زوجتي سيئة السمعة

البارت16

الاسرار بحياتنا هواي بس لازم يجي يوم وهاي الاسرار تنكشف..
وتوضح.. وتكون ردات فعل ماكنا نتوقعها..
أحمد..ورا معرفت باابن سهى دماغي ظل يودي ويجيب..
ليش مكلتلي..
وياسر شجابة بالنص..
ليش مااسالها وتفض..
احسن ماعايش بحيرة..
هيج..شوي واجت سهى..
ها حبيبي..حمودي..سويتلك نسكافيه دافية..والبارحة علنو عن فلم...يخبل..
خ نتابعة اني وياك...
باوعت ع سهى محضرة روحهة الي واني ضعيف كدامهة وكدام حركاتها..هي تبادر وتخليني اتقربلها..
ظلت نايمة بحضني ..وداخلي شك موتني..
شنو ظامتة عني بعد..
يارب تعرف جكد احب سهى لاتصدمني بيهة..
كعدت الصبح لكيت هدومي محضرة..
والحمام منشفة محضرتلي..
غسلت وبدلت لكيت محضرتلي الريوك من كل شي يعجبك..
صليت ركعتين الصبح وكعدت ع سجادتي..
والشك ياكلني..
لا ممعقولة..يارب..اني عمري معصيتك ..سهى مرتي وحبيبتي من يوم زوجتها مازلت زلة..
وكل الوياها يحمدون بااخلاقها واسلوبها الراقي..
احمد..احمد..
هاااا..
حبيبي يلا كوم تاخرت ع دوامك..
كوم اكلك لكمة قبل لاتطلع..
هسة دقايق..واجي..
يارب بارك لي في اهلي...
ياربي احفظني واحفظ اولادي ..وبرد كلبي..من جهة سهى..
مااريد انصدم..بيهة..
دخلت للمطبخ واباوع شون مخبوصة ومسويتلي..
من غير محضرتة بحافظة اخذة وياي..
تقربت من وراها وحضنتها حيل..
عاشت ايدج حبيبتي ليش كلفتي نفسج..
وانتي تعبانة..
دارت وجهه واني حاضنهة ..
ياريت اتعبلك طول العمر..ولاامل..حبيبي حمودي..
يلة اكعد..
لاتتاخر..
بشرط..
اشرط حبيبي اقبل..
تعاي كعدي يمي..
وخل افتح شهيتي بشوفتج..
جنك ع كعدة واوكلك هم..
يلا تفضل ياحلو..
يلا ..يلا..
جتي الطيارة...
هههه..طفل عندج اني..
شفايتلي انت طفل واني اراعيك..
اموت عالاطفال اني..
بكلبي..كلت..شفت لهفة فهد لمن يشوفهة..ليكون قصدهة عابنها الي تبرع الفهد..
اكيد هو..سد هذا الموضوع احمد..
شبيك..
احمد ..احمد..شبيك ..حبيبي..
كل شوي تسرح..
ماكو شي..سالفة بالي...
خابرت ع فهد..
شجاب فهد بالنص..
سهى..
شبيك ..احمد..طبعا فهد ابنك..
لازم تسال عنة..مبين متعلق بيك..
لازم تسال عنة..
مرح ضوجين..
احمد اني اضوج من تفهمني غلط..
اني مااريد اكون انانية..
اريد تكون عادل وياية ويا نوال..
يعني يوم الي ويوم الهة..
مو تجي يمي ساعة وترجع جنك بايك بوكة..
هههع..
واذا حنيتلج واريد اجي بنص الليل..شون..
ههه..تصبر حبيبي تصبر ثاني...يوم تجي وتدلل..عندك يوم بطولة..
سهى اريد اكلج شغلة..بس اريد متمانعيني بيهة..
الي هي..
بيتج هذا جبير وبعيد عني..
ليش متاجري..وتجين يمي...
احمد..مال اكعد بيت اهلك ويا نوال مااكدر..
احسن هي مكان واني مكان..
خلص...ناجر بيت ..ونكعد بي..قريب عليه..عالاقل اطمن عليج وعلى ابن الكلب هذا. ... بوس بطني..
رجاءا لاتحجي على ابو ..
جريت ايدهة..بوستهة..يمة فدوة لاامة قبل ابو جريتهة بحضني..
بوستهة..
ريتني ماانحرم منج ولامن حبج.. ولاوجهج الحلو حبيبتي..
يلا كمل ريوكك..
