زوجتي سيئة السمعة

البارت الخامس

القرار قد يكون صعبا في بعض الاحيان قد تدفعك كل هواجسك وعواطفك الى قرار وانت خائف من اتخاذه..
خائف ان تخسر لان تكرار الخسارة تدمير للذات البشرية..لذا المرور بتجربة الطلاق ...بالنسبة للمراة ..نهايتها امام مجتمع ظالم...الضياع ..ولهذا تظطر الى ان تختبئ خلف رجل وان لم يكن كذلك فقط لتسكت الالاف الافواه والايادي الممتدة ...المطلقة انسانة عاشت تجربة مريرة واخذت قرارا شجاعا لاانهاء معاناة اوقد تكون نهاية لرجل وجد سعادتة مع امراة اخرى وتركها كالمنديل الذي يرمى بالقمامة لانه مستعمل ..عفوا عن التشبيه لكن حقيقة التمستها كثيرا بقضايا الطلاق الملامة الاولى والاخيرة هي المراة وان كانت ضحية المجتمع لايرحمها ...لذى في كل الاحوال انتي ملامة..احسني اختيارك كي لاتكوني لقمة سيغة للقلوب المريضة عزيزتي احسني الاختيار ولو سبحتي ضد التيار...
سهى...سهى...
هااا.ننننعععم....
وين جنتي سارحة سألتك سوال ..
مجاوبتيني...
شنوووو...
تتزوجيني...
احمد...انت كل شي متعرف عني هيج بكم يوم قررت تتزوجني..
اني مو هامني احد سهى...
انتي متعرفين حياتي شون جانت قبلج...
جانت بدون هدف...مرات احس روحي حمار مال عربانة..
حشاااك..ليش تكول هيج..
صدك والله مو شقة..حاس روحي للتحميل بس ..يومية زاد حملي شوي لحد ماانهديت لحد مشفتج وغيرتي كياني..صار كلبي مو بمكانة حاس روحي..طايرة وفرحانة..اذا دكيتيلي ...كلبي يركض..قبل رجلية...
تمنيت اني طير وانتي عشي.. وحبيبتي وصديقتي..
انتي اغلى مااملك..
حيلك ..حيلك ..احمد..هذا يسمو انبهار مو حب...
لا حب ..اني اعرف روحي..
سهى..انطيني فرصة اعوضك الفات ..ونتزوج..ع سنة الله ورسولة...
وزوجتك...
اهلك...
امك ابوك اخواتك..
شو رايهم بهالزواج...
وهم شعليهم بحياتي..
طول عمري اسويلهم واضحي...عمري مكتلهم لأ..
وهسة جاي تاخذ قرار بلا متشورهم...
سهى ... ليش حاسج مو متحمسة...
لا ...ليش مامتحمسة...
طبعا احجيلج عن مشاعري..
وانتي كانو..
انتي ماتحبيني...
اني نسيت اسالك هالسوال يمكن...
لان حسيت انو انتي تبادليني نفس الشعور...
انتي متحبيني..
اخذت صفنة..ونفس طويييل..
سهى ...اني اسف..لان استعجلت بحجي وياج بس اني مااحب اللف والدوران..
اني رجال مثل ميسمو حامي..
مااحب طلعات وطبات..
اني رايدج بالحلال..
واذا اني غلطان...اعتبريني محجيت...
ظل مبوز بوجهي واني ساكتة محجيت .. مااريد اخذ قرار بتسرع...
وطيش..
مثل المرتين السابقة..صح ياسر مو اختياري وانجبرت تحت تاثير الضغط.. بس كل شي صار بسرعة ..
اريد اعيش لحظات الاشتياق...واكعد ابجي ع مخدتي اذا زعلت..
كل شوي اكلب بتلفوني..
اشوفة دك لو لا...
صح لااني ولااحمد صغار...
بس الحب ميعرف عمر ولاحدود..
اثنينة تعبانين..
احمد زوج بضغط من اهلة..
واني غلطت غلطتين بحياتي مااريد اكررهم..
لذا اني رح اخذ فرصتي واختبر حب احمد الي مجرد اعجاب لو حب حقيقي..
ظليت سارحة طول الطريق..
لحد موصلت للبيت...
وكالي وصلنا...بصوت مزعوج..
اني مابررتلة..نزلت ..وسديت الباب ورايا..
حسيت نظرة بعيونة..بترجي..يريد بس احجي ويا..وانطي امل..
بهالفترة انقلت مكان ثاني بس نفس المستشفى...وظل احمد يوديني ويرجعني...
احاول اتلاشى شعوري ومشاعري..
وحبي..اله.بس شعوري بدا يضاعف احس نظراتة الي بالمراية..طول الوقت ..حجينا عالكد...
سوال جواب...
بيوم خابرتني خالتي..واني بالسيارة...
دك الموبايل وعيون أحمد بالمراية واذنة يمي...
الو..
الو...هلو خالة شونج...
شنو ..ياسر..شوكت هالحجي..
ظلينا حجينا..واحس ع ساعة رح نندعم..
خالة سدي مدا افتهم شي من اوصل اخابرج...
اني حجزت اسبوع الجاي اجي..
سديتة...
باوعت علي دار وجهة ورجع يسوق..وزيد السرعة...وظليت اباوع علي اعرف ضايج...بس حبيت هذا الشعور..
والغيرة محسيتها بحياتي غيرة بحب...
اول موصلت...
احمممد..
راسا اندار..
ننننعم..
احمد..اني رح اسافررر.
شنووو..وين..ليش..رح تروحين..
رح اروح شهر ..وارجع...
اجازة عندي شغل..
براااحتك ..شعلية..
داا اكلك عمود لاتمرلي...
نزلت شخط السيارة وراح...