قاموس العشق للعاشقين

نادر

السنه 2066
شهر :10
المكان :القاهرة
فتي في العشرين من عمره يركب سيارة الأجرة يضع السماعات و يسبح في خياله وذكرياته.
في سره:يادي النيلة آدي أم سنة تالتة هتبدأ و علي قد م الجماعه هياخدوني بالاحضان عشان وحشتهم ،علي قد ما هيتنططوا عليا عشان كلامهم طلع صح
(يأخذ شهيقا طويلا)
-ياللا...الحمد لله انها خفت وربنا يديها اللي احسن مني يارب...
بعد فترة علي نفس الحال وصل الي وجهته (أكاديمية خاصة) يدرس بها نظم ومعلومات إدارية،فور دخوله من البوابة وكأنه يخبئ وجهه
-يارب ما حد يشوفني دلوقتي ،اليوم مش محتاج اومليت من اوله
يأتي أحد الزملاء ويصيح مناديا :يا نادر
نادر يرد بطبيعية: ازيك يا محمود عامل ايه؟
محمود:الحمد لله تمام،ايه ياسطي شايفك زي اللي مستخبي كده ،ايييه ؟!! لازم تسلم ع المودام الأول (بمزاح)
-ماهو بفقرك انت وهما وقركو فشكلنا
محمود متفاجئا: بجد؟!!
-هكدب ليه في موضوع زي ده ،لو كنت عاوز اكدب كنت كدبت قبل ما تنقو ع البنيه
-يا عم مش قصدي بس انا قلتلك(اكمل معه نادر)
-ان هي مش هتنفعك...خلاص يا محمود طبلنا وزمرنا ممكن بقي تنصرف او تعالي نشوف باقي الشله... بقوللك ايه ،انا عندي التهاب في حلقي والدكتور قاللي ماتتكلمش ،ده اللي هتقولهولهم
-اااااه كل ده عشان مايحفلوش ع السنجول الجديد ..علي فكرة انا قلتلك قبل كده ان هي...
نادر مقاطعا:وربنا هاروح يا محمود ،حس اني بني ادم بقي
ضحك مازحا: خلاص والله بس انت عارف انا بحب لما اكون صح اعيد وازيد😎
-ده عشان انت اوفر يا بني يا حبيبي😕
(تأتي من بعيد فتاة تصغره ب ثلاث سنوات ،إنها صديقته (سارة) تسلم عليه بنظرة من عينها فهي لا تقف مع أي شاب لا تعرفه ،قرر محمود أن يستأذن ليترك لنادر المساحه ولكن نادر رفض...
المحاضرة الأولي كان فيها نادر يشتعل حماسة ،إنها محاضرة د/وفاء ،أفضل دكتور في الأكاديمية ومهما كانت المادة التي سوف تدرسها فتجعلها مادة تفاعلية مليئة بالأبحاث والنشاطات وذلك ما يعشقه نادر...
د/وفاء:صباح الخير علي دفعة الهم والنكد ،ازيكو يا تالتة عاملين ايه؟
الدفعة:الحمد لله
-من غير ما اسألكو عملتو ايه في الاجازة انا عارفه اني وحشتكو
-جدا يا دكتور
-احب بس اسأل اي حد منكو عمل ايه في الاجازة واستثمرها في ايه؟...
(تشير لنادر)
-انت يا بتاع 'عاوز احس اني عملت حاجة ' عملت ايه ياخويا في الاجازة؟...حسيت انك عملت حاجة؟؟
(ضحك كل من في المدرج لتذكرهم لهذه الكلمة التي قالها نادر عندما ترتب علي الدفعة، وظن أن نجاحه لا يهم اأهله لعدم تفاعلهم وحماسهم السنة الماضية...
نادر :انا يا دكتور اخدت قلم
د/وفاء بصوت عال:نعم يا اخويا؟!! ما تتكلم من غير الغاز يا بني
محمود مقاطعا:قصده يا دكتورة يقولك ...
د/وفاء تصيح بغضب:وانت محاميه يا نغه
نادربصوت منخفض: أحسن يا زياط
د/وفاء مشيرة لنادر:كلامك معايا انا يابني
نادر: والله اقصد يا دكتور اني فكرت غلط وخططت غلط وفي الاخر يامولاي كما خلقتني
-انت تقصد انك عملت مشروع وفشل ؟!
نظر أرضا وبعد شهيقا عميقا أردف...
-اكبر مشروع في حياة كل واحد مننا
فهمت الدكتور قصد نادر...
-نادر بعد المحاضرة تعالي مكتبي لو سمحت...
مضت المحاضرة ثقيلة جدا علي هواة اللعب واللهو من الدفعه أما علي نادر ومن يشبهه فقد مرت كلمح بصر...
(بعد المحاضرة في صالة الأكاديمية)
يراه صديقه خالد من بعيد فيذهب ويحتضنه...
