اكو مشاعر واحاسيس داخلنا بصعوبة نتغلب عليها مهما بلغنا من الفهم والعقل..مهما اختلفت مراتبنا بالمجتمع رح نبقى هذا الكائن الضعيف..الي تكسرة حجاية او تصرف..وتجبرة هم حجاية..وتطيب.خاطرة..عرفت بلحظة ماسمعتني نوال..نفس احمد هو وياها..بغرفتهم..عرفت انو احنا بحرب وحرب وسخة مو نظيفة مو اني اعلنتها ولاردت اكون جزء منها..
بس نوال انسانة غبية..ابدا مرح تستفاد من تجاربها ولاتعترف.. تغتنم الفرص تجيها.... انسانة طماعة تريد كل شي...
بس ماعدهة استعداد تتعب وتضحي..واكو منو ياخذ حقها رغم عيوبها الهواي ..وهذا الشي احسدها علي..عدهة اهل وعزوة..اما اني فما عندي احد لايسندني ولايدافعلي..
بس رغم الانكسار الي اني بي اكو قوة داخلي ترفض هذا الضعف..لهذا اني لحد هاي اللحظة عايشة..وواكفة ع رجليه لامرض ابني..كسرني ولا ظلم ياسر ومطاردتة الي خوفتني عمود اعيش واستمر ..لهذا قررت اطلع اظافري..لان الخوف بحياتة مرح يخليني اعيش..
نوال..حسابها وياي عسير..
وياسر صار وكت اوكفة عد حده..
فتت للحمام..غسلت وبدلت..وردت اسلم روحي للفراش..
دك رقم غريب تخيلتة رقم..ياسر اخذت نفس..
ورديت علي...
الو..
الوووو...بتموع..
نوووال..
اي حبيبتي نوال..اتمنى الي سمعتي يكون عجبج..وامانة لضوجين..عادي..احمد ماانطاني مجال..
وبقت السماعة مشتغلة..هههه..
سهى..ليش اضوج حبيبتي..
اضوج انو ضرتي ..اريد اكول عليج انسانة غبية ..
انجبي ..مااسمحلج..
حبيبتي ..سمحتي ولا مسمحتي.. انتي هسة وقعتي علة ورقة طلاقج ..ماكو وحدة شريفة بت عائلة طلع اسرار غرفتها للناس..
تخيلي هسة هذا التسجيل يوكع بيد احمد..
شتتخيلين شيسوي بيج..
الي اعرفة بس هاي وحدهة بيهة كعدةعشاير وكص ركاب...
شششنو...شدتحجين
هااا..خفتي هسة مو اكلج غبية..
المكالمة سجلتها..وهسة باجر يجيني احمد..واسمعة..
بالاخير متعبتيني ورح اخلص منج ومن غبائج...واريح احمد منج..لاتخافين اني موغبية واسوي الي يطلع براسي بدون تفكير ..
رح اخليج كاعدة وتنتظرين عقابج..لباجر..يلة ..باي..
سديت التلفون..وماعرفت شون طلع الحجي مني.. ولااجتني القوة مين..
ورا هذا الحجي حسيت بالجوع...كمت اسويلي اكل...حسيت باب البيت انفتح..اكيد احمد..
اسوي روحي طبيعية وانسى ..افكر اخزن حجي احجي..
بس قررت اصير طبيعية..
احمد..خابرت ع سيد محمد مسوول طابق تشتغل بي سهى..
توني دااسلم علي..
جان يستلمني...
هلا ابو فهد ..شونك..شون صارت الدكتورة ..ان شاء الله احسن..
ترة اني كملت الاجازة مالتها باجر نصدرهة ولايكون خاطرك الا طيب..
وبالخير عليك ان شاء الله بالسلامة..
ظليت ساكت..وسلمت علي رجعت خابرت مصطفى..
كالت زوجتة سهى تخربطت..ونقلوهة طواري..
محسيت روحي الا بالتراكسود مال بيت ركض لبيتها..
تعبتني كد ماهي عنيدة وتكابر...
فتحت الباب دا اصعد فوك..لكيتها..بالمطبخ..
