زوجتي سيئة السمعة

البارت التاسع

وصلت للبيت وجنت فرحان ..تلكتني امي مقهورة هاي ردتها اجتي نوال وعادل واخذو فهد من حضني كوة واتوسل بيهة صح عادل مقبل..
بس نوال تحلفت كالت والله لااخلي ابنة حسرة يشوفة ...واكيد متاكد لسانها ..جكد طويل بس امي محجت...
اني صرت نار شون سوي هيج اليوم الة العن سلفة سلفاها..
دكيت عليها..
رفعتة...
الو..
الووو..نوال لج هاي شمسوية..
شون تاخذين فهد هيج...
اخذة ابني وتحلم تشوفة بحياتك ..
لك انت تروح تتزوج علية ...واني تحملت فكرك وطيحان حضك..
وتالي متالي تروح تخطب وحدة...
من الشارع مدري مين جايبهة..
اني اعلمك احمد ..هيج سوي بية والله لاازوعك العافية..
نوووال..
اني حذرتج واطيتج فرص..هواي..عمرج ماتعضتي نفسج نفس غرورج وتكبرج..
مكلتي رجلي الة حق واجبات..
سمعت فهد يبجي..
ولج ياطايحة الحظ ابنج مسوي عملية...لج..اذا صار بي شي عشيرتك كلهة متكفيني..
اذا مااجة ابني خلال ساعة ..والله انوم اخوج بالحبس..اتعدى عالبيت واخذ ابني وتحرمين علية فهمتي ولج...
سديت التلفون..وخابرت على عادل..
الو..
الو..باوع عادل لاسلام ولاكلام..ابني مثل مااخذتة ترجعة..
ترة لحد هسة محسب حساب الكرابة والعشرة وانت رجل اختي..
ساعة بالزايد اذا مااجة ابني للبيت انومك بالسجن واختك تحرم علية..
تجي تكعد وتسكت..
عادل..لعد هاي سواية سويهة ..تقبلها ع رؤيا..
لك والله لو اختي تسوي نص سوتهة اختك روح ازوج عليها عشرة..
بس اختك مخلت الي لاقيمة ولااحترام لك شون تخليهة سوي هيج بعمتك..
وماكو احد...
احمد ..خلي النفوس تهدا وهي هم..
ورح ترجعلك مثل الورد لاتكسرهة بمرة ثانية..
عادل..ترة تحملت هواي..وخ تتحمل شر افعالها..جكد حجيت واطيت وهي مثل ماهي..
لك احجي وياها ولايمهة..
زواج رح ازوج ..لان اريد مرة داريني..
خصم الحجي جيب ابني ..ونوال اليوم اذا ماباتت بيتي تحرم علية..
بسسس....
مخليتة يحجي سديتة وصرت نار اكثر..سهى ...دكلي..شااكللهة..رديتلها..
سهى..اني ادكلك بعدين..وسديتة..
وظليت متعصب..
سهى دكيت علي..ورد علية بعصبية.
خير..ياربي شبي احمد صدك من يصير عصبي ..ميشوف كدامة..
عفتة وظليت انتظر..
كلت ساعة وابلغ..
وشفت رؤيا هم خايفة ع زوجهة ..
رجعت خابرتة..
رؤيا...عادل لك شسويت انت..مو كتلك عوفك من نوال..لك هاي مخبلة هي خربت عشهة بيدهة تاليتك بالسجن..
لك فهد مريض اذا صار بي شي..والله تنكلب الدنيا..
رجعة عادل ورجع اختك ترة اخوية ناويها ..يزوج ..
فهمهة لااختك تستر ع روحها شوي وتتنازل..ترة تصفة لاولد ولارجال..
رؤيا..عادل ترة اني شاريتك ..لاتخلي اختك ومشاكلهاتخرب زواجنا..
هي لو شاطرة جان كسبت اخوية..
مو ع ايدك انتة ..
رؤيا..هسة شوي واجيبة ترة هو هم تعبان..
عزة العزاك عادل..ولك مصار شهرين من سوة العملية..
لك رجعة رحمة لااهلك وسكتة لاتخلي يبجي..
مو زين علي...
نص ساعة اجة خالي وعادل..
وجتي نوال..وايني فهد..وجه اصفر..
ونوال شبعانة بجي ..خالي ميدري بيهة ..
ورا متوفت زوجتة زوج وحدة ثاني..
كالي يابة حكك علية ..والله اسكطها اذا زل وياك من هاليوم..
خالي ..كلامك على عيني وراسي..
بس  اني طيت كلمة للعالم..
