بدأ اليوم الجديد برنين منبه الموبايل الذي لن يقبل سوي بأن يوقظ نادر، نادر الذي سهر حتي الساعة السادسة صباحا محاولا النوم ولكن في كل مرة يري سراب كابوسه الغريب، رن الهاتف بنغمة مختلفة... إنها تلك النغمة التي خصصها لل(صغنتوته) كما يظهر اسمها... إنتبه وقام منتصبا ليرد وهو يحاول نثر غبار النوم من علي جسده
-ايه يا سمسم... ايه الاخبار يابنتي
-ايه الاخبار؟؟ ولا؟!! انت لسه نايم
-لأ مين قال كده...
-اه... تبقي لسه نايم... طيب يكون في علمك بقي اني تحت عمارتنا دلواقتي وعشر دقايق وهكون عندك تكون لابس وجاهز...ومحضر اتنين شاي بحليب عشان نفطر
-المهم انتي كويسه
-اه كويسة...ماتخفش مانمتش ع المكتب الليل كله زي ما واحد حمار كان سايبني متلقحة...
ابتسم عندما شعر بأنها بحال ممتازة...
-لسانك الطويل يا جزمة...ماشي...مستنيكي يا زفته...
-يسلملي زوقك
-الو... قفلت في وشي بت ال... ماشي
غير ملابسه حتي قبل أن يغسل وجهه، ووضع ابريق الحليب علي الموقد...
صوت الضوضاء الناتجة عما يفعله نادر نبه والده الذي كان جالسا في الشرفة يشرب قهوته ويتصفح الجريدة الإلكترونية علي جهاز الايباد خاصته
-ايه يابني...اهدي
-معلش يا بابا سارة بس جاية والنبي صب الشاي بحليب عبال ما البس الكوتشي...
ابتسم وذهب ليصب الشاي وبعد دقائق رن الجرس وكان كل شيء جاهز
فتح الباب...
-اصطبحنا وصبح الملك لله... يارب ذنبي ايه بس
ابعدت يده عن الباب ودخلت...
-انت اللي ذنبك ايه؟!... اخلص فين الفطار
-كليني انا احسن...اهدي
ضحكت مغطية و جهها بيدها
-بس بجد والله وحشني فطارنا سوا
ابتسم
-الله الله الله...ده احنا بنتكسف اهه
-بس ياد انت...
-رجعنا تاني ...
-ولا... من امتي ماتصورناش سوي؟...
-يااااه من...
قاطعته واخرجت هاتفها من حقيبتها
-انت لسه هاتتخيل...ياللا سلفي الفطار
دخل عليهم م/ ياسين يحمل صينية بها بعض البسكويت والشاي بحليب
-الله الله...بتعملوا ايه؟
-عادي يا بابا بنتصور سيلفي
-من غيري
سارة: باردو كده يا عمو
إفطارا كان مليء بالسعادة، انتهوا منه وذهبوا الي الأكاديمية...
في الطريق
-لاحظت حاجة يا نادر؟
-اكيد...
-ايه هي ؟
-لأ قولي انتي
شدت خصله من شعره
-يابت المجنونه
-المهم...اننا ركبنا سوا واحنا رايحين
ضرب جبهته بيده
-اه والله...اخيرا اقتنعتي
-فعلا يا نادر...ينعل ابو الناس...
كالعادة ذهب لصديقه خالد عند وصوله
-خلوده عامل ايه ياسطي؟
خالد يظهر عليه الضيق الشديد
-الحمد لله يا صاحبي
نادر: مالك فيك ايه؟...
-ولا اي حاجة يا نادر... لاحظت ان محمود بدأ يختفي كده بإستمرار؟
-عادي ياسطا ،مانت عارف انه بيقعد مع شلته...
-شلته مين بس... يا نادر احنا جايين الزفتة دي مع بعض.. ليه اللي جد علينا يفرقنا...
-يعني انت عاوزه يقطع منهم يعني؟
-انت غبي علي فكرة...
-الله يسامحك...
-بلاش شغل الصعبانيات ده
-فهمني بس
-يعني مانا باردو معايا شلة بس باعرف اوفق بين الاتنين...دول صحابي لكن انتو خواتي... وهما عارفين كده كويس وبيحترموا فيا ده
-قصدك ان المفروض لو ماجاتش منه تيجي منهم؟!
-مثلا يعني
-ياسطي مش مقياس... سيبه هو كده مرتاح
-خلاص طيب ياللا عشان المحاضرة...
يجلس خالد بجانب نادر ويظهر نادر وكأنه في عالم آخر...
الدكتور: صحي يبني اللي جمبك ده م اللي هو فيه
خالد يركله في قدمه فيستفيق...
بصوت عالي
-ايه يا خالد؟...
الدكتور: اطلع بره
خالد: معلش يا دكتور هو بس
-وانت كمان بره معاه
-اطلع يا عم نادر الله يحرقك...
خارجا...
يعاتب خالد نادر بقسوة
-ام الزفتة غارت عشان حضرتك سرحان
-اهدي يا خالد
-انا مالي بس ماكنت قعدت بعيد
-ما خلاص بقي يا خالد مش ام محاضرة يعني...
خالد يحاول كبح نفسه...
-معلش يا نادر ... انا اللي مش متزبط انهاردة... سلام
-رايح فين يابني ...
يمشي خالد ويلوح بيده خلفه غيظا...
-والله العظيم فيه حاجة مخبيها الواد ده ...
أنت تقرأ
قاموس العشق للعاشقين
Romanceاول يوم دراسي... ذلك الشاب يواري وجهه من زملاء ينتظرون وصوله لكي يكون بطل (حفلة) السنة بعد أن علم الجميع بقصته الرومانسية مع زميلته (ايه) التي علمته درسا قاسيا في (قاموس العشق للعاشقين) حيث قامت باذلاله وهو هائم سكران في عشقها...دكتورة وفاء تفاجئ ال...
