انا قبل ان التقيك

البارت 23

بقلمي الاميره الموسويه 👑

ما احلل لاي شخص ساخذ كتاباتي وينشرهم (ذمه)

سلار .. اول ما دخلت لكيته نايم ع السرير مالت دعاء ... متمدد وايده ع وجهه!
من سديت الباب الظاهر حس هو .. لان فز من نومته وبس شافني كعد ع حيله مثل الي شاف شبح!!
مااحجيلكم حالتي اشصار بيه گلبي دااحسه يريد يطلع من مكانه .. صار يدوك سريييييييع وحراره صعدت لراسي ..!
من شفته نسيت اصلاً اني شلابسه لان صارلي هواااي مشايفته .. وجهه كان اصفر وملامحه مبينه تعبانه .. عيونه ذبلانه ودايرهم هالات سوده اتحسه من صدوك شخص بلا روح !
استغربت من حالته وشكله الي متغير كولش بحيث ع بالك واحد طالع من الموت!!
بقيت اتأمل بشكله ومصدومه من الي دااشوفه كدامي .. معقوله هذا قصي؟!
اخر مره شفته كان بكامل صحته واناقته اما هسه ع بالك مقسوم بالنص!!
سرحت بأفكاري واتسائل بيني وبين نفسي .. ابتعدت عن واقع انو اني كدامه بملابس الحمام فقط!!!!!!!!!!!!
فززني من افكاري صوته والي باقي ع حاله ممتغير !!

قصي .. بصوت هادئ ... سلار .... اشلونج؟!!

سلار .. صوته ع بالك موجات اجتاحت كل ذره بيه من حجه .. فزت بسرعه مااعرف شنو ارد!!

سلار .. بعدت نظري عنه .. ومحجيت شي.

قصي .. اممم الظاهر انزعجتي من شفتيني.

سلار .. مجاوبته .. رغم انو گلبي كان يصرخ حتى احجي .. بس منطقت .

قصي .. عموماً اسف ما كنت ادري انتي كاعده ويا دعاء بغرفتها .. اخذي راحتج ونعيماً.

سلار .. كام كدامي ديريد يطلع .. اني بقيت بمكاني ع اساس ممهتمه .. بس من كال نعيماً استغربت هذي الكلمه .. شيقصد؟؟!!!!
باوعت بوجهه بأستغراب ...!
اول ما عيني اجت بعينه حرك عيونه بتجاه ملابسي ... وهنا اتمنيت الكاع تنشك وتبلعيني من صدوك .. اتمنيت اتبخر نهاااائياً وميشوفني!
ياربيييييييييييي .. بدون ماانطق بكلمة وحده فتحت الباب وركضت بسرعه طلعت من الغرفه رجعت للحمام .. صارت بوجهي دعاء .. من شافتني اركض كامت تضحك!!

دعاء .. ههههه وكعتي بالفخ.

سلار .. من ورا الباب حاجيتها .. يعني انتي تدرين ومكلتيلي مووو ... اني اعلمج دعاااء!

دعااء .. هههههههههه وج يولي مو قبل اشويه اتخربطتي من سمعتي بي مريض .. اشتغلت الرسميات.

سلار .. امشي روحي من يمي دعاااء لا اطلعلج محد يخلصج مني.

دعاء .. اي عادي اطلعي حتى اصيح قصي يكمل المشاهده.