بقلمي .. الاميره الموسويه 👑
ما احلل لاي شخص ياخذ كتاباتي وينشرهم (ذمه)
سلار..
بحياتي متوقعت حيجي يوم واسمع هذا الكلام ....بالذات من قصي !
هالشي كان حلم وتحقق بالنسبه الي ...
اصلا مكنت اتخيل انه ممكن يكون يحبني .. حتى بعد الي صار اخر مره بالمستشفى فسرته على انه شفقه لما شاف حالتي ، واهتمامه على انه تعود على وجودي مو اكثر ولما طلب يحجي وياي اتصورته يريد يشكرني على مساعدتي اله!
بس لما اعترفلي بمشاعره وصارحني انو يريد يتقدم لي ..!!
مصدكت كنت مصدومه هالتطور السريع الي ديصير وبنفس الوقت حسيت بفرح عمري وحياتي محاسته ولا اتخيلت حيجي يوم واعيش هيج شعور حقيقي .. بس الحمدلله ماكو شي مستحيل عند رب العالمين
هو يحجي واني مصدومه كل اوضاعي اتخربطت بحيث مااعرف شنو ارد شنو احجي من الصدمه نسيت كولشي .. لدرجة نسيت حتى قصة نور وكذبتي عليه ..!
ومن غبائي لما طلب رقم بابا انطيتهيا بلا اي تفكير اصلا .. كنت مثل المسطوره.
يمكن حتكولون عني انانيه ومااحب غير حالي ، لانو فكرت بنفسي ومكلتله الحقيقه!!
لا ابد والله اني مو هشكل اصلاً سبب كل مشاكل حياتي اني افكر بمصلحة غيري قبل نفسي دائما .. والدليل تركت قصي اول مره لان مردت اخدعه واكذب عليه .. اتحملت عذاب بعده عني وضحيت بحبي في سبيل ما استمر اخدعه .. مردت اخلي يحبني ويتعلق بيه اكثر وهو اصلا ميعرف وضعي
ابتعدت عنه حتى مااخلي بموقف ممكن يحرجه ويكسرني!
بس لما قصي اعترفلي بمشاعره تجاهي وحبه الي .. وهو يعرف وضعي وحالتي ومتقبلني مثل ما اني ... نسيت كولشي من صدوك!
اول مره احس السعاده ماليه كلبي نستني حتى اسمي ..
لما تحب شخص بكل جوارحك وتتعلق بي لدرجة الوجع بدون متنتظر منه اي مقابل حتى متتوقع يبادلك نفس الشعور .. وفجأة تكتشف انو هو يحبك ويريدك .. تتوقعون هذا الشي سهل؟!!
الي جرب شعور الحب الحقيقي الي بدون مصالح او مقابل حيعرف شنوو كان شعوري بوقتها.
المهم.. ردت اروح اجه محمد اخو لقصي .. واصر انو يوصلوني للبيت بسيارتهم كولتله مااريد ازحمكم بس مع ذلك اصر .. بالاخير وافقت ..
طول الطريق محمد بقى بس يتشكرني ويحمد بيه واشون ساعدت اخو
ولو ما انتي ميصير زين .. ومن هذا الكلام !
حسيته الولد حيل يحترمني ويقدرني حتى لمح انو قصي معجب بيه وبس يمدح بيه وبأخلاقي كدام اهله.
وصلوني وراحو..
دخلت للبيت ملكيت احد بس ماما وبابا سلمت ردو السلام
بس ماما سلامها بعده ثكيل .. سألت بابا اشو ماكو احد ؟!!
كالي اخوج الوسطاني (ضياء) اخذ زوجته وجهاله لبيت اهلها وبعده مراجع واخوج الصغير (مرتضى ) بعده بالدوام مراجع .. وكال اني طالع .. واحد صديقي مريض واريد ازوره.
اييييييييي هوااي ارتاحيت واخيرا راح نبقى بس اني وماما حتى اكدر احجي وياها ، حفهمها كولشي واخليها تسامحني اولاً .. مااتحمل زعلها اكثر من هيج
وثانياً .. لازم اكوللها انو قصي يريد يتقدملي.. حتى هي تفاتح بابا واخواني بالموضوع.
أنت تقرأ
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
