بقلمي... الاميره الموسويه 👑
ما احلل لاي شخص ياخذ كتاباتي وينشرهم (ذمه)
قصي..
اتخربطت سلار ... بقيت اصيح واصحي بيها ماكوو فقدت اني تخبلت قطرة دم ما بقت بيه حسيت خلص فقدتها للابد ....
خليتها ع السرير وكمت اضرب بيها ع وجها ضربات خفيفه بلكي تصحى جبت مي شربتها .. غسلت وجها اريدها بس تكعد مااااكو فايده متتحرك !
خليت ايدي على كلبها نبضها ضعيييييف شبه المكطوع!!
فقدت عقلي مااعرف شسوي .. كل تفكيري اختل حسيتها دتروح من ايدي
بدون تفكير وبكل سرعتي لبست ملابسي و شلتها ، نزلت بيها خليتها بالسياره اخذتها كبل بوجهي للمستشفى......
كنت اسوق السياره مثل المخبل بدون وعي .. اكثر من مره ردت اندعم من كد السرعه .. وصلت للمستشفى شايلها واصيح اريد واحد يجيني ماكوو الساعه تقريبا ب3 بالليل ..
دخلت للطوارئ اخذوها مني بسرعه.. ودخلوها جوه
الدكتور سألني اشبيها متعرضه لحادث لو شنو؟!!
معرفت شنو اجاوبه بقيت ساكت بس ذرة عقل مبقت بيه .. من شاف ماكو ردت عافني وراح !
كال بسرعه حضرو جهاز الانعاش .. وكفت اباوع من الجام مالت الغرفه الي دخلوها بيها.. ديسوولها هذي الصدمات الكهربائيه على كلبها ... ويا كل مره يصعقوها بي گلبي احسه يريد يخترق صدري ويطلع .. بقيت اضرب الحايط بأيدي حيل حيل لحد ما الدم كام ينزف منهاا
كعدت بالكاع ايديه على راسي وبجيت .. دموعي احسها نار وتطلع من راسي مو دمعات .. ايدي تنزف!
روحي احسها دتحترك ... اني شسويت ... شسوييييت ... شسووووويييت!!
بقيت ابجي بحركه حتى العالم مامت اتباوع عليه ع بالهم ميتلي واحد!!
اشويه واجتني الممرضه ......!
كالت انت الي اجيت ويا المريضه الي دخلت هسه؟!!
فزيت من مكاني وكفت .. ومسحت وجهي بسرعه .. كلتلها اي ليش .. بيها شي؟!!
سلار صارلها شيي .. ؟!!
الممرضه .. اهدأ اخي المريضه مبيها شي بس لازم اعرف سبب هذي الكدمات الي ع جسمها .. شنومتعرضه لتعنيف؟!!
حالتها حيل تعبانه .. عدها هبوط حاد بالسكر وضغط الدم شبه مصفر ... هذا غير الرضوض والجروح الي بجسمها .. شنو الموضوع؟!!
قصي .. شنو اجاوبها .. شنو اكول ... سكتت مو خوفاً من العقاب ار انو يسجنوني لااا .. بس اذا اخذوني هسه منو يبقى يمها؟!!
كلت خلي اتصل بواحد من اهلي يجي يمها وبعدها يسوون الي يسوو ماعندي مشكله حتى لو يعدموني .. استاهل.
بقيت ساكت مجاوبتها .. هي هم ما لحت هواي الظاهر شافت حالتي اشلون منهار !!
طلعت ورقه وانطتنياها كالت هذا العلاج لازم هسه اتجيبه الها ونحتاج بطلين دم ضروري!!
أنت تقرأ
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
