قاموس العشق للعاشقين

إستهلال

قلوب بتعاني مين الجاني؟
وقلوب للحب معاني
وقلوب قالت أشعار
حبر البحار من الأغاني
وقلوب اتجرحت او فرحت
وشكت فالقاعدة إتضحت
ماتتمسكش بشخص تحبه
في الاخر هيبعد
الجنة صانعينها في الدنيا
بس لأ مش مكانها
جنة ربنا فوق السما
والأرض بعيدة عنها
فالفكر كله بتدور
في الناس علي الكمال
كما قال خير النبيين
فدين حسب نسب جمال
لكن نتعثر
وقلوبنا دايما بتتكسر
لو وصل حب بينا
اهل يقطعوا اللي بنوصل
يا تحب حب صادق
تلقي حبيبك يفتري
علي قد فقر حبه ليك
بعذابك يكون ثري
حبك ينقص نقطة نقطة
يقلب كره ويزيد
يندم حبيبك علي حبك
فيقطع الوريد
دايما قاموس العشق
يبينلك واقع جميل
الهيبتا كدبة ابريل
خالد ما رجعش لأسيل
دايما نكابر
فمانقدرش نكمل مع بعض
تفتكر كم حد جرحك
في خيالك تلقي طابور عرض
وباردو تسامح
تنسي لحبيبك جرح امبارح
فتكون حاضنه انهاردة
وبكرة ليك هيكون الجارح
فنصيحة ليك من واحد
عرش قلبه انهار عليه
من لما تعب حبيبه
بالدم دمعت عينيه
انا اول واحد
مش هخلي اميرة
لعرش قلبي
غلطت لما قلت
كل سنة وانتي جمبي
(بصوا عشان نركز كده ...انا حسين محمود احمد
كاتب ومؤلف اغاني ورابر كمان...بعيدا عن قصة حياتي لانها ما تهمش القراء اكيد...او هتعرفوها لما تعجبكوا كتاباتي...بس عندي حبة قواعد هنمشي عليها...اولا هنقرا الاجزاء من الرواية في اوقات الفراغ...يعني لا تلهينا عن امور دينية زي الصلاة في وقتها...ولا دنيوية...زي الشغل او الواجب او المذاكرة وكدة...ثانيا كل 10صفحات او في حدود مثلا 500كلمة هتلاقي فاصل عشان افكرك بالقواعد دي...ثالثا انا رابر يعني كل رواية هتلقي فيها ع الاقل اغنية...رابعا احب اشكر اختي الصغنتوتة مريومة (Z.G) لإن هي اللي عرفتني ع الوات باد وكمان هي بتكتب روايات حلوة اوي عن الكوريين وكده...ده كان استهلال للكاتب وكمان التراك كان استهلال للرواية...الرواية احداثها مستوحاة من قصة حقيقية وانا اعرف صاحبها شخصيا...يلا نتوكل علي الله ونبدأ...