زوجتي سيئة السمعة

البارت الثاني

قد يتراى للناس شيئا بشعا باانسان وهو انقى خلق الله مثل ماكان قوم لوط ينبذون  النبي لوط لرفضه الفاحشة...ويحاكم لكونه حر..وحقه ان يرفض الخطأ ولو كان الجميع يفعله وماكان من النبي الا ان يرفع يدية لرب العالمين لينجيه من القوم الظالين .هناك ايضا فئة من الناس تثار حولهم الكثير من الاشاعات والكلام السي لكن هل هم فعلا كذلك وهل يفهم عدم ردهم للاساءة انهم سيئون او انهم يكتفون بتسليم امورهم لرب العزة ليقتص ممن ظلمهم والظلم هنا الاساءة بالكلام الجارح والاشاعات الي تسي الى سمعة الشخص وتنتقل الى اشخاص الا ان تثبت عالشخص..وحقيقة ترافقو وين مكان..وننسى قول الرسول(الغيبة هي ذكر اخاك بما لايحب) السوال هناهل نحن مجتمع مريض.. او هناك ناس اكثر مرضا كل همهم ومهمومهم تشويه سمعة بنات ومينسة ممكن بيوم توصل لااختة ..امه ..زوجتة ..ويمكن بناتة...  السوال متى نتعض نصيحة ايقاف الاشاعة ..كيف..متى وصلت لك توقف وقل استغفر الله .دعها تتوقف عندك وتذكر قوله (صلى الله عليه وسلم):من ستر في الدنيا مسلما ستره الله في الدنيا والاخرة)....
عودة للاحداث...
من رخصتك احمد ...ان شاء الله نتشاوف هواية بالايام الجاية.. صرنا بنفس الطابق...
اوكي..يلا باي...
مشت خطوات واحس مااعرف شنو داخلي..تغير...ظليت اباوع عليها لحد ماطلعت لباب البهو ...
اجى ابو مصطفى ...احمد...احمد..وين يمعود..
ها انظميت لقائمة المعجبين...
شنو..
لا..انت اقرا عليك الفاتحة...
اكلك وين جانت تشتغل قبل د.سهى...
هااا...
شبيك سؤال..احسن الك ماتسال..
ترة هاي البنية هواي ولد بالمستشفى يحجون عليها..
مااعرف استغفر الله من ذمتهم..غرضهم ...
اني مشفت عالبنية شي مو تمام...بس تعرف جماعة الهندسة..اذا وكعت وحدة بحلكهم..متخلص الا تنقل..
وهي البنية مدافع عن روحها..
ومخليتهم يصفطون حجي..
عليها..
يلة مخلصت من صفنتك..
خ نروح شغلنا..
اليوم خفر..
لازم
د.سهى...هم..
خفارة...
لك احمد جنك وكعت ومحد سمى عليك...
امشي ..امشي..
د.سهى..
اكو مريض ..دخل للردهة وكالب الدنيا...
ومسوول الردهة..يريدك..
ماشي ..دقايق..وجاية..
دخلت نص الردهة وصياح وعياط وناس متجمعين...
الممرض..جتي د.سهى ..
جانو هواي مرافقين للمريض والمريض عندة عجز بالكلى وميقبل احد يسحبلة دم او يشدولة كيس ادرار..
السلام عليكم...
ياجماعة ممكن تبتعدون عن المريض...
ارجوك ..لاتصعب علية شغلي ممكن..
لو سمحت..
جان المريض يصرخ من الوجع..
مسوول الردهة بدا يصيح عالراقدين يرجعون لغرفهم..بقينا اني ومسوول الطابق..والممرضين..
رجاء ا مو بهاي الطريقة تتعامل ويا مريض..
كليلة ..دكتورة ..صارلة ساعة يتعارك ويايا ميقبل اني واخواني نبات ويا ابوية...
باوعت عليهم...
كعدت اعد...
١..٢..٣..٤..٥..
خمس اشخاص ..جان الحجي يتوجع..واولادة ..حواليه..نزلت للحجي وكتلة حجي عندك خمس اولاد حواليك الله يحفظهم الك..المفروض تنسة الوجع بس شوف..خوفهم..
الحجي باوع علية..وابتسم ..وكالي..عندي ٥غيرهم من مرتي الثانية..
