فيك وجدتُ ذاتي

البارت ١٤

وصار الكل يتكلم عن استاذة فاطمة حسن
والبعض يعتبرني من المؤسسين لان بالفترة الاخيرة
ذبيت روحي بالعمل وطلعت كل جهدي
وبمساعدة من الوالد وامدادي بالنصائح
والخبرة اثبتت جدارتي بجد
كانوا يجون للمؤسسة بعض اساتذة الحوزة
للادارة مرة ومرة لالقاء المحاضرات والندوات
على الاستاذات
فكنت اسمع بشيخ علي انه من الاساتذة النشطين
والطموحين لايصال المؤسسة بالمستوى المطلوب
وكان مسؤال علىعدة مؤسسات رجالية
ومؤسستنة من ضمن حدود عمله
الى ان صار ندوة وكان المحاضر شيخ ذا جلال
وهيبة ماكدر اخوض بتفاصيل شكله لكنه كان جذاب
بداية ظهور الشيب بلحيته كان معطيه جمالية
وجاذبية طول وقت المحاضرة والندوة كان يطرق
رأسه الى الارض
الى ان المديرة فاجئتني بان اقدم بعض الملاحظات
بخصوص الية العمل الى شيخ علي
اني اعتذرت لان مااكدر اخذ راحتي بالكلام مع رجل
لكن تحت اصرار المديرة وملحتهة تقدمت
باوراقي ودخلت المكتب طبعاً اني مااخلع زيي
بوجود رجال فظليت بعباتي وبوشيتي
دخلت وكانت المديرة وشيخ علي موجود فسلمت
الرجل قام احتراماً الي ورد السلام ولم يرفع راسه
كالمعتاد
عرفتة المديرة بيه واني ابنة شيخ حسن
واني من افضل الاستاذات بالمؤسسة واخبرتة
بافكاري واقتراحاتي وبعض الملاحظات على
امكانية العمل فالرجل ابدى ترحابه بهذا الشي
اني طبعاً كالعادة حسيت بحرارة براسي
عززة بسلا اجفص بكلمة كدام الرجال
اشو بس اشوف رجال اكوم مااعرف احجي
عاد المديرة كالت تفضلي ست فاطمة
كمت احجي عن وجهة نظري والامور الي اشوفهة
ان من الصالح تتغير
شوية شوية تخلصت من الارتباك واندمجت
بذكر المقترحات والملاحاظات وخطة عمل
جديدة طبعاً هو مرات تعجبه الفكرة ومرات
يعارض كان رجل ذا علمية واسعة
ومن خلال كلامه عرفت هو ذكي ونبه جداً
متخفة عنه حتى الامور الصغيرة
الحمد لله خلص القاء واني طلعت من المكتب
وبعدين رجعت للبيت
بس الغريب طول هاي الفترة صوت استاذ علي
مفارك خيالي استغفر الله شنو الديصير
،اللهم لاتفتن قلبي بما لايرضيك وجنبني معاصيك،
ثاني يوم رحت للمؤسسة وتلكتني المديرة
مبتسمة
جان تبوسني كالت والله انتي رفعتي راسي
كدام الاساتذة بالاخص استاذ علي
كان مذهول بعقليتج يكول امرأة تملك عقل فذ
اني انصدمت ياالله استاذ علي هيج كال علية
كالت حتة مدح والدج كال استاذ مثل استاذ حسن مو بعيد تكون ست فاطمة بنته
كنت كلش سعيدة برأي استاذ علي
مرت الايام  وتناسيت الحدث وطبعاً كانت
مكالمات ومسجات امجد مستمرة
ونفس الملحة الحد ما كلت البابا وغير
الشريحة وكال اذا خابرج  على هذا الرقم الجديد
بلغيني اني اعرف اصرف وياه
.......
مرة راجعة من الدوام تعبانة وكنت متاخرة
فلكيت بابا وآمنة منتظريني خطية ممتغدين
اتغدينة وخطية آمنة متقبل اساعدهة هي قايمة
بالواجب ادكول اشو البيت نظيف بقت عالمواعين
والطبخ علشنو متعبة اديج الحلوة
ربي يوفقهة
من كملت ردت ادخل الغرفتي جان بابا يصيح
فطومتي تعالي بابا بالمكتب
اني عرفت اكو موضوع لان المكتب طبعاً ايفيد
بس للامور البيهة مصايب ههههه
كال فطومتي شيخ علي جايكم قبل فترة للمؤسسة
اني تفاجئت
اي بلي يابة اجانة قبل شهر يمكن ليش ؟
لا ماكو شي بس كان راضي تماماً عن ادائج
مدح اخلاقج وعقليتج
اهاا الحمد لله
انتي شنو رأيج بيه
والله هو استاذ ونعم الاستاذ يعني من ناحية الفكر والثقافة فلا يعلو عليه طبعاً ماعداك بابا انت اظل الاعلم بنظري
هههههه الله يبارك بيج بنيتي شوفي اني لا اعرف
الوف ولا ادور انتي تعرفين طبعي جايج بموضوع
واريد رايج
هااا تفضل يابة اسمعك
شيخ علي متقدم الخطبتج
هاااا!!!!!!!
اي مثل ماسمعتي بعد ما كعد وياج وسأل عنج
عن طريق الصدفة عرف انتي مطلقة
فهذا الشي كلش زاعجه
ليش زاعجه!!!!
يكول اكو هيج انسانة مثقفة و واعية يكون مصيرهة الطلاق ماطلقهة الا سفيه عقل
يمة من سمعت كلامه شوية ويغمة علية اني استاذ علي هيج يكول علية
بنتي فهو جاي للبيت من بابه يكول خل تفكر براحتهة
واني اي رد منهة قابل بيه ويشرفني اقبل بيه
يابة ترة انت فاجئتني
فطومة انتي فكري احتمال فارق العمر بينكم يكون مشكلة ترة هو مو صغير وهم هو ارمل
ارمل ؟؟؟
اي ارمل قبل عشر سنوات توفت زوجتة وهي تولد اول طفل تعسرت وهي يم الجدة وماتت هي والطفل
لا اله الا الله خطية
اي خطية ظل كل هاي السنين بلا زواج
زين ليش هسة قرر يزوج؟
مو قابل الانسانة الگلبت عقلة مثلما گلبت عقلي
ههههه اني شعلي وهو اني شفتة مرة وحدة وهو مشاف وجهي بس صوتي
انتي فكري زين وفكري بالعمر ترة اكبر منج بهواي
مو مهم العمر اهم شي التفاهم
اهاا هنا الحجي
لا يابة مو قصدي بس شفادني العمر بتجربتي السابقة اشو اخذت نص حيلي
عوفينة من قبل ترة عمره ٣٨
بكيفك يابة
لا مو بكيفي هذا الحجي الفطومة الزغيرة اما استاذة فاطمة هي تقرر مصيرهة وهي سيدة نفسهة
لايابة لادكول هيج انت كلت لو عمري ٨٠ اظل فطومتك لاتحسسني انت مالك علاقة بية
لا بابة موهذا قصدي بس لازم تفكرين وتتخذين القرار

ولحكايتي تتمة