بقلمي الاميره الموسويه 👑
ما احلل لاي شخص ياخذ كتاباتي وينشرهم (ذمه)
قصي ...
لما دخلت سلار للمستشفى
امي اكلت گلبي اكل .. بقت تلح عليه شمسوي للبنيه وشبيها وشصاير ...خبلتني!
واني اصلا كانت نفسيتي متدمره من الي صار بسلار ما الي خلك ومااتحمل .. فمن كثر الضغط وملحتها حجيتلها كلشي..
بس كنت بحاله عصبيه وامي عصبتني بالزايد شتكول الناس وشنكول الاهلها حسيتها دتستفزني او تهددني بيهم .. فكلتلها زوجتي واني حر بيها اموتها اذبحها ميخصكم .. والي عنده اي مشكله يجي يتفاهم وياي معليكم انتو.
سكتت امي لان شافتني عصبني وفاقد اعصابي فد مره
محجت وياي اكثر .. بعدين ردت ادخل اتطمن على سلار كال محمد البنيه رافضه ومتريد اتشوفك اصلا !!
كنت احس نفسي ضايع بس اريد اشوفها اشلون صارت .. بس لما مقبلت ادخل اشوفها حيييل ضجت ، لكن عذرتها لان حقها الي اني سويته بيها مو قليل.
كلت عادي اتحمل هسه ومازعجها عود من انروح لبيتنا احجي وياها واحاول بكل الطرق اراضيها .. بس الي ضيع كل امالي انو احجي وياها ونتصالح لما محمد كال سلار بعد مترجع وياك للبيت!!!!
كال البنيه صايره شبه الجنازه .. ولو صاير بيها شي ابوك يدفنك وراها .. خلي ناخذها البيتنا ترتاح ولما تستقر الامور بينكم عود الله كريم.
طبعاً اني رفضت رفض تام هذا الشي كلتله سلار مرتي وبيتي بيتها .. ترجع لبيتها واني اصلح كلشي صار .. بقيت احجي واصيح على امي ومحمد
كلتلهم هذي السالفه تنسوها وسلار ترجع وياي ...!
واني بأوج غضبي وعصبيتي .. اتذكرت الوعد الي قطعته بيني وبين رب العالمين!!
اني قسمت قسم اذا صارت زينه كل الي اتريده اسوي حتى لو رادت ننفصل هم مااجبرها بعد .. ولا اغصبها ع شي ... وحتى اوفي بوعدي الي اخذته ع نفسي ...عفتها تروح وياهم!
محمد وامي استغربو من كلتلهم خليها اتروح وياكم .. لان كنت رافض رفض تام هالفكره .. شنو الي غيرني بهالسهوله؟!!
وحتى لا ارجع بقراري ما ناقشوني بعد .. طلعت من المستشفى واخذوها وياهم لبيت اهلي!
بعد الحادث والي صار مشفت سلار غير مره وحده .. لما طلعناها من المستشفى صعدت بالسياره واني اباوعلها .. !
ردتها بس ترفع عينها بس نظره وحده منها تكفيني .. بس ماكووو ابد ما عبرتني ... واني مسويت اي شي حتى لتنزعج .. التزمت الصمت التام.
وصلوني للبيت وراحو .. اشويه واجاني ابويه للبيت !!
الظاهر حمودي افندي حاجيله الي صاير او يمكن نبع الحنان غردت كدامه!
المهم ..
مااحجيلكم ع الرزاله الي اكلتها ، رزاله غسل ولبس .. واخذتلي من ضربه بالعگال من عنده!
بس كل هذا على گلبي مثل العسل .. لان تدري بگلب ابويه طيب لكن من خوفه عليه!
ومن ضمن العقاب ايضاً..
كالي بعد ماكووو كليه ولا دوام ... ترجع للشغل وياي مثل الجلب ومتشوف ولا فلس تشتغل بس لزاد بطنك!!
واذا سمعت بيك شارب السم هذا اخلي طلقه براسك واقتلك خلاص!
هم رضيت بكل شروطه وتقبلتهم رغم انهن جاحدات كلش بس ميخالف .. لكن الشرط الوحيد الي متحملته هو الي كاله اخر شي!!!!!!!!
أنت تقرأ
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
