قاموس العشق للعاشقين

من هذا؟

-اصطبحنا وصبح الملك لله حتي نادر ما جاش انهاردة...والواد ماز خارج مع خطيبته...
يرن الهاتف...
-ايوه يا نور ... عاملة ايه يا حبيبي
-بص وراك كده...
نظر خالد وراءه ليراها...
إنها حبيبته ذات الطابع الجديد المحسن...إبتسامة هادئة وصوت خافت التزام يكلله ذلك الثوب الفضفاض العفيف...
خالد: لا بقي... انا ماستحملش كل ده ...بالراحة عليا...
أبتسمت واضعة وجهها إلي الأرض ...
-ايه...مش هنفطر ؟!
-باردو ...كده...ده انا هالف بيكي الاكاديمي كلها انهاردة...
-طب يلا بقي...
كان من أسعد أيام حياة خالد ...هو ذلك اليوم إن لم يكن الأسعد ...أخيرا تحقق حلمه بعد صولات وجولات طوال ...لقد اقتنعت أخيرا...أخيرا استطاع أن يطمئن عليها ...ذلك التغير لم يسعي جاهدا ليقال أنه غيرها...إنما هو عشق لها منه قاده ليؤمنها من عذاب شديد في الآخرة...
كان يمشي بجانبها ذلك اليوم شامخا...لقد كان فخورا وسعيدا بها مع ملايين المشاعر المختلطة الأخري...لم يعكر صفو اليوم إلا تعرقل نور في أطراف تنورتها علي السلم لينقذها خالد بعد أن كادت تسقط...ثم تنظر له بأسي قبل أن يوصلها لسيارتها...
-sorry khaled...i have to leave now...
-معلش يا حبيبتي...ابقي خلي بالك بس مش اكتر...
-----------------------------------------------

-حبيبتي...عاملة ايه؟
-الحمد لله تمام ...وانت عامل ايه؟
رد بكل فتور...
-انا الحمد لله تمام...
-عارف...انا فرحانة اوي انك اتصلت
-انا فرحان طبعا اني سمعت صوتك...بس زعلان منك في شوية حاجات كده....بس مش وقتها يعني...
ردت متفاجئة بما تسمع وعلي وجهها ابتسامة ذهول لشر البلية...
-زعلان مني في ايه بقي؟
-اولا مختفية من فترة ولا فيه اي اهتمام بالدراسة...ثانيا بحث السنة دي ايه دنيته... ولا زي كل سنة...و مش عارف ازاي باستحمل ده...
ثالثا ما قلتيليش ليه انكوا جمب بعض و كل ما اكلمك تقوليلي زميل مش اكتر...والباشا اليومين دول لازقلك زي الجرب في الجمل...
قاطعته...
-يااااااه ده انت معبي بقي...اولا انا قلتلك...اللي جيت لقيتني عليه مانتكلمش فيه...صح؟!
لم يرد من الأساس...
-ثم استني بس ايه اللي بتقوله ده؟!...جرب ايه وجمل ايه؟ ...هو ايه اللي خبيته عليك ...ده اخويا...اخويا...فاهمني؟
رد عليها بضيق بالغ مصاحب لصوت عالي...
-اخوكي وعشان كده خبيتي عني...صح؟
قاطعته بألم بالغ و إحباط...
-شكرا ان انت اتصلت بعد كوووووووول الوقت ده ...وبدل ما تطمن عليا بتتخانق علي حاجة ما لهاش لزوم...
بدلا من محاولة تهدئتها قام بإنتقاد ذلاتها...
-يعني ايه شكرا يعني؟ ...شكلك عاوزة تقفلي...سلام
-الو؟!!!....الو
*********
تبدأ في البكاء...
"وصلنا الي نهاية الرواية علي واتباد...اذا اعجبتك الرواية وتود إكمالها، انتظر قليلا
تم بحمد الله الانتهاء من كتابة الرواية ومراجعتها اللغوية والنحوية، ويتم الان تصميم الغلاف و ختيار دار نشر مناسب، وقريبا سوف تكون متاحة للشراء في المكتبات...
اذا احببت طريقة كتابتي وتريد ان تستمر في معرفة المزيد عني وعن كتاباتي فأتشرف بأن ادعوك الي اسرة #الكاتب_حسين_محمود حتي تتعرف علي جيدا وتتابع كل جديد
صفحة الفيس بوك
https://www.facebook.com/kingsadin/
احبكم وارجوا ان اكون قد اسعدكم"