بقلمي.... الاميره الموسويه 👑
ما احلل لاي شخص ياخذ كتاباتي وينشرهم (ذمه)
ولأنهم بنفس الكبرياء ... سيطول عذابهم
قصي .. كنت احجي وياها بكل حركه اعتذرتلها من صميم گلبي .. ردتها بس اتسامحني .. اوحتى بس تنطيني فرصه اخليها اتسامحني!!
بس ماكوووو فايده ردها الي نهى كل امالي ..
قهرتني حيل .. مو لان اعتذرت لااا .. لانو اني ادين الها باعتذار عرالي سويته بيها ..!
بس الي قهرني انو مخلت اعتبار لحبي الها........
اطلكج؟!!
بعد كل هذا الي حجيته سلار .. تريدن اطلكج؟!!
سلار .. بلي اريد اتطلك اني وانت مستحيل انكمل سوى بعد الي صار .. اثنينا نعرف لا انت حتنسى الي سويته اني ولا اني حكدر اسامحك ع الي سويته بيه.
فأحسن حل كل واحد يروح لحال سبيله .. ويعيش حياته بلا مشاكل.
قصي .. كلامها كانت سيوف تگطع گلبي وصل وصل .. كل كلمه اتكولها تبعدني عنها عمر !
تعذب روحي .. تخمد انفاسي .. تنهي حياتي !
كل ذره بيه كانت تصرخ وتتوسلها تتراجع عن كلامها .. لا تحكم عليه بالموت !
بس الي كلته كان عكس الي احس بي والي تمنيت انطق بي تماماً .....
بلعت غصة الالم الي بحنجرتي وبصوت جامد بكل هدوووء
_ماشي الي تردي يصير.
طبعاً البعض منكم حيعتبر هذا تخلي مني عنها .. وانو اني ما اتحملت وما حولت اكثر .. ما صبر .. واستسلمت من اول رفض!!
وحقكم تفكرون هشكل .. بس السبب الي منعني من الاستمرار والمحاوله وياها اكثر .... كان وعدي الي قطعته امام الله انو مااجبرها ع اي شي واسوي الي تريده.
وطالما هي بخير وهذا الشي راح يسعدها اني مستعد اضحي بسعادتي .. وحتى حياتي فيي سبيل راحتها.
بلا مااسمع اي رد منها سديت الخط .. وقررت من باجر ابد بمعاملة الطلاق حتى ننفصل!
الصبح كعدت رحت للشركه وحجيت ويا ابويه .. كلتله يابه اني قررت انفصل عن سلار!!
اتفاجأ ابويه من الي كلته .. وما صدك اني اطلب هالطلب .. لانه يدري بيه اشكد تعبت واشكد اتحملت حتى اغير نفسي!
حتى اصير شخص جدير بحبها واكسب گلبها مره ثانيه!
فمن كلتله اريد اطلكها .. حسيته انصدم!!
بس ما بين هذا الشي بكلامه فقط سألني عن السبب بأخذي لهذا القرار!!
كلتله مااريد اظلم البنيه اكثر والي شافته مني اكيد خلاها تكرهني .. واني مااريد اجبرها تبقى ويا شخص تكره .. ولا اريد انسانه فقط كزوجه متكن اي مشاعر تجاهي.
الاب .. والله يا قصي ما اكدر اصدك انت الي دتحجي هذا الكلام .. معقوله اتريد اتطلك سلار؟!!
لك ابني انت گومت الدنيا وما كعدتها بس لان اخذناها يمنه .. حتى دراستك عفتها على مودها .. وهسه اتريد اتطلكها؟!!
أنت تقرأ
انا قبل ان التقيك
Romantizmبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