سهى عفية جيبيلي سترتي..والموبايل فوك..
ماشي تدلل..ثواني..
سهى ..كالي صعدي جيبي موبايلي جان عالشحن..
تذكرت موبايلي مقفل..
شغلتة وحطيتة عالشاحن جتي مسج اول مفتحتة..
صباح..الخير..اليوم بايت يمج..
عبالج تتهنين..
نسيتي نور الدين..اكيد ..منسيتي..احمد خوش شاب طلقة بكصتة ب٣الالاف..
اذكر نور الدين توسل عمود مااكتلة..هههعه.
هذا المسج حسيتة هدني ..
ماعرفت شسوي...
احس وجهي انخطف..هذا شون عرف اني احمد بايت يمي..
اكيد مراقبني..
كعدت والخبر حسيته هدني..
سهى..سهى..
ركض عليه احمد..
شبيج حبيبتي ..بيج شي يوجعج شي..
احمد..مااعرف دخت وافترت الدنيا بية ..
باعي وجهج اصفر..
مااداوم خل اخابرهم ..
احمد ..حبيبي رووح داوم..
اني هسة اضرب الابرة مال انسولين واكعد تمام..
شو يلا ضربيهة كدامي..
عمود ارتاح..
ماشي..
لزمت الابرة وايدي ترجف..
شبيج..سهى..ترة انتي دتخوفيني عليج اكثر..
لاتخاف ...احمد..لاتخاف حبيبي..
تعاي خل اضربج عمود اطمن..
اي.. عاشت ايدك..
يلة خل ارووح..
لزمت ايدة وكفت..
وحضنتة حضنة قوييية..
شبيج حبيبتي ..شبيج..
ترة كمت اخاف..عليج....
لاتخاف..
رح انتظرك..
عمود رووح العصر ندور بيت..
ماشي..اقتنعتي الحمدلله عمود اطمن..عليج..
يلا مع السلامة..
باوعت..بوجه احمد...وودعتة..وذكرت وجه نور الدين..من كلي هذا مجرم ممكن حتى ياذي ابنج ..بس عمود يحرك كلبج..
ظلت دموعي تنزل..واحمد ديطلع واني ادعيلة..
اول مفتت البيت دا اسد الباب..
جان ايد احمد دفعت الباب..وحضني قوييييي..
حسيت عظامي رح تتكسر من قوة الحضنة..
احمد..والله وجعتني..
ربي مايحرمني منح ولامن نفسج بحياتي....حبيبتي..
احبج ..سوسو..
احبج..حيل..لاتنسين هالشي..
جريت ايدة..بستها..
ولايحرمني ..من حسك بالدنيا..حبيبي..
رفع ايدة لعيني..شو لازمتهة هالدموع..
هاي هرمونات الحمل ..لايظل بالك..
يمة ريتة ميحرمني من هالحساس يارب..
عفت السيارة مشتغلة بالشارع..
يلا روحي اكلي ونامي ..مااتاخر عليج..
ماشي..
يلا..باي باي حبيبتي..
باي..
سديت الباب وعيني ع احمد قفلت كل البيبان والشبابيك..وفتت..
وصعدت اخابر ياسر اريد اعرف شيريد مني..
ومن حياتي..
خابرت علي..اخذت نفس..
عمود لايحس بخوفي..
الوو...الوو...
هلا بالمسعدة شونج..
صوتة جنة مو تمام..يمكن شارب..
ها ياسر شعندك هنا.. مو اتفقنا تتعالج..ليش طلعت وعفت المصح..
لج اني علاجي انتقم منج..
لك انت شنو وع شنو تنتقم مني انت الي طيحت حضي..
انت الي ظلمتني..
اني ظلمتج...لج اني لفيتج..خليتج ادمية..
ويطوطح بالحجي..
اني متحلفلج الا اطلع كل يوم الي بالسجن...
من ورا شكولاتج..
شكوللتي..لو اجرامك..
كتلت نور الدين بدم بارد..
اني كتلتة..دا اطم عاري..
الناس اكلت وجهي..من ورا علاقتج بي..
لك يااا..
اندكت الباب..
هاي منو هاي المرة..
الواكفة بابكم..
جنة هالاحمد....عرفج ع هواي ناس مثل شكولاتج..
ياااسر...اخر مرة اكلك ابعد عني..
ياسر..خالتي كالت بلغي الشرطة..
واني لان انت ابو ابني..
وابن خالتي ..مشيتهة..والله وبيج الخير ام ابني...
ناسية ابنج يم امي..
