كعدت ثاني اليوم الصبح ع صوت المنبه..الساعة ٦اليوم عندي دوام..
مديت ايدي..احمد ماكو..كلت اكيد كاعد يحضر السيارة ..خل انزل اسوي الريوك اروح للبيت ابدل ونطلع اني واحمد..
كعدت لكيت مصطفى وخالتي..كاعدين لان مصطفى عندة دوام كلية...
صباح الخير...
صباح الخير ..يومة..تعاي ..
مصطفى:صدك حماتج تحبج ..هسة دنتيريك..
سهى :عافيات..لعد احمد...
وينة..
ام احمد..بعدة نايم..
سهى ..لا..ماكو..
ام احمد..بعده نايم اجة من صلاة الفجر..وفات يم نوال..ناااام..
سهى..حسيت داخلي فد شي انكسر..
ليش اجة يمي..وليش بعدين رجع يمهة..
شنو معناها يهرب بنص الليل يمي..ويرجع تحت جنح نفس الليلة يروح يمهة..
هذا الشي حز بنفسي وكسرني..
بس ماحبيت ابين لااحد هذا الشعور..
بعدين كعدت احلل اكيد نوال اذا كعدت ولكتة ماموجود..رح تحس نفس الي حسيتة..
طلعت من هذا الجو الكئيب بوست خالتي..وطلبت منهة تدعيلي..
مصطفى..
تعالي..سوسو ..تعاي تريكي..
لا..اتريك بالمستشفى ..عندي دواام رح اطلع اروح للبيت ابدل..وبعدين اروح للمستشفى يلا الحك..
ام احمد..هسة اصعد اكعد احمد..
لا ..يوم ..اسمحيلي خالة اكلج يوم..
خلي ..نايم اول وتالي نتشاوف بالمستشفى..
والله انتي بنتي ويشرفني تكليلي يوم..
تسلمين ..ماما..جيبي ايدك ابوسهة..لا..يمة استغفر الله ..ليش تبوسين ايدي..
شبيج خالة امي جانت تكلي بوسي ايد جدج وجديتج عمود تاخذين البركة منهم..بوست ايدهة وباستني وحضنتني..
رووحي يمة ربي ان شاء الله ينطيج لحد ميرضيج ..
تسلمين امي ..هذا الدعوة عندي كافية..
مصطفى..يمة منج ..يمة ..بيومين اكلتي عقلهه للحجية..ترة كمت اغار..
سهى ..لاتغار عيني لاتغار شعدها غيرك انت وحمودي انتو الي بالكلب..والباقي النة..
من ساعتها وعمتي ..حيل تحبني..واذا غبت عنهة..تتفقدني.. طلعنة اني ومصطفى وبالي حسرة..
وكل شوي اتحسر وارجع احاسب نفسي..اكيد هي هم تحس نفس احساسي اذا تقرب مني.. بين عليه..حيل..
قاطع صفنتي..
مصطفى..اغنية جانت بالمسجل ..انا مش انانية..
هلووو..سوسو ...وياي انتي..
شبيج عيني سهاوي..ترة بس انت الي بالكلب...
ههه.مين جبتها هاي..
اعرف ضجتي لان ..احمد راح يم نوال..
بس لو تعرفين الرزالة المرتبة اكلهة من امي الصبح.. جان عذرتي..
نوال كعدت تبجي لاامي وتريد تطلع..لان احمد طول الوقت وياج..
وامي كالتلة خف ع نوال..شوي..انت وزوجتك تقهرون بيهة..
وهاي الحمارة العفو..بنت خالي ربت ويانا...
لهذا لايكون بالج شي..
يلة شوي ونوصل بيتكم..
انتظرج..
لا مصطفى رووح اتاخر عليك..
فوتي انتظرج بدلي ونطلع سوا ساعة ستة وثلث..
والله اتاخر..
مو كتلج انتظرج الا اكلج عندي مصلحة وياج..
سهى...هاي شنو..
صارت مصالح..
مصطفى.. دروحي ..