نزلت..
بس تلكتني ببرود..
هلو..احمد..
جانت مسوية اكل..
حتة معزمتني وكالت اكعد..
حبيت الطف الجو..
جريت كرسي..وكعدت...
متعزمونة ..نعزم احنة نفسنا ونكعد...
وجه سهى اصفر والزعل باين عليهة..
سهى...ليش مكلتي..مريضة..ليش مخابرتيني...
ماكو داعي تعب بسيط..مو اول مرة صير عندي نوبة..
تعلمت علي..
ولو لازم تخابريني..وتطمنيني عليج مو اسمع من العالم..
سهى جنت اكل واستفزتني كلماتة..
يعني انت الهامك العالم وبس..
مو هامك..اني..
سهى انتي ليش تصيدين بين كلماتي الخطأ..
طبعا انتي مهمة بالنسبة الي..
بس انتي كتيلي..عندي شغل..ودوام..
ماردت اضغط عليج..
صح لاتضغط علية..
وترضي نوال..
سهى..جاب نوال بالنص..
سهى..
تقرب علية وكعد بالكرسي بصفي..
سهى..انتي تعرفين شنو انتي بالنسبة الي..
سهى..احمد..اذا جاي ..عمود نومة وتروح..رووح نوال..كمل يومك يمهة..
اني مو عشيقتك..اني زوجتك..
ليش تعصبيني..
انتي زوجتي..
شوكت مااحب...
حط ايده ع جتفي..
سحبتهة..
زوجتك..الي يومي..
واليوم خلص..ارجع لمرتك..خاف تزعل..
سههههى..
اني مو مرة تمشيني..
سهى..ليش شكتلك اني..
صار كم يوم..انتي ذبين حجي مثل السم..
ومشيلج..اكول خطية نفسيتها وحامل..
تقربت الة خطوات..
سهى ..حملي نفسيتي..
ليش انت اصلا حاسب حساب حملي ولا نفسيتي...
انت هذا الي مضوجك..
اني حامل..
شنو هالحجي الجديد..
شجاب الحمل ع مشاكلنا..
احمد ..انت ليش زوجتني..
شنو ..ليش زوجتني..
اني اكلك ليش..انت زوجتني عمود تتونس ويايا ترتاح من الدوخة تدلل شوية..تعوض حرمانك وتحرك نوال..
سهى..لاتغلطين ويايا وتحجين حجي يضوجني..
اني زوجتج لان احبج..
لاتندميني على هالحب..
ترة حجاية ثانية اركعج بالكاع..
فهمتي..
سهى..لا ..احمد..لا مو اني الي انهان وانضرب لان احجي حق..
انت من تهرب من غرفة نوال تجيني بنصاص الليالي..
وترجع خوفا ع مشاعرها ..وانت بايت ليلة قبلها يمها..
يعني حقي اني ...حقي فهمت..
واذا تنازلت شوية عمودك مو تاكلني..
احمد ..بعز عصبيتي ..جتني الضحكة ..وهديت..تقربتلها..
حطيت ايدي ع جتفها..
سهى ..والله بسبب امي..امي..تحب فهد...لخاطرة تتحمل نوال..
ولخاطر خالي..
سهى..وخرت ..ايدة..هي عدهة اهل عدهة عمة ..واني منو يدافع عني منو ياخذ حقي..لو لان وحدي..
احمد...
سهى..سهى..بلا خبال..
سهى..حسيت دموعي نزلت بدون سيطرة مني..
اول مرة احس..النار الي داخلي ..مو حاسس بيهة احمد..لاويضحك..
ويكلي مخبلة محسيت الا..كلمتين طلعت ع لساني..
طلكني... احمد..
تحول وجهة المبتسم..الى ملامح خشنة وقوية حتة الخطين بين حاجبة وضحو الي...
علا صوتة..
سهى.. انتي شدتخربطين...لج شدتحجين..
سهى..الي سمعتة...والحمل الحاملتة اريد انزلة ..مااريد اربي ايتام..
دار وجهي عليه..
لج صدك دتحجين انتي تكتلين روح وتحجين حجاية تنطب السما عالكاع من تنذكر..