من وراك..غير من خوفي علي منك..
هلا والله..سهى ..طلكي من رجلج..لو ارملج والله..
ومابعيني شي..
ولااتحاكم..
رح يعتبروهة جريمة شرف..
لك ياشرف..تحجي عنة انت طليقي..
ااحمد زوجي..
يخسي يكون زوجج..
مثل مكتلج.. يلا باي. ام زوجي.هعهه..
حسيت جسمي كلة يرجف..
نزلت اشوف منو بالباب..
حجيت بالحاكية منو...
هاي اني خالتج ام احمد يمة فتحي الباب..
هسة جايتج يووم..
نزلت ورجلية بعدهة منملة..
نزلت فتحت.الباب..بوست خالتي..فوتتهة واباوع يمنة ويسرة..
فاتت ..وظلت تباوع عالبيت والاثاث..بكلبها الف سوال..
تفضلي خالة..قبل شوي طلع احمد..اي خابرتة..
تعاي ماما..نتريك..جوا..فاتت وياي للمطبخ. وجرت حسرات..
احمد تريك يمة..
اي ..يووم ..كعد غسل وبدل وتريك..
وراح..
من هاي طبعا..
شنو ماما..
من هاي احمد يحبج ومتعلق بيج..
ابتسمتلهة وحسيت داخلهة حجي صبيتلهة الشاي وحلكت عباتهة..
كوللي يوووم جنج جاية بسالفة..
ومااعرف ليش مترددة..
اي والله يووم مستحية منج شااحجي ع سوالف..نوال..مرمرتني ماتتعلم..
عرفت نوال دزتج...
وليش ماجتي هي..
يوومة مستحية..
لا.. خالة مو مستحية..متكبرة ..مغرورة كولي..
تسوي كل مكسورة واكو من يطمطملهة..
تعرفين خالة هواي مرات احسدها نوال عليج..
جكد مسوت دافعيلها حتى لو على حساب احمد..
اووف يمة..شااكول شااحجي..
هاي بنت اخوية..
يمة امهة ع فراش الموت وامنتني عليهة..
ومن يمهة . هي شماسوت مااكدر اكسر بنت اخوية ..لا بنتي اني ربتها..
والحل خالة..
الحل..معناها رح ظل تنكد عالكل..ومحد يكدر يوكفها..
انتي مدا داريها..
انتي دتكبريها عالغلط..
اعذريني خالة انتي حتى بناتج جيتي عليهم لخاطر نوواال..
شون رح تحس بخطأهة..اذا كل مرة طمطمتيلهة..
شون يمة لما اني جان احمد طلكهة من زمان..
خالة احمد يعرف الله واني اول مخطبني فهمني ع كل شي..واني قدرت..وشفتي اني اغلب ايامي خفارات..يعني اغلب الايام يمهة..
حتى من صرت حامل ووكعت ونقلوني مخابرتة..ماردتة يضايق او يقصر وياكم او ويا فهد..
بس مثل مكلت لااحمد اذا نوااال عدهة اهل يدافعون عن حقهة وهي غلطانة ..خالة اني منو الي..اخواني مسافرين ومثل مشوفين وحدي..
واني هسة شايفتج امي وحسبيني حسبة رؤيا...
اريدج مثل احمد تعدلين وياية مثل ماتعدلين ويا نوال وعلى خطا..
يووومة..حكج علية..
هاي وحدة عوبة..
خالة اني اريد احمد يرتاح مااريدة الي وحدي بس من يجيني..تعبان ومبهذل انقهر علي جني عايفة ابني يم ناس مو مقدرة قيمتة..
ولازم هي تفهم..
وعلميهة وخ تشوف شون من يجي من يمي شونة..
والله هذا كفيل ..يغيرهة ويخليهة احسن..
ومارايدة اكثر اصلا اني مو محتاجة شوفت عينج..يعني مرح اثقل ع احمد..
بس رح يكون وياي..وهو ابو ابني طبعا...
اي يومة عداج العيب..
واني بلا متجين اني لاناوية اشوفة لااحمد ولااريد اغثة هو كاعد يمي كم ساعة..
الله يكملج بعقلج يمة..
بس مااريد نوال تعرف.
خليهة خايفة ..عمود لاتغلط..
يلة يمة اترخص اني..
لايمة ..مطلعين..
ابقي تغدي ويانا..
لايمة ..بيتج عامر...
بس خطية هم يحيرون مامسوية غدا..
لعد اخابر احمد..اوصلج..