سهى بدلت عالسريع..وحطيت ميكاب خفيف..ونزلت ..طلعنا اني ومصطفى..
مصطفى :اكو بنية زميلتي هنا نخابرهة ..عمود تجي ويانا ..
سهى ..عرفت هسة المصلحة...
مصطفى زميلتك بس ..
اي والله ..شبيج..
لك ليش تحلف الله..
شسمهة..
اسمها مروة..
وشسوي ..شنكوللهة...اني خابرتهة كتلها رح اجي اخذج من راس الفرع..بس خاف احد يشوفنة..
كلت ماكو غير مرة اخوية الحبابة..صير محرم عمود محد يحجي ويكولون خط...
ياااا.عابتلك..ضربتة ع جتفة خابرنا البنية طلعتنا وتفاجات بشوفتي...
عقدت حواجبها وضاجت....
اني دارئت الموقف..
وعرفتها ع روحي..
مرحبا مروة...
اني سهى مرة احمد اخو مصطفى..
هلو
.هلو وظلت تباوع على مصطفى ..
ومصطفى كل شوي يباوع بالمراية..
مصطفى ..عفية اوكف..
مروة ..تعاي صعدي ليكدام..
لا شون ميصير..
لا حبي يصير اريد اخذلي غفوة عما نوصل عندي خفارة اليوم..
كعدت ليورى...وغمضت عيني..
باوعت مصطفى مد ايدة وحضن ايد مروة..ونظرات الحب بينهم حبيتهة ابتسملي مصطفى بالمراية...واني هم.. ابتسمت الة وغمضت عيوني...
وصلوني للمستشفى وودعتهم..
فرصة سعيدة مروة ..
اني الاسعد..
حسيت براحة شوي..
اخوان احمد حبوني وحطو ثقتهم بية..
بس اكو الم بصدري مدا يروح..دمعة بعيني مدا تنزل..
كل شوي اخذ نفس وارجعة..
لحد مانتبهت الي ..زوجة مصطفى صديق احمد..
ام علي..
ولج كافي فتيتيني شبيج..
سهى ..مابية..شي..
بس مخنوكة..
ليش ..شصار ..الي اعرفة هسة كل شي تمام ..عمتج وعيالج راضين عنج..
ليش الضوجة..
ضوجتج نوال بيتهم..
لا مضوجتني ..يمكن اني ضوجتها..
شلون بلة ..
ضوجتيها..
سولفتلها المقتل...
لا ..احمد شون يسوي هيج..
محلو منة..
واذا كلتلة امة..
جان مشى اليوم وبعدين...
ممعقولة هيج..
سهى ..سكتي اجة رجلج..
مصطفى...ها شكاعدين تقشبون علينا اني واحمد..
صدك وين احمد..
ردينا اني وام علي..
بالبببييييت...
ماطول سوا حجيتو تاكدت جنتو تحجون بينا...
لعد ويامن جيتي..
ويا مصطفى...
لا..خل اخابرة وينة لعد...
سهى ..اكوم اني عندي كوم عمليات..
شوفكم...وين رايحة..تعاي..
اشرتلة باايدي ✋..
مصطفى ..شبيهة سهى..
اسال صاحبك..شوف شيكلك..
يلة دك تلفونة...
احمد..كعدت ع صوت التلفون..
باوعت بيش ساعة...
عزة الساعة ٨..ولج نوال ليش مكعدتيني..تاخرت ع دوامي..
يووو..موقتت تلفونك الصبح احسن ماتحجي..
غضب الله عليج.. مايوم ريحتي كلبي..
كعدت ركض غسلت وجهي..
وبدلت..عالسريع ذكرت سهى
دخلت الغرفة ماكو..
يووو..هسة هاي شااكللهة..
نزلت جوااا.
يوووم.. ليش مكعدتوني..
مو تعرفون عندي دوووام...
ووين سهى..
سهى كعدت من الصبح وراحت ويا مصطفى..
شنو ...
مسالت علية..سالت وكتلهة بعده نايم يم نوال...
احمد...عرفت سهى زعلت..
ظليت احجي عليهم..
وطلعت...وصلت ب٩ونص..
