تخيل ان كان في فيس بوك ايام الجاهليه..
وتلقي ابى جهل امنزل كوب خمر وكاتب يحدث الان في كافي يثرب. ولا تلقى بنت اسمها جاريه واخلاقي عاليه 😂
المهم خلونا في موضوعنا #الجزء_الثاني.
#عريس_الغفله.
المهم وصلنا لعند خشيت مع خوها الى المربوعه. وقعدنا نحكو عالذكريات وعالدنيا وع اساس اني كبرت وعقلت.😀 المهم قتلا اسمع كان طلعت اختك انت بس لابس وشاح نبي نطلع من توا. وقعدنا نضحكو 😂😂.
قالي تي لا يا راجل شوف بروحك شن دخلني بيك وعندها العلم ان لسانك طويل هيا. المهم قتلا امنور علي السي الفي يلي مقدمه عليا يا احمق 😒. قالي انت غالي عليا وما عندي مانقول فيك ولي تبيها حاضر راهو نحنا مانبو شي. يافروجه. قتلا فكنا من كلام الشياب ونبي طلب واحد بس.
قالي شنو.. قتلا بعد اتخش اختك اطلع وخلينا بروحنا ماتخافش انا ولد صاحب باتك مش حاناخذ رقمها. مع ان عطوه ليا وقعدنا نضحكو 😂. قالي خاطري نتعصب عليك بس مش قادر. 😣 وقالي تم حاضر توا انخليكم ابروحكم.
المهم دق الباب علينا من برا وهوا استاذن مني وخش جوا يكلمها. وننقاني سندت راسي عالانتري. وخذاني خيالي الي مستنقع الواقع..
حي عليك يافروجه قصدك توا تلفونك يقعد معبي رسائل دير بالك على روحك يا بيبي 😞. ولا رسالة وينك طولت كيف الشباب وتقعد وين كنت اوين طلعت واين مشيت. حي عليك وكان تطلع من النوع يلي اتنزل في صور ايفون علي صفحتها وادوسلك بالمنشوارات وتبدا اديرلك في تاق في الصفحات الرومنسيه متاع كانت حزينه فاحظنها ولا استيقظت فالصباح فاوجدت سيارة ورد امام بيتها 😢 خساره يا فرج راحن ايامك.
بعدك بديهيا حاتقوللها معلش ممكن نسألك شن جوك فالطبخ..؟
وتطلع نوعيتها مرهفه وتخش عالفيس وتكتب.. (الرجل الشرقي لا يعرف من الحب الا معدته وجنبها #بعثرات_انثي ). ومش هك وبس يا فروجه.
حاتطلعلك صاحبتها الأنتيم ذات اللون القرنفلي يلي معقدة يلي غلاف صفحتها (السعادة ليست رجل ) ومناشيرها كلهن انثي من نار 🔥 انثي من الحديد.. لن يهزمني رجل 👨 وتكتب تعليق عالمنشور لا تتزوجي رجل يجعلك طباخة له ويكسر احلامك.
وبعدك البنات ماشالله ظليعات في الدين وخاصة في الاحاديث يلي اتصب في بوتقة الانثي.. يعني يا فروجه حاتشوف تعليق (لا تؤذوني في عائشه ) تسع مرات في جرت ابعظه عالمنشور حقد طبقي بعيد عنك عالراجل 😢. وتجيك صاحبتها الوهميه التافهة وتكتب من الاول ياحبي قتلك هذا برجه 🗼 ترابي مايمشيش معاك.😌تحسسك انك ستائر صالون مش زوج. 😒
ومش هك بس يافروجه بديهيا حاتنزل منشور تاني وتكتب (ابليز يا صبايا حلمت اني ناكل في تفاحه وطاحت من يدي شنو تفسيرها).
طبعاً كالعادة حاتخش القرنفليه وتقول من ترك شئ لله عوضه الله بخير منه. 😌
واضحه يا شباب تحكي عليا 😢 اللهم اجعل كيدها في نحرها.
جديات خذاني خيالي لعند وصلت ونا اندور في تطعيمه 💉 لي بنتي في طبرق 🚗.
فاصل اعلاني (اطيب واحن من البنات مافيش ونحنا نضحكو فقط ونغيرو في جو. وسعو بالكم عليا ).
المهم خش صاحبي ومعاه اخته. لا إله إلا الله.. 😥
ولي كنت خايف منه صح ☑... البنت طرف الصلاه عالنبي وكامله ومكمله وتم فيك يا فروجه 😂.
هيا جلست من هن وقعدت ساكته ونا ساكت لحظة صمت وخوها يضحك علينا.. قالي هيا سلام يافروجه توا انجيكم تفاهمو في مع بعضكم.
والبنت هاديه ومطبسه راسها وهدوء 😊.
وانا خذيت نفس عميق مع كلمة كيف حالك ماعبرتنيش. يلا عدا الله رسالة لم يتم التسليم. 😣
ماشالله البنت قمر فيها عيب واحد مسميينها علي اسم جدتها.. يلي طالقه الفاسوخ جوا اتقول جاي انطلع في جن من بنتهم مش جاي انخطب.
واسم البنت الوصف يلي نقدر انقول انها كيف يلي لابسه فستان سهره علي سباط حمام.
ومن الاخر ننقانه للحديث بقيه.. يتبع.. مازال جزء ثالث وخلاص سامحوني..
يدي تعبت راعو ظروفي يا فان لفرز..
... القرنفلي_يليق_بك 😉