خالد:اووووه ايه يا ابو ندي...ايه الاخبار؟ سمعت انك فشكلت ،انا مش متخيل يابني ده انتو كنتو ولا الف ليلة وليلة، بس عادي ياسطي بكرة يبقي معاك اللي برقبتها
نادر:بالرغم انك ماشاء الله قلت كل الاسئلة والردود كمان...إلا ان الحمد لله علي كل حال المهم اني لسه عايش والضربة اللي ماتموتش؟...
خالد:تكسر يا ابو ندي ...ثم ضحك بإستهزاء مازح
-تصدق انا راجل وسخ اني بتكلم معاك
محمود: انا باقول كده باردو
-طب ياللا يا شوية حيوانات يا حبايبي من هنا
خالد:انا كده كده رايح اقعد مع جماعتي
محمود: وانا هاروح استغدي عند صلاح
نادر:وانا رايح لدكتور وفاء عشان كانت عاوزاني...
خالد و محمود في صوت واحد:اوووووه ضمنت اعمال السنة يابن المحظوظة...
نادر:نقو بقي...شكلها هتديني ملفي يا فقر
محمود:اجيبلك حاجة من صلاح ؟
-اه ياريت كريب فراخ من الكبير ولتر ساقع عشان حاسس اني هفتان
محمود ضاحكا بقلق: لا...باقولك انا صاحبك مش ابوك نهدي علي بعض ده احنا اول يوم 😂
-ياللا من هنا يا محمود مش عاوز حاجة ،تاخد انت التاب بتاعي تبيعه لو مزنوق
-ياد بهزر
-هههه وانا كمان ،بالهنا والشفا ياسطي...
(في مكتب د/وفاء)
-ازيك يا نادر ،شكلك كده متدهول اوي
-ابدا يا دكتور
-خلاص يعني كل حاجه تمام
-تمام
-طيب اتفضل
هم نادر بالرحيل ولكنه أدار وجهه مرة أخري ناحية د/وفاء ناظرا للأرض في خجل
-انا اتضحك عليا يا دكتور
في بسمة بثقة:سمعاك
-مانفعناش مع بعض بعد كل ده ،رفضت تتغير بعد كل اللي انا عملته عشانها
-وانت كنت عاوزها تتغير ليه؟
-كنت عاوزها يكون لها قيمه وماتكونش بني ادمه سهله
-خلي بالك انت بتقول ايه...دي اعراض
-مش قصدي انها وحشة ،انا اقصد انها (افيلابل) علي كل السوشيال ميديا، رقمها مع كتير من الدفعه وصورها ع السوشيال متاحة لأي حد...يعني انا مجرد عابر سبيل بالنسبالها ،كل اللي كنت عاوزه انها تكون ليا بس وده من حقي
-اممم كمل...
-كل ده كوم ،وان يجيلها واحد يخطبها وماتقلهوش لأ دي كوم تاني،فعلي قد ما كنت بحبها ومتيم بيها كان ده اول مسمار في نعش علاقتنا بالنسبالي ،بدأت احضر نفسي للحظة الاصعب وقت ما يتخطبو رسمي وبدأ قلبي يبني دفاعات لحد ماغلاوتها عندي بقت صفر واصبحت زي اي حد ،وبعد ماكان خطيبها مستني النتيجه عشان باباه يخطبهاله ،للاسف شال السنة وطبعا ابوه ماكملش موضوع خطوبته لان ابنه خذله وانا الحمد لله طالع الخامس علي الدفعه
-مبروك يا نادر ...كمل
علي قد ما هي كرهتني فيها وقدرت تموت نفسها في قلبي علي قد مانا فاكر انا قد ايه كنت غبي ،يا دكتور انا كنت باصوم عشان فلوس الاكل احوشها، عشان اجيبلها اللي يسعدها
،عارفه حتي دواها؟ كنت بابقي فرحان وانا باجيبه معاها...انا كنت باطلع اللقمه من بوءي عشان اسعدها
(سكت نادر وأحمر وجهه وقبل ان تسأله :مالك،نظر للسقف محاولا منع دموعه فلم يستطع و أجهش بالبكاء)
د/وفاء:نادر اهدي...خد اشرب ميه
-انا اسف يا دكتور بس فعلا باحس انك والدتي وبرتاح لما بتكلم مع حضرتك
-انت انسان طيب يا نادر وتستاهل كل خير وده درس لازم تتعلم منه كتير ،احيانا بيكون العقل لازم يشتغل قبل القلب وانت عملت كل حاجة وكإنك بتشتري سمك في ميه ،كل ده كان المفروض مش قبل الخطوبة بس الحمد لله المهم تكون اتعلمت
-اتعلمت ان مافيش حب تاني ،الحب عطله في حياتنا
-لا انت كده ياريتك مافهمت ،المهم اهدي دلوقتي وعاوزاك تفكر انت غلطت في ايه وكان ايه ممكن تضحي بيه عشان العلاقة تستمر ...وهل تضحيتك دي كانت هتخليك تكون راضي عن نفسك؟...
اسندت ظهرها علي الكرسي وبثقة...
- وكمان ده هينفعك في البحث الجاي
-بالمناسبة هو هيكون عن ايه؟ ...