هههه.الله يحفظهم..حجي يلا شد حيلك عمود تطلع منة نزوجك الثالثة...
ضحك..ضحكة..ونسة شوي وجعة ..
كال مين بوية..الصحة بعد متساعد بعد ولا جان كوم حاطين عوينهم علية ..باوع علية..
وضحك...
كتلة بعدك شباب يابة...
كاعد تتوجع وصيح ..تعال خل ادخلك للردهة اختارولة ياسرير وخل افحصة..
مدو ولدة الخمسة ايديهم ديساعدو..
كتلة ٢كافين..
رجاء ا بدون احراج انتو عدكم مريض...
وهواي ناس يجون عدهم مرضى اذا جيتو رح زاحمون المرضى وميلكون سدية..
رجاءا تفضلو للاستراحة ويبقون يمة ٢ولو هو واحد المفروض..بس تراوحو ع المساعدة ..
بسهولة الولد استجابو ونزلو ٢ بقة واحد اجة واحد ب٣٠ كعد يحجي ويسولف ويايا..
يريد يتعرف..
واني بروح مرحة ضحكت وكتلة شكرا من لطفك ..
بس اتفضل روح للاستراحة والكى وحدة تناسبك ..بعدك صغير..
ليش جكد عمرك..
٤٥سنة ابو الردهة ظل صافن بوجهي..
ضحكت لا يابة ..صدددك..مرتي ب٢٠..تبين اكبر منك..
الله يخليهة ودور مرة ثانية..
دكتورة ابوية ينتظرك..
فضت الهوسة اطينة للمريض مسكن..
وشدولة جيس ادرار..
مسوول الطابق..
ياريت من زمان جاية دكتورة..
ليش..
ياريت الكل مثلج صار ساعة ريد نفض هاللغوة جيتي انتي بدقايق فضيتيهة..
طبعا انتي...
اني اتعامل ويا الناس بهدوء واقدر قلق اهل المريض وجعة ولهذا يستجيبون ..مو اتعارك وياهم واستهين بقلقهم على مريضهم...
قاطعتة واني بداخلي..اكيد ..مو ملابسي ولا شعري هو الي خلة المشكلة تفض ..بالنهاية مو كل الناس تفكر بجسم وتقاطيع المريض يحتاج حسن معاملة هذا نص دوا بالنسبة. الة...
حابة تتعرفون علية اسمي سهى بحر فياض...
مقيم دوري ..صار اربع سنوات من تخرجت مامارست الطب..وتعينت متاخرة بعد واسطات امي طبعا..
بمرحلة ثالثة حبيت استاذي بالجامعة وظلينا نتبادل نظرات الاعجاب وتطورت صارت كعدات وجلسات..وبدو الطلبة يحجون ..ويتهامسون ..علية مجنت اهتم جنت غارقة بالحب ونسيت..سمعتي..بيوم دخل اخوية للجامعة وسمع الحجي علية سحبني من ايدي ..وطلعني للبيت كالي بعد مداومين لو تتحولين جامعة ثانية متبقين ..
ظليت معاندة ..جنت احب علي رغم فارق السن بينة..
حصل بينة اتصال..كالي اني احبج وشاريج ..بس اعرف اهلج مرح يوافقون..اني مزوج واكبر منج..
احسن شي تعاي سافري وياي نتزوج بتركيا ونخليهم كدام الامر الواقع..
رفضت كتلة...مااسوي شي غلط..
اذا رايدني..تعال اطلبني واني رح افرض عليهم يقبلون..
وبعد عدة محاولات.. منة زوجنا ..وكمت افوت للكلية وايدي باايدة وكسرت كل العيون الي تحجي علية ..
بس ماكان من الطلبة الا يطلعون علية حجي هربت ويا ...
واهلي عمود سمعتهم قبلو..
والدكتور هم اظطر عمود لاتضرر سمعتة..
جان رجال خلوق وحباب حيل ويحبني وطاير بية وجان هو يقريني ..ويداريني..اذا مرضت..حملت منة..
وولدت ايمن ..عندة تشوهات خلقية..
عندة نقص بتركيب بالنمو ..اخذنة برة وظلينا نحاول نعالج بي وصل عمرة سنتين وبدا ..يمل منة ..وكالي احسن شي نخلي مستشفى مال احتياجات خاصة ونواصل رعايتة ..تخرجت بتقدير مقبول ..وظليت سنة مااتعينت..