احنة العصر اصلا ناووين نجي..ناجر بيت بالمنطقة البيت هنا جبير واني وحدي..
اي يمة هلا بيج...
هلو ..حمودي..حبيبي رح اوصل خالتي للبيت..رح اوصلهة..
اامي يمج..مكلتلي..
خالتي ظل بالها جتي تطمن عليه..
يمة منجن انتي ونوال..والله خطية حايرة بينكم...لاعيني..هاي امي شتحجي..
يلا لعد...
روحي وابقي يمهم عمود اطمئن عليج..
شبية مابية شي..
شون رح سوقين خاف متكدرين..
لا هو المكان قريب.. وخالة مستعجلة..
ماشي ..ابقي نتغدا بيت اهلي ونطلع سوية العصر..
خالة ..خابرت احمد..دقايق ابدل..
ونطلع..
يمة تعرفين سوقين..
اي ماما..سيارتي برة..بس الدكتور فترة كالي عوفي السياقة واعتمدت ع احمد وراها..
يمة خاف متكدرين..لاخالة..
اكدر اطمني..

يلا خالة رووح..
قفلت البيت..
وطلعنا..
وصلنا للبيت..
خالتي كالتلي تعاي يمه تفضلي هسة البنات ع جية..
فتت سلمت ع عمي...هلو عمو شونك..
لا.لا.اني زعلان عليج..هيج طلعين ومسلمين علية..
لاعمو والله مردت اكعدك جنت نايم..
يلا سامحتك دامج جيتي..
اي عمو..ورح صير جيران..بعد..صدك والله..
اي عمو العصر اني واحمد نطلع ندور..بيت قريب منكم..
يلا شو فهد ماكو..
والله عمو يمكن بعدة نايم..
يلا عمو من رخصتك اشوف امي..
دامج كتلهة امي..كليلي يابة..
اوف..بابا ..ربي يخليك..
ويبارك بيج بنتي..
رحت لخالتي لكيتها مخبوصة تجي منا تروح منا ..تروح منا خطية وحدها..
هاا..ماما..كولي اني اساعدج لايمة روحي ارتاحي..انتي مالج خلك..
لا..امي قابل خطار اني..
لايمة هذا بيتج...
لعد دامة بيتي..كعدي ووجهيني شااسوي..
كعدت خالة وظلت تتفرج علية وتجر حسرات كملنا الغدا اني وياها وظلت تسالني عن امي وابوية واهلي..
كملنا زلايط..كعدت نوال..
بسلامتها وتفاجات..من شافتني..
خالتي اشرتلهة تسلم علية بس هي خشم يابس..
عوفيها خالة ..عوفيها خليهة هيج...
بس من تواضع لله رفعه.
وهي ماتعرف شي اسمه تواضع..
زين تعرفين الله شون اخذتي رجال من مرتة وابنة..
لو دايرة بالج عليه مجان اجة يمي..رفعت شعري..
دا اشوفها..رقبتي..
طلعت خالتي عمي صاحها..
نواال ..رح اكلج شغلة ..استفادي منها..
اني وياج زوجات احمد..
تريدين ترضين..وسهلين حياتج..
هذا امر واقع..مو بس هذا..لازم تريحينة ..مو يجيني..تعبان ومامدة يطلع مني...الي دزيتي الي دليل ع ضعفج..
واني مرح استغلة بس خاطر احمد وفهد وخالتي ترجتني..
بس والله اذا غلطتي وياي ماارحمج..
ممكن اصير صديقتج ممكن اصير اسوأ كوابيسج..وانتي اختاري..
جووي البنات..والتسجيل محفوظ عندي بعدة..
من رخصتج اروح اشوف امي وابوية..
رباب ونهى جوي سلمو..علية..
لج هاي منو يمنة ..سوسو شونج حبيبتي..
باوعت علي نوال...وبحقد..ولاكأنها سمعت مني حجاية اكثر شخص ممكن تخاف منة بالحياة هو الانسان الغبي لان ممكن يضرك بدون ميفكر..
لهذا احذر من الاحمق الف مرة ..
مااعرف نوال شضامتلي بعد..
بس متاكدة نيتها وياي مرح تصفى..والة توكعني تريد..
للقصة بقية
🏵🏵🏵🏵
شكرا لكل شخص صوتلي يارب تكون عد حسن ظنكم ياريت نسبة التصويت تكون بكد حجم المشاهدة فضلا وليس امرا صوتي للبارت اذا اعجبكم...