مااكدر ارجع بيهة ومامقصر ويا نوال..
اسالها..
تريد تبقى وياي اهلا وسهلا..متريد..براحتها..
بس قراري ماارجع بي..
احمد..ظلت امي تتوسل بية ونوال تلطم ع رجليهة..شون سحلوهة وجابوهة بالكوة..
انهانت كرامتها وظلت تصيح مااريدك تزوج طلكني قبل لاتزوج..علية..متجيني ..ضرة..
مو كلتي.. اذا رجال تسويها..اني رجال وباجر اعقد..
وتروحين توقعيلي..
اووو....
احمممممد..اسكت..احتراما لخالك..
خليني احجي..
حاضر يابة..
باوع عيني غانم ..وانتي نوال هم..
سمعي مني...
غانم دخلت بنتك..شلناها بالصلوات...وهاي اختك اي احد..يطخها تكلب عليه..
وهي مثل الثور الهايج..
لاهي زوجة وتحترم زوجهاا
عممممي...تبجي..نوال..
ولاهي جنة بيت...وقايمة بواجياتها..
ومتحترم بناتي وتاذيهم حجي وتصرفات ..صوتها عالي..متحترم وجودي..ولاوجود مصطفى...ولاهي ام لاابنهة..لج مو بالموت يلة صار عندك..
باعي اخذتي ساعتين رجع تعبان...
انتي زين من ابني ومنا راضين مبقيج...سوايتج ميلبس عليها ثوب..
بس ...رح اكلج شغلة...
احمد رح يزوج ..واعتبري درس حياتج انتي الي محافظتي عالنعمة باايدك وراحت لغيرج..
تعيرينة بالفكر. ...واسمع واسكت كلت معلية مرة ورجال ويتصافون..بس ان سمعت صوتج يعلى يحرم عليج البيت..
اني عايل غانم..
باوع عليهة وعض اصبعة..
لا حشاك خوية ...من الغلط..
هي رح تكعد وتنجب..
وتمشي عدل ويا رجلهة..
بس زواج ثاني يكسرهة..
اخوية غانم..اني طيت كلمة..وطلع موضوع من ايدي عيب..مثل محجيت ويا بتك فهمتهة للبنية..
لطمت نوال ع صدرهة..
يعني عمي رحت انت خطبتلة..
ليش ...
مردلهة وخالي عض اصبعة وسكتها..
كال رح تكعد وترضى بقسمتها هي جابت روحها الاذى...
وحككم علية..
يلة بويا عادل جيب مرتك وخلينا نروح..
نوال لزمت ايد ابوها..ابوها زعلان منها..شمر ايدة..
عدكم العافية..
حكج علية خيتي..باس امي من راسهة ووصاها ع نوال..
ووصاني...وتعذر مني..بستة من راسة ..وكتلة حاضر خالي..
تاامر..
صح اني عمري مااقبل بالظلم..
بس اول مرة احس نوال مكسورة ..وتعبانة..
صعدت لغرفتها...
وامي كعدت تقنع ابوية عمود لاتخليني ازوج..
بس ابوية هم قفل..
تذكرت سهى صيحت عليهة..
لازم ارجع اصلح سويتة..
اشوف فهد..جاااني ركض..ونفسة ضاق شلتة..
صعدتة فوك لكيت نوال كاعد تبجي..فتت...
اني..وفهد..
جرتة مقبل مجلب بقميصي..
شفتي نوال...حتة ابنج ميقبل..يجي عليج..
ظلت تبجي وتكلي هاي اني لان يتيمة هيج جورون عليه..
لج بعدك مصدكة روحج مظلومة لج اصحي نوال ..يايتيمة..باعي روحك عمرك ٢٤سنة..يايتيمة ولج..
جكد طيتك فرص..وانتي تجاهلتيهة..نسيتي اني زوجج عندي حقوق..عليج..
جرت ايدي وبوستها..فدوة احمد لاتتزوج علية بداعت فهد لاتتزوج واني اوعدك اني اصير مثل متريد..
والله احمد احبك والله..جنت ادلع عليك ..
تدلعين لج فاهمة الدلع انتي غلط..لج كعدي وفكري بااسلوبج وياي..
بدلي لفهد..اخذة وياي..
دك تلفوني..
باوعت علي..
رجعت كتلها يلة بدليلة اخذة..
هي دكت عليك...مو..
بدلي لفهد دا اخذة ...وكعدي راجعي روحج وصلحي علاقتك باامي وخواتي..
طلعت من الغرفة واسمعها تبجي وتحجي ويا فهد..
امداني امدا حضيي..