بقيت ويا ابني..حسيت انو قطعة مني مااكدر اتركة ..
وبعد عدة محاولات ..رجعنا للعراق واخذت ابني ..ورجعنا ..جانت عندة حاضنة خاصة..
امي جانت ويايا هم..
بس ورا فترة بدا ينشغل بااولادة من زوجتة الاولى الي هم بعمري..تقريبا..
وراهة عرفت عندة علاقة بطالبة ويا..وراهة كم شهر انفصلت عنة...محسيت بالاذى ..لان انفصلت عنة..
كنت احس انو والدي اكثر من زوجي...
هو جان يريد يعوض اهمال زوجتة بية...
انفصلت ..وخسرت دعم اخواني الاثنين ..سافرو واحد بالسويد والثاني بكندا ..واختي الوحيدة باامريكا..
بقينا اني وامي..
اني بزر الكعدة امي اكثر وحدة تحبني..
يمكن لان ابوية هجرنا واني صغيرة ..ملحكت اشوفة ولااحس بحنانة..
يمكن عقدة النقص بية..هي بسبب هذا الموضوع..
ورا ب٦اشهر سافرنا اني وامي تركيا.. رحنا سكنا قريب بيت خالتي..
باانقرة..وهناك ..امي وخالتي رتبو زواجي باابن خالتي ياسر واحد ..لسان ..وحلو.. وجان يطلعني ويطببني وجنت حيل تعبانة ورا ماانفصلت ووضع ابني..
شوي شوي بدا يتقرب الي ويحسسني بالاهتمام..واني ضعيفة جدا..
وامي هم ضغطت علية كالتلي ابن خالتج دير بالة عليج ويحبج واطمن عليج قبل لااموت..
منا ..منا..بضغطة واسلوبة قبلت وزوجتة ..هو مهندس معماري وخالتي طبيبة اسنان..
زوجنا وجان زواجنا خرافي الحفلة والتجهيزات..وسافرنا لفرنسا ..اخو جان مقيم هناك..
وكضينا شهر العسل..
بس انصدمت بي شفتة حيل منفتح ويشرب وعندة تصرفات معجبتني..
حتة ماعندة مشكلة احد يلمسني ..يقولي عادي اهنا المجتمع هيج خليج متحررة شوي..
يوم عن يوم حسيت هذي الحياة وضجتها متناسبني..
بس الي ربطني حملت منة...
ومحسيت اكو انسان بالموضوع ازداد رفضي الة..
بيوم الولادة جنت وحدي ..ماكو احد ويايا...توجعت حيل..وجان رجال فرنسي من اصل جزائري..ساكن بالشقة الي يمنا سمع صوتي ..ودخل للشقة ..شالني ونقلني للمستشفى اسمه ..نور الدين اسماعيل ولد بالاربعينيات..
مامتزوج.. ولد حباب متركني..ولدت يامن.. وياسر جان بواحد من البارت يحتفل ويا اصدقاءة بفوز فريق مااعرف شسمة..
ورا مولدت هملني اكثر...
وجنت اتصل باامي ..تكلي تحملي مو مال تطلقين مرة ثانية بعد مصار عمرج ٢٦سنة..
بديت ادور ع شغل..شهادتي متاكل شي هناك..
الا اذا عادلتها...ياسر ماعندة مشكلة المهم..يرتاح..ويطلع ويطب ع كيفة..
جان جارنا الة دور..بمساعدتي..اشتغلت بمكتبة ..ويا ..وجان يساعدني بيامن..
كل ماانشغلت ..حتة هواي..عبالهم زوجي ..جانو يتمنولة السعادة وهو يقوللهم هاي شقيقتي ..باللهجة الجزائرية..
جنت احس بالراحة..
وحاسة اكو شخص يساعدني..بكل صغيرة وكبيرة..
كنا حتى نتسوق سوا ..علمني اللغة جان عندي مشكلة باللغة وعلمني قبل لااروح اي مكان لازم اتعلم لغة..
اكيد تساعد..هواي..
وبيوم رجعت للبيت ..لكيت ياسر صاير نار..وجان النا حجي..
للقصة بقية...