الفصل التاسع
أنهي صلاح تحضير الطعام على الطاولة مناديا على زوجته
" فدوى يلا يا حبيبتي أنا حضرت الأكل يلا قبل ما يبرد "
اتت فدوى مسرعة و هى ترتدي بنطلون أحمر قصير و تيشرت أبيض بدون أكمام مزين بقلب أحمر لامع علي الصدر و تجمع شعرها في ضفيره على كتفها و تمشي حافية القدمين ...نظر إليها صلاح بعتاب " ملبستيش حاجة في رجلك ليه افرضي في حاجة في الأرض و مخدتيش بالك "
فدوى و هى تطمئنه " أسفه يا حبيبي مش هعمل كده تاني " و أكملت بضحك " أهو الحمدلله محصلش حاجة و وصلت للسفرة بأمان " نظرت لصلاح المندهش .." ايه يا صلاح في حاجة " صلاح بخفوت " إنتي قولتي ايه من شويه "
فدوى بعدم فهم .." خير قولت ايه يا صلاح"
صلاح و هو يقترب منها " إنتي قولتي حبيبي من شويه و لا أنا كان بيتهيألي" فدوى و هى تبتسم قائلة بهدوء " مانت عارف أني بحبك يا صلاح أنا قولتلك الكلام ده من شويه "
صلاح يمسك وجهها بين يديه ينظر في عينيها..." قوليها تاني عاوز أسمعها منك تاني "
أمسكت فدوى بيده على وجهها و أنزلتها تمسك بها بين يديها و رفعت قدميها عن الأرض لتطال خده تقبله قبله طويلة و هى تقول" بحبك يا صلاح من أول يوم شوفتك فيه و أنت جاي مع أحمد تخطبوا روفيدا ، حبيتك لما كنت بتبصلي بالامبالاه كأني مش موجوده، حبيتك لما كنت بتزعقلي على لبسي ، حبيتك و أنت بتقول على أرتباطك بيا ورطة ، حبيتك لما روحت لبابا من ورايا و حددت ميعاد جوازنا ، حبيتك في كل وقت عرفتك فيه يا صلاح و عمري ما هحب حد غيرك ، بحبك يا صلاح بحبك " كانت تتحدث و هو ينظر إليها بوله و دهشة و عيناه تلمع فرحا فهو في أكثر أحلامه جموحا لم يتخيل أن تعترف بكم هذه المشاعر ناحيته هكذا ببساطة ..أقتربت منه واضعه رأسها على صدره " ها يا حبيبي طبختلنا ايه النهارده على الغدا " صلاح ضاحكا " و هو بعد إلي قولتيه ده حد ليه نفس يأكل ، أنا عايز أكلك إنتي دلوقت " فدوى ضاحكه " لا أنسي أنا لازم أعرف عملت ايه على الغدا عشاني " خرجت من بين ذراعيه متجهه لطاولة الطعام تنظر لما عليها ، وجدت أطباق كثيرة من الجبن و طبق من البيض و الزيتون الأسود نظرت إليه بضحك " هو ده الأكل إلي هيبرد يا صلاح فعلا زمان الزيتون برد ” ثم أكملت بسخرية " فينك يا بابا يا حبيبي ، فين أكلك الي كانت ريحته تجيب أخر الشارع "
صلاح و هو يدعي الغضب متجها إليها " إنتي كمان مش عجبك طيب أنا هوريكي " ظلت فدوى تضحك و هى تهرب منه حول الطاولة " خلاص يا صلاح مش هتريق على أكلك تاني " صلاح و هو يحاول امساكها " أبدا بقي إنتي مش عجبك البيض بتاعي إنتي أمتي عملتيلي بيض هاه "
ركضت فدوى لغرفة نومهما و هى تحاول إقفال الباب خلفها صارخه عندما وضع صلاح قدمة ليمنع غلقه " وقعتي في أيدي يا حبيبتي بالظبط مكان مانا عايزك " ثم دخل و أقفل الباب خلفه
قفزت فدوى مفزوعه من على السرير و هى تنظر لصلاح بغضب " أنت بتستهبل يا صلاح عارف من الصبح و مقولتليش لحد دلوقت " صلاح بعتاب " في واحده تقول لجوزها إلي أكبر منها ب عشر سنين أنت بتستهبل طب لو مش محترمه أني جوزك احترمي فرق السن إلي بينا على الأقل " فدوى بحده " ده وقت هزار يا صلاح هعمل ايه دلوقت معاهم أنا بحسبهم رجعوا في كلامهم و مش نويين يسافرو "
صلاح مهدئا " و ايه المشكلة بس يا حبيبتي أنا هبقي معاكي و هساعدك " فدوى بقلق " طيب و باقي الوقت انت ناسي شغلك " صلاح بهدوء " متقلقيش مهو أنا خدت اجازه اسبوعين من الكلية و قاعدلك يا حبيبتي "
فدوى و هى على قلقها " يا صلاح افهمني أنا خايفة أعمل معاهم حاجة غلط أنت ناسي الي حصل قبل كده يا ربي ايه الورطة دي "
صلاح و هو يكتم ضحكته " لا يا حبيبتي مش ناسي و لا ناسي الي أنا عملته كمان بس الظروف و الوقت اتغيرو و الولاد كبرو و أكيد مسئوليتهم هتبقى أخف متقلقيش أنتي بس و يلا حضري الشنط عشان بكره هنبات مع أختك و أحمد قبل ميسافرو عشان الولاد تطمن شويه " ..
فدوى بإستسلام " حاضر يا صلاح ربنا يستر "
أنت تقرأ
زوجتي فوضوية/ صابرين شعبان
Humorوجدها تجلس أمام التلفاز ، تشاهد فيلم كوميدي ، و تضحك و هى تمسك بيديها ، طبق كبير من البوب كورن (الفشار) ، و بجانبها على الأريكة ، علبة من قطع الشوكولا ، و قد فضت بعض ورقاتها ، و هى ملقاه بجانبها ، و أمامها على الطاولة ، و على أرض الغرفة ، نظر للأ...