رحت قدمت زمنية..
وبوجهي للطابق..سالت ع سهى كالولي فايتة عمليات..
ضعدت للطابق فوك ..شفت مصطفى تلكاني...
هلو مصطفى شونك..
هلا تنبل رطبة وينك..شفت سهى..الصبح..
احمد...شون شفتهة..
مصطفى..شعلة نار.. صايرة..
لاتكولها.. اوووف..
عرفت والله كلة من امي..
دمشي خل اكلي لكمة..
مصطفى هم متاخر وهم تتريك..
امشي مااريد..
ورا ساعتين..
خابرت عالعمليات..سالت ع سهى..
كالولي فاتت عملية ثانية..
بلة هاي شبيهة مخبلة ..متاخذ راحة..
ظليت نهاية اليوم..
خلص الدوام..وهي بعدهة بالعمليات..
خابرت ولد ممرض ويايا كالي تخربطت سهى وراحت ترتاح بغرفتها هنا ..تخبلت رحت لغرفتها دكيت..مفتحت..
كيتلها كتلها اني بالباب..
فتحتلي الباب.. بعدج مبدلتي..
سهى..اليوم لازمة خفر..
شنو..
موكلتي ماعندي خفارات..
ولد عندة ضرووف..رح الزم مكانة..
انتي شايفة وجهج..
شبي وجهي..
نسيتي انتي حامل..
زين ذكرت..
شنووو..
لاماكو شي ..يلا مع السلامة...عندي عملية اروح اتحضر..
انتي زعلتي لان رحت يم نوال..
لا ..مو زعلانة...
لا ..باعي وجهج زعلانة وميتة من القهر..
سهى..وليييش انقهر كوة زعلني..
سهى..اني احبج هواية...
سهى..اكو فرق بين انو تحبني وتحترمني..
احمد..اني مقللت من احترامج..
سهى ..لمن اكعد بالليل مالكيك..
ترجع تجي تخلص ونستك وياي وترجع زوجتك..
شو معناها..
انسى..اني غلطت ..وجيت..للبيت ..
احترم روحي.. واكعد بيتي..
احمد ..يعني..صار بيتج..هسة..
براحتج لعد..
اني اسف جيتج..
روحي اخذي راحتج مااريد ااخرج..
سهى...سكتت وحابسة دمعة بعيني من الصبح..
سندت ايدي ع كرسي وكعدت..وانطيت ظهري الة..دا اخابر..
طلع وعافني..
لزمت خفارة بيومهة..ويومين بعدهة ..ردت اخلص كل عصبيتي وحركتي ..بالشغل..لحد ماحسيت بدوار ووكعت بنص الصالة..
وراهة نقلوني للطواري..نوبة سكر..
وفقر دم..
ساعة ٩..كالولي رح نخابر ع احمد..كتلهم احمد طالع بشغلة محافظات..
وكتبولي اجازة مرضية..بعد معرفو حامل..
اخذتهة ورحت بالبيت ارتاحيت...
فتحت تلفوني.. جان مقفول ولكيت رسايل من احمد كومة..
شونج..وينج..كملتي عملياتك..كافي زعل ..
ردي علية..
فتحت كل رسائل..وجانت اخر رسالة من رقم غريب..
فتحتها...
عبالج خلصتي مني..الا اندمج عالساعة شفتيني بيهة..
ياسر..
ورا هاي الرسالة حسيت بخوف مو طبيعي..
دكيت ع أحمد وجان تطلعلي نوال..
كتلهة كوليلة سهى عالتليفون.. كالت انتظري..وسمعتني. صوتهم..وهمة.... وانطتني الضربة القاضية...
للقصة بقية..
🏵🏵🏵🏵
لاتنسون تصوتون عالبارت فضلا وليس امرا اذا اعجبكم..
#نازك الملائكة
أنت تقرأ
زوجتي سيئة السمعة
Romanceمعاناة الزوجة الثانية وتناقش موضوع هل الزواج الثاني زواج اشباع للغريزة او زواج استمرار متعة المتابعة ان شاء الله
