يوم الجمعه..
كعدتها اختها من الصبح ..
يلا سلااااار كومي ما ضلج وكت !
سلار .. واني .. يمعودين اليوم جمعه ماكوو دوام خلوني انام
اختها .. وج كوووومي يا دوام اليوم خطوبتج يحظي راح يجون الناس وانتي بعد نايمه لو تردين اتطلعيلهم بكفشتج هاي !
سلار .. فزيت من النوم .. شنووو اليوم جمعه يااااا ربيي ....... لويش مكعدتوني من الصبح !!
اختها .. ليش ما كعدناج ؟!!
وج لعد اني صارلي ساعتين شدااسوي العب توكي !!
دكومي كومي هم يلا اتلحكين انروح للصالون ونرجع وبعد وكت لتخافين بس كوووومي فضيني
سلار.. ايي ايي .. هياتني كمت حابدل واجي وراج .
طلعت اختي .. اني كمت غسلت وبدلت نزلت لكيت البيت صاير مهرجان ماكووو زعطوط ما جاي
جهال اخواتي وجهال اخواني ... يبووو شحيخلصها اليوم !
سلمت وكعدت اتريك ..
كال اخوي الصغير مرتضى .. يلا سلار اذا خلصتو حتى اخذكم للصالون بطريقي .
سلار .. اي حبيبي خلصت بس خلي اشوف سلمى (اختي) خلصت حتى نروح !
مرتضى .. ديلا اني حنتظركم بالسياره صيحيها وتعالو حتى متتأخرون.
سلار .. ماشي .. صحت ع اختي .. سسسسسلممممممى وينج مو حنتأخر
اجتي بسرعه وطلعنا ...
رحت للصالون .. طلبت اتسويلي مكياج هادئ وخفيف ، لانو اني ملامحي ناعمه اشويه وحاده .. واني مااحب المكياج بصراحه استحي من اخلي اوفر ع بالك مااعرف شنو مسويه!
المهم هذي الصالونه ما شاء الله شغلها فد شي كولش راقي طلعت حيل حلوه .. شعري مصبغته بس خصلته لون ثلجي وسوت تسريحه بسيطه وتاج ذهبي كولش ناعم.
الفستان الي اني مجهزته لونه بيج على حليبي فصاله كولش نازك وبي حزام وشذرات ذهبي .. مثل فساتين الاميرات
لما كملت اختي اتجننت كالت طالعه اتخبلييين الله يعين قصي اشون حيشوفج ومياخذج ويا هههه.
كولش خجلت من كلامها الغبيه حرجتني كدام الي بالصالون .. لما كملت اتصلت سلمى ع مرتضى اجه اخذنا
اهلي مجهزين كولشي حظرو البيت والضيافه ، عمامي اجوي واقاربنا هم كم واحد ، اخواني وزوجاتهم وصديقاتي ، ما احجيلكم الخبصه مكنت متوقعه هالكد ناس يجوون هي مجرد خطوبه !
للساعه ب 4 العصر اجوي اهل قصي وياهم زلم هواي كولهم معكلين .. ونسوان هم هواي
شافنها اتعجبن على جمالها ونزاكتها فعلا طالعه تشبه الاميرات ع نعومتها ووهدوئها
أنت تقرأ
انا قبل ان التقيك
Romansaبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
