سهى:بعد مااستقريت باالعراق كمت اروح وارجع ع يامن اطباء المصحة كالو ايمن دخل بغيبوبة بسبب تلف خلايا الدماغ..وعمرة بعد مايتحمل..
واذا حركو اوفصلو عن الاجهزة..
رح يموت...
وصرت امام خيار اتركة يموت ويرتاح...
واسوي خير لااطفال اخرين واتبرع بااعضاءة..
موقف احمد وياي..جان كلش حلو وعرفت بالصدفة انو متزوج رفعت الحرج عنة..
جان دكتور جراح شرحلي..وضع ابن احمد ومحتاج متبرع..
حتى ولو عمرة صغير ويعرف بوضع ايمن...
لهذا اقترح عليه اوافق..
يكون ابني متبرع لاابنة..
وظل يحجي وياي ويقنعني انو ابني بعد ميصحة من الغيبوبة..
واني لازم اساعده خطية خصة لمن عرفت انو نولد بعد معاناة لااهلة ..وافقت..
وانطيت خبر للمركز بتركيا..
طبعا هم عرضو علية مبالغ اكثر بس اني اتبرعت لاابن احمد والتكاليف هم رح يدفعوهة...
سافرت لتركيا قبل لايخلصون الاجراات..
واخذت يامن ...وعرفتة على اخو ايمن...
مكان واعي ..بس ظل ياشرلي ..بوا..بوا...
ديتوجع..
كتلة من حسن حضه انو ميحس بشي..
بس كلبة رح ينبض بجسم طفل ثاني...
حضنتة...
بقة اسبوع ..فصلو عنة الاجهزة وعلنو انو طفل متوفي..
حفظو كلبة باانتظار فهد ..ابن احمد...
احمد..وصلنا لتركيا ..واني اسبح يارب الحمدلله..الحمدلله..الله استجاب دعواتي..
دكتور مهدي..كال المتبرع اقاربي..
واني وصيت عليكم...
دخلنا للمستشفى...
وبدت العملية...
وكلبي ظل يوجعني يارب نجي ابني..
نجي...
ونرجع سوا..
كالولي عملية طول ب٧الى٨ساعات..
كلت اطلع اتمشى عالشط..بلكي ارتاح شوي ...اختي رويا ارتاحت يالغرفة وطلعت..
اشم هوا...
مشيت برا المستشفى..
لمحت خيال بنت اعرفهة ..
جانت هم كاعدة عالشط..
اي هذي ..د.سهى...
شجابهة هنا..
جانت تبجي..
تقدمت الها خطوات..
بدون متشوفني..
حسيت تقدمت ..دتشمر روحها بالمي..
جريتهة..
بحضني صارت سهى ..شجابج هنا..
وشكاعد سووين..
جانت تبجي بحركة ..حضنتني ونست ...واني مكدرت هم ابعدهة..
لفيت ايدي..حواليهة..
وراهة بشوي...كعدنا..
سالتني ..شونة ابنك...طلع من العملية...
تفاجات انو تعرف عندي ولد..ومتزوج.. مكتلهة اني..
ترددت..بعدين كلت اكيد عرفت من جماعتي..
لازم يحجون..
زين..الحمد لله...
بعده بالعملية ...طول..
انتي ...شجابج هنا..ولييش..
دك تلفون احمد...
سهى...روح اكيد رويا اختك..
انصدمت اكثر...
حسيتهة تعرف عني اكثر مااعرف عنهة...
كالي ..انتي مرح ترجعين...
ظلين هنا..
تعالي خل اعرفج ع اختي..
وخ نطمن ع فهد..
مرح اسببلك مشاكل..
تعالي يامشاكل...هاي رويا اذا شافتني ويا بنية..رح تفرح..نكاية بنوال..
منو نوال...
زوجتي..
استغربت متعرفيها..
لا شمعرفني...
تعاااي احسن مكاعدة وحدك...انتي اصلا..تعلمتي..ع جو المستشفيات...
اول مدخلت المستشفى شفت ابتسامتها رسمت ..
حسيت انو داخلها الم..
