قاموس العشق للعاشقين

براءة

-نادر ....ساكت ليه؟
-ازيك يا آيه
-عامل ايه يا نادر؟
-ازيك انتي...عاملة ايه؟
-انت زعلان مني ؟
إستنشق علامة علي إنفجار إحدي قنواته الدمعية
-ازعل منك ليه يا ايه؟ ازعل ليه؟...قوليلي...ايه عملتيه يخليني ازعل؟
تغير صوتها و ردت بأسي...
-ممكن تسمعني بس
-انا عملتلك ايه؟! انا اذيتك في ايه يا ايه؟ ليه عملتي فيا كده وانتي متأكدة اني باعشقك و روحي فيكي...ازاي قدرتي بعد كل اللي مرينا بيه تقتليني؟...ازاي يا آيه؟...ذنبي ايه؟...ايه اللي كان سبب فتردي حبي ليكي باللي حصل؟...
ردت بكل هدوء...
-يعني انت مظلوم....صح؟
استنشق مرة اخري...
-علي الاقل لو مش مظلوم يبقي مش ظالم...
بدأت في البكاء و حدثته بنبرة لوم...
-انت بعد كل ده ما قدرتش تستني حبة بس؟...اول ما قالولك امشي مشيت... ماقدرتش بعد كل اللي عملته عشاني انك تحارب يوم تاني وتتحدي؟...ماتعرفش طبعا انه كان مفروض عليا...ما تعرفش اني حاربته كتير وكان من المفروض اني يادوبك اخرج من ضغط المرض خبط لزق علي ضغط نفسي ...ازاي بعد ما اتقدملي واهلي وافقوا عليه وبقي معظم وقتي معاه اوفق بين اني ارفضه وهو مش بيحس اساسا وبين اني ما احسسكش بوجوده عشان ما اخسركش...الوقت اللي رديت فيه عليك وجرحتك انا كنت في انهيار عصبي ومش عارفة اعمل ايه...انا كلمتك يوميها لأجل ما تحتويني لكن بغبائي وغبائك سيبتني ومشيت...ما تعرفش اني انهرت عصبيا واني رحتله لحد بيته وقدام اهله شتمته وقلتله مش عاوزاك وانه انسان بارد ومش بيحس ...
زادت في بكاءها ...بكاء سكن رنينه آذان ناظر جوال حياته بعدها...
-وانه كفاية خسرني احسن حاجة في حياتي ...ماسألتش نفسك يا اناني ليه (ايه) ما جاتش من اول السنة؟...
آيه اللي كنت مسميها اميرة عرش قلبك كانت بتتعالج نفسيا لحد اسبوع فات...
بكي نادر بحرقة وأنين ...
-ليه عملوا فينا كده؟ استفادوا ايه لما قتلوا قلبي ورموكي في مستشفي نفسية؟...
ثم استنشق مرة أخري...إنه أصعب بارق من ماض يخترق ظهره من زمن ألقاه وراءه ليظهر أمامه مهشما عظام صدره التي تحتضن قلبا مهترئا لا يزال يجمع أشلائه ويلصقها بدموع صمغية قارب نهرها من الجفاف علي حال (صغنتوته)...
-بس انا مت ميت مرة يا ايه ...ليه ما شرحتيش قبل كده؟
بدأت في الاستنشاق المصاحب لمدامع دافئة...
-انا مش باقوللك نرجع... انا عارفة انه ما عادش ينفع...بس...
صمتت حديثا وليس نحيبا لبرهة...
-عاوزاك...تسامحني يا نادر...
استنشق مع كلام يغلبه التقطع...
-انا عمري ما قدرت ازعل منك ...سامحتك من اول يوم وبادعيلك...زعلت عليكي مش منك
-سامحني يا احلي حاجة حصلت في حياتي وربنا يوفقك...خلي بالك من نفسك...
سمعت صوت نحيبه و استنشاقه لفترة...
-والنبي يا نادر ما تبكي...والنبي يا نادر انا ما صدقت خفيت...
بكت بنحيب طفولي بريء...
-اهدي يا ايه...خلاص انا هديت والله اهه...
هدأت بعد محاولات عدة ...
قالها بحنان وحنين...
-خلي بالك من نفسك ...لو احتاجتي حاجة انا موجود...
ثم صمت هنيهة و أردف
-تصبحي علي خير
-وانت من اهله
-استني...
-فيه حاجة؟
قال كلماته بصوت ثابت و هادئ مطمئن لها وكأنه مسك الختام...
-ما تقفليش قبل ما تسمعيني ضحكتك...
