فيك وجدتُ ذاتي

البارت ١٦

البارت ١٦ والاخير

متت على مااجة اليل وخابرتة بعد مسلمت عليه بس كان صوته احسن فسألتة شكو اليوم احسك تعبان بالبداية مقبل يحجي بس اني لحيت فحجالي
طلع امجد عارف ان شيخ علي خاطبني ورايح مسويلة هوسة بمؤسستة وحارجة امام طلبتة
ومصيح عليه انه ميزوجني وهو مقابل ويريد يرجعني ومن هذا الكلام اني صدك نقهرت على عمري الراح ويه هيج انسان حقير واناني انوب فشلت من علي بسببي تعرض للأحراج
بس هو مقبل كال اني وانتي صرنة روح
وحدة اليأذيج يأذيني
وانه راح يشوف تدبير لامجد بحيث بعد
ميزعجنة واني وافقت
طبعاً فعلاً دبر حل بان راح على عمامه وشاكيه يمهم
وسجل بلاغ بشرطة واخذ تعهد بعدم التعرض النة
والحمد لله خلصنة من امجد
بدينة نجهز للزواج مقبل الة اني وياه نجهز البيت
وراد كلشي علذوقي
صح غراض بسيطة حسب الامكانية بس جنت
اسعد وحدة بالعالم
وكملت تجهيز كلشي
وتحدد الزواج وايضاً مردت حفلة ردت شي
بسيط بيناتنة
وصار الزواج واخيراً صرنة بيت واحد كانت
هديته الي بليلة الزواج مصحف وقسم
بالمصحف ان يسعى جاهداً لسعادتي ومايوم يخون او يخذل
واني كذلك اقسمت اله
مرت ليلة من اجمل ليالي عمري
صح اني صاحبة تجربة سابقة بس عبالك اول مرة ازوج هواي اشياء كنت مااعرفهة
و محسيت كوني
انثى بس وية علي حسسني
باجمل المشاعر وعشت وياه اجمل اليالي والايام
كنت اذا اشتغل يجي يمي يساعدني
واذا يشوفني تعبانة ميقبل الة هو يكمل الشغل عني
كان انسان راقي وحساس واجمل مابيه
مخافة الله
هو رجل احلامي شغل فكري وقلبي
صرت اسيرة نظراته
ماكو انسان يخلو من العيوب
بس الجميل بالامر كنا نعرف نصرف صح من يصير خطأ ومنطي مجال للزعل بيناتنة
دللني وحسسني اني بنته مو زوجته
هواي بيه صفات تشبه صفات والدي
لذلك تعلقت بيه اكثر
اجمل لحظة من عرف اني حامل
بعد ثلاث اشهر من الزواج
كانت الارض مسايعتة ساعة يشيلني
وساعة يكول نامي لاتتحركين منا الحد مجيبين
واني اضحك شلون اظل نايمة
بفترت حملي تعبت من الوحام بس هو محسسني
كان دائماً يمي يساعدني ويساندني
وبيوم ولادتي مقبل اجيب طبيعي كان كلش خايف
اتفق وية الدكتورة على عملية قيصرية
بيومهة كان خايف وقلقان اكثر مني وبس يدعي
دخلت غرفة العمليات ومن طلعت كنت مبنجة من فتحت عيوني لكيت بابا وعلي يم راسي وثنينهم
مدمعة عيونهم وخايفين علية
طبعاً ثنينهم خابصين الدنيا ممخلين احد مامخابريه زين اني يمكم شعليهة الناس تخابروهة ههههه فديتهم من خوفهم علية
الحمد لله جبت ولد حجمة طبيعي ومعانيه تشبه بابا بس
سماره على ابوه سماه حسين لان طلب سلامتي
وسلامته من الامام الحسين عليه السلام
كانوا اسعد اثنين بالعالم ابوية وعلي واني سعيدة على سعادتهم

بس من اذكر امجد انقهر عليه
رغم اذاني واهاني بس مااكرهة
مجرد انسان عادي كانت الة ذكرى بحياتي ونمحت
نقهرت من عرف بية
جبت حسين كلش منهار ومقهور
وكايل هسة صدك خسرتهة ...

مرة سألني علي كم مرة حبيتي بحياتج
جاوبت مرتين
مرة ابوية الرجل المايتعوض
ومرة انت رجل احلامي

لهنا خلصت حكايتي اتمنى ما اكون ثقيلة عليكم واتمنى تغفرون اخطائي اللغوية والاملائية واخيراً اقول اذا فشلنة بتجربة مو معناهة نهاية العالم لعلها تكون بوابة لحياة افضل
دمت سالمين برعاية الله وحفظه
اختكم
#الدر_المكنون