بس تغطي ...باابتسامة..
تلكتني رويا..وحظنتني..
كالت الدكتور طلع..
مفهمت منة شي...
باوعت ع سهى ..بدت تحجي وياهم بالتركي..
وهزت براسهة وابتسمت..
احمد...ابنك بخير.. والعملية نجحت..
رح ينقلو للعناية..لحد متستقر حالتة...
محسيت الى حضنة من رويا الله يبشرك بالخير..ضحكت..بوجه احمد ..رجعت كالتلة حمودي جكد عيب بالهوسة معرفتنا بالاخت...
احمد..هو انتي خليتي مجال للتعارف..
مرحبا اني د.سهى..زميلة احمد بالمستشفى ونشتغل نفس الطابق..مرحبا بيج رويا...
جكد عيب بعد تعرفني..
ابتسمت ابتسامة غريبة بوجه احمد مفسرتهة بس رفعة حاجب احمد بعينهة كانو حسيت..
طلع د.مهدي ..حضني..حضنة موئازرة..الي لان سويت خطوة..
يمكن ماكو ام سويهة..
عرفتهم..
د.مهدي اقاربي..
هو طلب مني..اجي...
اهلا وسهلا بيك دكتور..
اهلا بيكم..
يلا تعاي ترة اني ميت جوع..
خ نتغدا بس انزع ملابسي..
ماشي..
احمد...مشو بعيد..واني ظليت اباوع عليهم ..تمنيتهة ماتروح..ولاتفترق عيني عن عينهة..
كل ماتقترب احس دكات كلبي تتغير..
واحس بفرحة حتى لو بداخلي الف قهر..
ماحسيت الا على ضربة رويا وهي تكلي..
لك حمودي شنو هالحاتة الي وياك...هيج تفتهم..انت..مو مثل الحيوانة الي ملفيها...
شنو..
عليمن تحجين..
لا...هاي يحتاجلهة كعدة...
رويا... لارويا ولاغيرها...اخوية انت..
مو غريب اتوه عنك تعال نطمن..ع فهد ..ونخابرهم نطمنهم..
ونروح ناكل..من الخوف متت جوع..
يلا..
جان اكو مطعم قريب ..رحنا ناكل اني ورويا ..شفت سهى وحدهة..
رويا كالتلي اعزمها خ تجي تاكل ويانا..
لج لا عيب مشفتي..د.مهدي عازمهة....
درووح تلحلح..
تعبتني ترة..
سهى.. شفت احمد..واختة تقدمو ناحيتي..كلت لا جكد فشلة كاعده وحدي..
بعدين ورا شوي كعدو على طاولة محسيت الا وهو واكف فوك راسي..
ها ..سهى..وحدك..تعاي كعدي ويانا..اني ورويا..
اشرتلي رويا..من بعيد..ابتسمتلها..
اسفة..هسة يجي..
د.مهدي..
اجة النادل حجة حجايتين وراح..
احمد..صح ماافهم شي ع حجية..بس يمكن فهمت د.مهدي مرح يجي..صح..
ابتسمت..
يمعودة مو توسل ..بس تعاي ترجمينا ترة طكة منفتهم..
اوكي ماشي جاية..اشرت للنادل..
رح اكعد هناك..
سهى..رح اجي اكل وياكم..بس نتفق اتفاق..
لاتتفقين ولاتحجين..
تعاي كعدي وبس..
بس..
مو كلنا ماكو بس..
يلا تعاي..
ظليت كاعدة ورويا منزلت عينهة مني وعيونها فرحانة وكل شوي تسالني..
جكد عمرج....
-30
متزوجة..
-لاممتزوجة..
منفصلة..ياااا..اسفة حبيبتي..
لا يمعودة ع شنو تتاسفين..
ماكو توافق..وانفصلنا...
عندك جهال...
احمد...يمعودة تحقيق ...خو ما تحقيق.. عووو في البنية شتوليتيها..اسئلة..
غير اتعرف عليهاا..
هههه..اختك دمها خفيف..تسلمين..
حسيت بدوار خفيف ..
