويتلي استكان جاي راسي كولش يأذيني ومن البارحا ممكاله شي معدتي تقرقر .. لكيت الثلاجه مليانه اكل الظاهر متسوك .. بس مأكلت شي
اكتفيت بكلاص حليب ويا الجاي وصمونه .. اشويه راسي استعدل .. كملت وبقيت كاعده بالمطبخ مرتكيه ع الميز .. وافكر شنو اسوي بوضعي ؟!!
اهلي مااكدر اروحلهم بعد الي كاله ابويه مستحيل!
واهله مااكدر اروحلهم بيا وجه اروح بهذي حالتي و وجهي شيكولون عليه اكيد ميسكتون يودوني الاهلي وهم ميدرون اهلي متبرين مني !
أنت تقرأ
انا قبل ان التقيك
Dragosteبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