جاوبت..
ها حبيبتي..
سهى..شبيك احمد ...ليش جنت عصبي..
ماكو شي هسة جايج..للبيت..جايب فهد وياي ..محرم لاتخافين..
سهى..يعني ماكو شي..
لا سهى هسة اجي وافهمج دخلت علية نوال..
اسمها سهى..
بدلتيلة..
احمد..بتوسل..
نزلي صالحي امي..
من ارجع الكاج مسوية عشا..
حاضر..
اخذت فهد وطلعت..
اول مرة احس نوال مكسورة ..بيني وبين نفسي صدك حجي سيد محمد صح..المرة العوجة مجر عدل اذا متكسرهة بمرة..
ونوال انكسرت ساعة مفكرت ازوج..
وصلت بيت سهى
لزمت فهد حضنتة وبوستة..وظلت تشم بيه عبالك ابنهة واكثر..
وهو هم مسلملهة سرسري..
لك ..اي ارتاح..نام رغد..
بحضن خالتك سهى..
عوفه احمد مالك علاقة بي..
تمنيت الوكت يرجع وتصير سهى مرتي وام ابني..
تمنيت احضنهم الثنين واحس بطعم العائلة الي محروم منهة الاستقرار الي معشته بحياتي..
سرحت دقايق واني شايف سهى دايرة ظهرهة الي وشايلة فهد وتحجي ويا وتلعبة دارت وجهه..
ها احمد ...شو واكف هنا..
فرحان بعاىلتي الجديدة..
دمشي عيني تعال هاك الصينية ..جيبي فهد..
لا بداعتي خلي بحضني شوية..
وهو هم لاف ايدة حول ركبتها..
مااعرف ليش الوكت مودي مايمشي اني وياها..
محسيت بالوقت شون مشة..
حجيتلهة الصار حسيتها ضاجت..
احمد..اني خايفة امك تكرهني..
لا ..سهى انتي متعرفين امي..
امي اطيب قلب..
بس نوال ربت يتيمة وامي هي اعتنت بيهة..
لهذا ..هي هيج..
ونوال..
شبيهة نوال..
مااعرف خايفة منها..ومن ردة فعلها..
لاتخافين منها مشفتيهة شون انكسرت اليوم..
خاف سويلي مشاكل..
لا لتخافين منها هاي وحدة غبية..
احمد..هم يجي يوم نتعارك وتهيني..
سهى ..ليش تتفاولين بالمشاكل سهى جريت ايدهة وحطيتهة بين ايدية..
سهى..بداعتي ..لاتخافين مني ..انتي حبيبتي وكل شي مااشوف شي بس هذا الوجه وهاي العيون الحلوة المغوركة بس باانتظار تبجي..جرت ايدهة بعدهة بايدي ومسحت عيونها ..وايدي صارت على خدهة..
تقربتلها ..بصوت هادي..
فهد نام..
انتبهت من قربي رجعت..
هاا شنو خفتي مني..
لا مخفت..
سهى باجر روح نعقد ..
احمد ...ووو..
باجر نعقد ..بعد مااتحمل..
حاااضر..
ووراها افوت شهرين واخذ اجازة..روح تركيا..
اني انتظر شهرين نقدم اسبوع ..اني وياج..وراها نرتب..سفرة نطلع..
تقربت حطيت كصتي ع كصتها ..
بستهة.. ربي مايحرمني من صوتك..حضنتني ..
ولا اني ..احمد..ربي ميحرمني منك..
يلة ..خل اكوم احسن ترة مااطلع..
ههه.
باجر امرلج الصبح..نطلع..
ماشي..
ماشي..
تعاي خل احضنك بعد..
افيييش..ربي مايحرمني من حضنج..
ولااني..
اخذ فهد..وطلعوظلت عيني وراه..
ثاني يوم رحنا للدوام وعلنة خطوبتنا..كل الالسن الي جانت تحجي خرست..
طلعنا عقدنا..وانتظرنا نصدقة بالمحكمة..احمد اصر نسوي حفلة ولو بسيطة..
باله عمود نذكر عرسنة ونصور ويسوي اشياء مسواها بزواجه الاول..
بيوم الحنة ..سويتهة كعدة صغيرة دك علية رقم غريب رفعتة وجان لهذا الاتصال وقعة بداخلي ..
وكبر مخاوفي من جديد..
للقصة بقية..
🏵🏵🏵🏵
لاتنسو تصوتولي عالقصة اذا اعجبتكم..
وسمعوني ارائكم وتعليقاتكم عالقصة تحياتي
#نازك الملائكة