رويا تجين للحمامات..
احمد..سكرج...
اي رح اروح اضرب الابرة
رؤيا عندك سكر..سودة علية..
اي..شكل عندي بالحمل...
احمد..انصدمت يعني عدها طفل..
يلا امشي..
ظلت رويا تحجيلي عن اخوها وشونة ويا زوجتة..
وتعاملها ويا ..هسة زعلانة وعايفة ابنها...
وظلت تعددلي صفاتة وشون سبع ومداري اهلة وخواتة...
وتسالني بين كل سالفة وسالفة..عندك اخوان ..امج..ابوج..
واجاوبها..
وراها رجعنا وجان احمد على اعصابة وينكم..يمعودين..صار ساعة..
دااحجي..
جان رويا تكلة..
مدريت خطية سهى تخربطت..
لالا..بيج شي سهى تروحين للمستشفى..اول مرة احس احد يفز ويخاف علية هيج...
ورويا كانو فرحتها بعينها... صدك احمد عندة مشاعر اتجاهي..
واني خايفة.. تجرفني مكان اتندم علي...
وعندي تجربتين سابقة..
وبنفس اليوم..دخلت للعناية دا اطمئن على فهد واسمع دقات قلب ابني ايمن..
باوع فهودي...
ايمن اتبرعلك بكلبة...
عمود تعيش الي ماعاشة..
تركض وتلعب وتقرا..بكلب ابني ايمن..
عيش سعيد وفرحان..ودير بالك ع روحك...حضنتة ..شفت رويا فوك راسي..
اني اسفة جدا..
جيت اطمن ع فهد..
د.سهى..
شكرا جزيلا..ع كل شي سويتي وتضحيتك هاي ماكو ام سويهة..
لو تعرفين جكد فرحتينا امي وابوية واخواتي فهد اول حفيد واجة بطلعان الروح...
اعرف...سمعت..
انتي متعرفين احمد جكد تعذب وضحى بحياتة..عمودنا ..وعمود نرتاح...
هو يستاهل..
كل خير...مرتين ساعدني وانقذني من ياسر..
منو ياسر؟
طليقي..بلوة ونزلت على راسي..
مو قابل يتركني بحالي..جيت اخذ فكة منة..
يووو..شون زلم حقيرة..فوك سوايتهة..
انسي يمعودة...
اني رح اروح للبيت..
رويا اريد اكلج شغلة ..مااريد احمد يعرف انو متبرع ابني..
مااريدة يحس انو اني متفضلة عليه..
اريد يبقى هيج
.شاات الاقدار ونصيبة وحصلة..
يلة رويا اشوفك..
باااي..
جان المفروض ..يبقى فهد شهر برة ..
عما تستقر حالتة..
بهاي الفترة..ظلينا اني واحمد نطلع ونطب ورويا كل شوي تتحجج متكدر تطلع..
تعبانة تبقى يم فهد...
واني واحمد تقاربنا كلش افكارنا وطريقة تعاملنا...
كل شي..خلص الشهر وتمنينا ميخلص...ورا مرجعنا...ظلينا..سوا ..
نكعد بالبهو ..ناكل بالممر نسولف..
كل شوي يدك علية وادك عليه..اذا طلعنا من وكت نطلع نتغدا..
او عدنا خفارات يجي يكعد يمي او اروح اكعد يمة الدكتور منعني من السياقة كام هو يوديني ويجيبني منطقتي قريبة علي..
لهذا روح ونرجع سوا..وبيوم..حسيت الحجي زاد..وكامو يشمرون حجي..
وبدت تخلص شهرين رح انقل مكان ثاني..
فاجاني احمد وكالي...
سهى..تتزوجيني...
امتع الاوقات ارجوها لكم...
للقصة بقية....
لاتنسون تصوتون للقصة فضلا وليس امرا
#نازك الملائكة
أنت تقرأ
زوجتي سيئة السمعة
Roman d'amourمعاناة الزوجة الثانية وتناقش موضوع هل الزواج الثاني زواج اشباع للغريزة او زواج استمرار متعة المتابعة ان شاء الله