ضحكت ضحكة هادئة محملة بالراحة والألم في نفس الوقت...هنيئا لحسن الختام ولكن شقيا للختام ذاته...
يوم بعدها...
-خاطر عامل ايه؟
-الحمد لله يا نادر ...خلصتلك التراك
-طب يلا حط الفلاشة دي ...تراك جديد
دعك جبهته: يا نادر ...بص انا عارفك، مش اجنبي عنك انا...انت كل تراك بتعمله بتبقي قاصد كل حرف فيه...فيه ايه يا نادر بس...مخبي ايه؟
ربت نادر علي كتفه مطمئنا...
-سجل بس وهتفهم كل حاجة...
بدأت الموسيقي في البيز فإحمر وجه نادر حتي تبخرت الدموع عن عيونه...حتي وصلت الموسيقي للجزء الذي سيبدأ فيه التسجيل...
"ابقي افتكريني مش بالقسوة لأ بدموع عيني
يا أحن واحدة شوفتها علي مدار سنين...
ثم تحول وجهه الي الغضب...
"كرهت الدنيا...كرهت حتي مكان وجودك
كرهت ذكري فيها باشم عطرك واسمع صوتك
كان بيننا حاجة...فبقيتي ليها مش محتاجة
احساسي بيكي يومها اتأكدت كان سزاجة"
ثم تعود ملامحه للحزن و الأسي...
"بجد حبيتك كان نفسي بيتي يبقي بيتك
بس رديتي الحب بظهور حد في حياتك
يومها جرحتيني لما حطيتيه بينك وبيني
واتاكدت مافيش حب اصلي...لأ كله صيني
فشيطاني كسبني قاللي يابني نورك صابني
اهه جرحتك كالعادة وهدت كل شيء كان مبني
ده انا جرحي منك سبب فوبيا الاكاديمية
مش عاوز ارجع علشان خايف مش عشان مني التضحية
خايف اشوفك معاه يزيد انيني
لغاية دلواقتي لسه قالبي بيقوللك بتوحشيني"
يظهر في صوته نواح وبكاء...
"احساس كان بيننا اكتر من اي حد غيرنا
حلم بيتحقق طوال خمس شهور في سنينا...
ردك جرحني محي كل مني حاجة ناحيتك
قتل كل ذكري حلوة وماسابليش غير قسوتك
فشيطاني غزاني غزيته...فاكرة لما وصلت لبيته
يومها في زنزانة جديدة حطيته بس بالبسمة لقيته
كنت انا مختارك و انا كنت كمان قرارك
رقص علي جثة حبنا لما شبح فراقنا زارك
سلمت نفسي ليه حاولت اؤذي نفسي بزيادة
بادق وشوم علي جسمي وبابعد عن اي عبادة
علامة الصلاة بالدم شيلتها بضوافري
والقرآن ربيع القلب مابقيتش تتحرك عليه مفاصلي
سيبتلك الدنيا واختفيت بالتدريج
لما جرحتيني النور اتحول لشيطان مريج
كلامنا بعدها بقي احساس منزوع المشاعر
بطلت اكتب عنك مع اني كنت لمملكتك شاعر
فبالتوضيح استدراج كلام بكيت وقلتلك
اللي في قلبي في اضعف لحظة استسلام
بتقول انت مظلوم؟ رديت وقلت بس مش ظالم
ليه يا ايه هدمتي قصر حب كان باين المعالم
بترد انا مظلومة وبجد منك محرومة
لكن النصيب لما بيوقع ما بيقومش تاني قومة
كنت معاه ومش كارهاك ولا حباه
قلبي والله كان معاك وعمره في لحظة ما كان معاه
لكن ضغط الاهل خلي بالسهل الجرح يحل
مش حباه ولا حساه لكن الاهل يقولوا انسب حل
حسيت اني موجوعة فقلت ما اكونش سبب لدموعك
كان نفسي ارفض بس ما اقدرش اصغر ابويا
فالانهيار ادي لانكسار كل اللي الاوصال
بقيت ضحية لاهل شايفين ان ليهم القرار
رحتله بيته وقصاد عيلته قلتله انا باكرهه
كفاية عليا حلم عمري خليتني اخسره
رديت بكيت وقلتلها وسط الدموع
ليه ربنا عمل فينا كده دي قصة كان ماليها الخشوع
مسحت دموعي في عينها مسحت عيني بإيدينها
ارجوك بس تسامحني دي نهاية اللي ما بينا
عشان خاطري يا ملاكي بلاش تنزل منك دموع
واعرف اللي حصل غصب عني للاسف مافيش رجوع"
نظر للاسفل بكل أسي...
"راح الرجوع...راح الجوع"