ذلك اليوم حمل مقتطفات جديدة وعديدة ...إنه (مصري) والذي يلقبه نادر ب(مازري) إثر نطقه لحرف ال (س) بهذا الشكل...ليتحور الاسم حتي يصبح (Maz) جلس مع نادر الذي يتناول إفطاره هائما لا بالحزين ولا بالسعيد ولكنه يظهر عليه عدم النوم وكأنه كان مستيقظا طوال فترة ثبات أصحاب الكهف...
ماز: ولا يا نادر ...إصحي يا زفت
نادر ينظر له بقلة حيلة محاولا التركيز
-ماز ايه الاخبار يا زفت ؟ عامل ايه ؟
-الحمد لله...ابو ام حياتي يا جدع
-فيه ايه يابني تاني؟
ضحك ونظر للسماء و ارتشف جرعة من عصير الخوخ الذي ظنه برتقالا خلال ثلاث سنوات الجامعة...
-قلبي بيتقطع وربنا يا نادر...بجد عارف اللي هو بتحس انك كده...فاهمني؟
-اخلص يا بني مال (شوشو)؟
ضحك وصفع نادر علي وجهه بمزاح
-ياد يابن ال...
-المهم يا سيدي ...اخيرا كنت هقابلها ...بعد كوووول الوقت ده...ما كانش معايا فلوس خالص...بص بقي يا سيدي الحب وعمايله...نادر ...نادر...
نادر نعس مجددا وكوب العصير ينسكب من يده...
ماز بصوت عال: ما تقوم يلا بقي
فتح نادر عيونه متفاجئا وسقط منه الكوب
ماز: ياللا اخد الشر وراح
نادر: معلش يا ماز وربنا...كمل
نظر لأعلي مجددا واستنشق نفسا وكأنه سيبدل ما بداخله من مأساة
-نزلت لمهندس الكترونيكس...كان عنده شوية تابلتس ولابس ...كانوا عاوزين صيانة...قلتله هات فلان من الفلوس واخلصهملك...بالفعل وافق...قفلت المحل علي نفسي وقلعت بالحمالات وصبح عليا الصبح وكانت الاجهزة ميت فل وعشرة...اداني الفلوس علي قد ما طلبت وعلي قد ماخططت للخروجة...وقتها بقي كانت طالبة مني هدية معينة...
قاطعه نادر...
-من امتي با جزمة بنتكلم بالغاز؟!
-مش القصد والله بس زي ماتقول...
ابتسم نادر...
-امممم شكلك كده تحمل خازوقا في جعبتك في نهاية القصة
-طب ممكن تسمع و بس ...
تابع ماز...
-رحتلها وانا فرحان اني اخيرا خرجت معاها ومعايا فلوس عشان افسحها...قلتلها اهي الحاجة اللي طلبتيها...
ضحك ماز وهو يحمل ألما لما سيقول...
-أخدت البتاعة ياد يا نادر وقالتلي شكرا ورايحة تمشي...
إعتدل نادر: وعملت ايه؟
-ما حسيتش بنفسي غير وانا مطلع الفلوس قدامها وبقطعها ميت حتة
نادر: وهي عملت ايه؟
-انبهرت كده وقالتلي بتعمل ايه؟، رديت وقلتلها لا عادي دي مش فلوس حقيقية...
ضحك نادر مربتا علي كتفه...
-وجالك قلب يا سافل تقطع النعمة
-انت بتضحك يا نادر؟!!
هم ماز بالرحيل...
-والله باهزر معاك وعاوز اخفف عنك يا بني...اقعد بس واشرب عصير البرخوخ
-والله لنا ماشي ابو ام حياتك يا نادر...
أنت تقرأ
قاموس العشق للعاشقين
Romanceاول يوم دراسي... ذلك الشاب يواري وجهه من زملاء ينتظرون وصوله لكي يكون بطل (حفلة) السنة بعد أن علم الجميع بقصته الرومانسية مع زميلته (ايه) التي علمته درسا قاسيا في (قاموس العشق للعاشقين) حيث قامت باذلاله وهو هائم سكران في عشقها...دكتورة وفاء تفاجئ ال...