سهى ..انتي بوعيج..مو كتيلي احبك ومااستغني عنك...رح اتحمل ضرووفك..وين كلامج..كله..ظليت ساكتة..محجيت ولارديتلة وجنت مطيته ظهري..
براحتج سهى... براحتج..
طلع وركع الباب..قوي..
درت وجهي وبجيت بصوت..غمضت عيني..رجع احمد ..بسرعة..حضني وباسني..
دير بالج تعيديهة فهمتي..
دير بالج..
حاوطت ايدي خصرة وراسي صار ع صدرة وحضنتة..
ولا تعوفني ..احمد ..اني احبك ..حيل..
واني هم سهى..احبج حيل..مااحس اني عايش الا لمن اجي يمح..
اسف..اقصر..وياج..
بس غصبا عني.. والله مو باارادتي..
لو باايدي اخذج انتي وفهد وابنة..
وروح مكان بس احنة بي..
اول مرة اشوف دمعة احمد..ولهفتة علية ..
ظلينا حاظنين بعض طول الليل..
احمد ..تحبني..
هاي يحتاجلهة سوال..مو احبج اتنفس هواج اني.. وباسني من راسي..
زين دامك تحبني ابقة يمي..
باقي وين رايح..
ابقى يمي لاتروح..
ههه.تونا دنكول نعدل..
واني مطلبت غير العدل..
شون بلة..
مو صارلك اربع ايام..يم نوال..
٣ايام..
ماشي..
٣ايام..
تبقة يمي..
مووو...
ترة ازعل..والله احمد خاف عبالك.. راضيتني كم بوسة وحضنة..
ترة بعدني..زعلانة..
هلو عيني مو بكيفج تزعلين..
قربت شفتي يمة وهو حاضني..
لعد بكيف منو..
قرب شفتة وباسني..
بكيفي اني متزعلين لان انتي حبيبتي وعمري وام اولادي..
ام اولادك..لعد ليش محسيتك فرحان بية..من صرت حامل..
خفت لايلهيج الحمل عني..
شيلهيني احمد.. انت حبيبي ولهوتي..بدونك ماعندي حياة...
يمة منج يمة مااكدرلج تعاي خل احضنج حضنة مااهدج..
شكلت..
بشنو..
رح تبقى يمي..
رح ابقى يلا.. لاتضوجين لو بيدي ابقى العمر كلة ماافارك هالعيون الحلوة..
سهى..لاتخلي احد يااثر عليك انت انسان مومن وتخاف الله ورح تعدل بيني وبين نوال ..ماطول عندك ضمير..
واذا ضميري مات يمج شسويلة..
لا احمد لاتكول هيج شعلية اني..
لج اذا شفتج..
انسى كل شي..
احمد.. اريد اكلك ع شغلة ..
دك التلفون اشوف منو...
روحي شوفي وقفلي التلفون مااريد اسمع صوتة..
ماشي..
هاي خالتي..
من رخصتك احمد..
..
طلعت برة..
هلو خالتي..
متكوليلي..
شوكت اخلص من ابنج..ترة اني مزوجة وحامل..من ورا حتى ابني عفتة..شيريد مني بعد..
لج..ياسر منهزم من المصح..
ترة هو بغداد..
شنو عزة العزا..شجابه..
اني كلت اكلج..
اني تعبت ترة شتريدين سوين سوي بي..
هيح ولد مااريد..
احمد ..حسيت طولت ..بتلفونها رحت داا شوف وسمعت الحجي دار يينهم..يعني عدهة ولد ليش مكلتلي..
هاا احمد..
تاخرت عليك..
شبيهة خالتج..
مابيهة..شي يلا تعال..
للقصة بقية ..
تابعونا..ولو بارت موكلش طويل...
لاتنسو تصوتون عالبارت فضلا وليس امرا
أنت تقرأ
زوجتي سيئة السمعة
Romanceمعاناة الزوجة الثانية وتناقش موضوع هل الزواج الثاني زواج اشباع للغريزة او زواج استمرار متعة المتابعة ان شاء الله
