فيك وجدتُ ذاتي

البارت ١٢

دا يدز ناس على امجد علمود الطلاق
وهو ماابدة اي اعتراض وصارت
الكعدة بين امجد وبين والدي واطلقت 💔
مااعرف احساسي شنو ممزوج بين الراحة وبين الانكسار
من راد يطلع امجد بابا كلة اذا بنتي مالهة
ذنب واني اعرف ماله ذنب مااسامحك
ولا ابريك الذمة والي وقفة وياك امام مليك مقتدر هو الحكم يوم القيامة
 امجدظل صافن ويتأمل بعدين طلع هاي اخر مرة شفت بيهة امجد
بعد شيسوي بيه زوجة مثقفة مثل ماراد وحامل
بعد فاطمة شنوو
بعد انفصالي دخلت بحالة نفسية حادة
كنت بفترة نكران الذات
مجانت عندي اي ثقة بنفسي
بسبب كل المشاكل وسبب رفض زوجي الي
مكنت احس اني ذات شأن احساس
النكرة فضيع مالي عقلي
كنت اصلي واتمم فرائضي بس احس نفسي
خالية وخاوية
والدي سودة علية مخلة محاولة ولا طريقة
 مستخدمهة وياي حتة يطلعني من حالتي
بس مافاد
كعدت مرة الصبح كلش تعبانة واحس الدنيا
مسدود بابهة بوجهي رحت البابا بغرفتة
جان نايم كعد مخترع من شاف حالتي
كال شبيج بابابتي اخذج للطبيب
كتلة اي يابة اريد طبيب
كام بسرعة غير ملابسة وطلعنة
لا يابة مو منا طريق طبيبي
هاا بنيتي منيلج طبيب ومنين طريقة
اشرت على جهة الامام امير المؤمنين
هذا طبيبي كل الابواب تنسد بوجهي الة بابه
اني تربات كاعة ربيت على هواه
وديني يمة وهسة اطيب
بجة وكال اي فدوة لاسمك مولاي انت الطبيب
دخلت للامام بلا شعور مجرد انسان خالي من
المشاعر بس دموعة تجارة
منين تطلع كل هلدموع ماادري بس احس وية
كل دمعة يطلع شكو قهر وتعب تعبتة
لزمت الشباك وكمت انحب واشهك
اااخ مولاي شنو السر بهذا العشق  اللاهي
مولاي شنو سر هذا الانجذاب ياباب الله
لاتسد بابك بوجهي اني كبرت وربيت على هواء
حضرتك مولاي التمس منك القوة كيف يضيع
من كان علي امامه
كيف يهلك من كان علي حاميه
انت سر من اسرار الله انت باب من ابواب الله
التي لا تسد بوجه طالبيه وقاصديه
طلعت من الحضرة انسانة ثانية انكساري
صار قوتي  عرفت ذاتي الحاولوا يطمسوهة
ويبدلوني بانسانة ضعيفة مهزوزة
لا اني موضعيفة. ولا مكسورة
اني بعدني قوية واكدر اواجه واعيش
هاا باباتي زيارة مقبولة يابعد ابوج
تقبل الله زيارتك يابة
شلون صرتي
اليزور ابو الحسن شلون يصير
يصير بخير ونعمة
يلة يابة خل نرجع لاتكعد حوراء ويظل بالهة علينة
يلة حبيبتي مامشتهية گيمر كاهي
لا مشتهية بيض بالبصل من اديك
بيض وبصل هاي السهلة
اي من اديك مثل مجنت سويه قبل
صار بس هذا الريوك يكلفج هواي
عيوني يرخصن الباباتي
اريد عيونج الحلوات اشوفين بيهن لان عندج شغل
يرادلة وحدة شوف
شغل شنووو؟؟
خل نوصل ونتريك قابل نسولف بشارع
بعد مكملنة ريوك فاتحني والدي بموضوع
كان انتشالة الي من واقعي
وبداية حياة جديدة
شوفي بابا اكو مؤسسة اسلامية تاسست قبل
سنتين قريبة علبيتنة ومحتاجين استاذات
هي مختصة بدارسات اسلامية
واكيد للنساء
فاني رشحتج الهذي الوظيفة وطبعاً كلش
تحمسوا المسؤلين من عرفوا انتي بنتي
واصروا على عملك بالمؤسسة من عرفوا انتي
شنو تحصيلج بالدارسة الحوزوية
فانتي يابنتي شدكولين
هااا اخاف مااكدر
ليش متكدرين شنو الينقصج
مادري اخاف مااكدر انطي درس اوو
بابا وين فطومتي قبل الجانت تتعارك وياي
حتة ادرس وين فطومتي الواثقة من نفسهة
شوفي انسي كل الصار صفحة ونطويهة
لاتخلين نفسج مكسورة ومهزوزة وغيرج
عايش مرتاح ولا على بالة
ان شاء الله
هاا هسة ارجعلهم خبر بقبولج
ان شاء الله
نقبلت بالوظيفة وبديت اعطي درس
وكنت ازغر استاذة
اول مرة احس بثقة واحس بقوة
كلمااعطي درس احس بانتمائي وتزيد رغبتي
بالتعلم والتعليم
كنت ادرس افيد البنات وافيد نفسي
كان دافع قواي داخلي لزيادة القراءة
والمطالعة
فديوم كاعدة العصر وحدي وحوري حبيبتي
طبعاً نخطبت وطلعت هي وخالاتي اجهز
طبعاً خطيبهة انسان راقي ومثقف ومتفهم
ويارب يسعدهة ويطلع حظهة حلوة
دك موبايلي شفت رقم غريب بس اعرفة رقم رقم
من شفتة تهيجت بداخلي مواجع صار ثلاث اشهر دافنتهة بصدري
ترددت اجاوب لو لا
خل اجاوب ليش مااجاوب اني صرت اقوى
الووو
الووو بصوت مخنوك
نعم تفضل
عرفتيني
تفضل
اكيد عرفتيني ليش هو صوتي ينسي
فطومة اني اسف اسف
ماكو داعي للاسف كلشي خلص وانتهة انت
اختيارك الي كان خطأ والخطأ لازم يصحح
اني مسامحتك وبعد لا تخابر
انتظري فطومة
ولج يا خطأ ويا صح اني خطأت الصح بالخطا
شنوو؟
اني متندم ماادري شكلج
بس اريدج تنطيني فرصة والله مااتحمل بعدج
راح امووت اذا ما اشوف عيونج الصفر
 وطولج الحلو
رجائاً امجد لاتسمعني كلام حرام. لاتنسة احنة منفصلين
اااخ والله جنت غبي وضيعتج من ادية
شلون جنت اعمى وماشفت مدري غبي مادري شجاني من فاركتيني مااعرف طعم النوم
من كلام ابوج بذاك اليوم المشؤم ظل صداه
باذني اني ظلمتج وظلمت نفسي ابعدي عنج
امجد ترة هذا الكلام لايقدم ولا ياخر
انت ردت تزوج مثقفة خلاص ازوجت مثقفة
ولج يامثقفة راح تموتني مو مثلج فطومة
ارجوك امجد مااريد اعرف تفاصيل حياتك
وبعدين لاتنسة انت عندك

ولحكايتي تتمة