بعد مناوشات وصراع عالكعدة جيت كعدت بصف عمي..
عمي ابو احمد شخص مااكدر اعبر عن شعوري اتجاهة مااكدر اوصف حجم الراحة الي احسها وهو يحجي وياي..مع انو شخص بسيط يعني مو مثل والدي جان طبيب وعلى مااعرف ازوج امي على حب بس وقت قرر يتركنا مفكر ب٤ اطفال خلفهم..
وشون امي رح تكدر تربينا وتكبرنا..امي هم جان عدهة اخ واحد واخت وحدة..وثنينهم بالخارج..
بس امي امراة قوية ..وتربت بنص اب وام..
اني مااذكر حتة اوصاوف ابوية حتة صورة امي حركتهم ورا متركنا..
لمن اشوف علاقة عمي بعمتي اشوف الحب والوفاء والحنان..اتمنى ياربي يكون احمد اب لااولادي..
يووو ..يااولاد شجابهم بالي..
قطع سلسلة افكاري عمي وهو يكلي..
هاج عمو تفضلي اكلي...
ريوك ماتريكتي..
اكلي ..وتغذي..
مصطفى يباوعلي..
اي عمي طكوك..
بعد شتريدين..
سهى..غير خطار..
لازم يداريني..
ابو احمد:لا بابا لا انتي راعية بيت وحالج من حال البنات..
حطيت ايدي ع ايد عمي ..
تسلم عمو..ربي يخليك ويطول عمرك..
البنات يتبسبسن..
ونوال صافنة...
مصطفى..لك يابة شنو هالرضا..
عمتي من يمهة كالت..
يمة سهى احنة البنية الي تفوت بيتنة ..صير بنتنة وهاي يمج نوال..شوفيهة حسبت بناتي واكثر..
اي خالة..صحيح..شفت...والله..
انتو اهل.. واكثر من الاهل ساعات واحد يغلط ويا اهلة ميسامحو..
بس انتو اكثر من اهل..
استلمي ست نوال..
البسامير..
نوال..صحيح..الواحد لمن يغلط ويسامحو اكيد مكانتة محفوظة مو بسهولة واحد ياخذهة..
مصطفى..احمد..استلم نسوانك وحدة ترفع وحدة تكبس..
احمد..داا اشوف تاليتها..
مصطفى..خلي سهى لاتوديهة بقينة متونسين..
احمد ..سهى لو عليهة متجي تخاف من نوال..
لابربك..
اي ..والله..
كالتلي خاف تكتلني بالليل..
مصطفى...هههه..بصوت عالي..
ابو احمد..
خير ان شاء الله ضحكوني وياكم...
مصطفى ..لايابة ..لا ..احمد صاير عندة سوالف ضحك..
عوفونا من السوالف..
يلة اكلو..
رباب..صبيلي من هذا البرياني..
نطت نوال ..هذا اني مسويته..
رباب..
هذاك انتي مسويتة هذا المقلوب سهى سوتة..
نوال... مو مسوين بس هي عيارة عمود يكولون نادرة..
سهى..
عيني نوال.. عمي ذاك اليوم من جاني هو ومصطفى والبنات..
حبو البرياني مسويتة ..وعجبهم..
واني كلت اسوي عمود عمي لان يحب التمن واكفة حبايتة..
بس الظاهر بس احمد يحب هيج تمن من ايدج ..
رباب ...
اي والله..وكال صبولي من تمن نوال..
صدك ابو فهد ..سبع عافيات عيني..
سهى..ظليت اباوع بعين احمد واكلة يلة استلم عليك بالعافية..
اما البرياني سويتة ..فقد تم النسف..
صبلي عمي بالماعون اكلت شوي ..قطعلي دجاج..
استحيت ورجعت لعبت نفسي..
ترخصت وكمت..
بعدك مماكلة شي..
لج عمو كعدي كملي اكلج..
لا عمو تسلم معدتي مو تمام..
كبل للحمام..
هاي شبية اني.. حتة مااكلت شي عموداكول تخربطت معدتي..
غسلت وجهي ..
وظليت شوي..
اجتي رباب..
سهى.. هااا حبي بيج شي..
سمعت رباب..
فتحت الباب..
كتلهة لا مابية شي بس تعبانة حيل رباب..
كليلة لااحمد ورا ميخلص..
اني رح اصعد ..لان ضغطي هابط..
رباب... رح اروح اصيحة..
لا خطية خلي يكمل اكلة..
رباب..لج يااكل خطية شوي ويصف بصفج..احسة ياكل من لاجارة..
روحي يلا ..روحي كملي غداج..
رباب..الحمدلله تم النسف..
يخبل اكلج حبي..
عافيات..
يلا من رخصتج..
اصعد..
احمد..راحت سهى ومرجعت ..خفت لابيهة شي..
هي صارلهة كم يوم ممرتاح وضعها
ردت اكوم استحيت كداماهلي اكوم ..توني دا احجي ابوية دز رباب .
اطمنت..
حمدالله ..جتي من ابوية..
ها.. بابا.. وين سهى..
يابا تكول شوي تعبانة ورح تصعد ترتاح..
احمد..خفت هواي..
بس لانزل سكرهة..
نوال..بيهة سكر...يووو مريضة..
ام احمد..ياعيني بعدهة صغيرة..
احمد عفتهم وصعدت..
فتت ع سهى حاطة ايدهة ع راسهة ومخدات جوا رجلهة..
هاا سهى شبيج..
مابية شي احمد..
دايخة شوي ..
يمكن تعب افلاونزا..
اكلك احمد ..شوكت ترجعني عمتي وخلص مغذيها والادوية فهمت عمي والبنات عليهم ..خليني ارووح..
شبيج سهى.. ضايجة متنحسة ..من اهلي..
ترة هذا هم بيتج..
احمد افهمني ..اني تعبانة..مااحب اكون ثقيلة على احد ..
يعني تريدين بهذا وضعج تروحين للبيت..
مااكدر ..لج هنا خواتي..وياج ..احسن ماوحدج..
احمد..
انت ليش هيج متونس..
متونس..
اي حاستك متونس..عليه اني ونوال والنكرة مالتنا..
بس اني ممرتاحة..
مااريد اني الوتر تلعب على نوال بي..
احمد..شبيج سهى..شو تغير مزاجج. فجاة..شنو نوال..شنو وتر..ثنينكم زوجاتي..وانتو الثنين لازم تتعلمون ع خلقة بعض..
نتعلم سهلة..واحنة كل وحدة بيتهة..
مو جايبني..تغور نوال بيه..
والعكس..
تؤة انتي ضوجتيني كل شوي ومسوية روحج ضايجة علة نوال..
سهى..هاي ضرتج..
يعني انتي تريديني اروحلها..
شفت..انت تفهم الموضوع هيج لو اني لو هي..لازم تحرك اعصابنا..
تقربلي..
تغااارين..
سهى...هواااية اغار..افور غيرة..
يمة ولامبين عليج..
شون يعني يبين...
مكاعده دخنين....
هههه..يمة فديت الضحكة..
سهى شو كوم خل اغسل وجهي..
شبيج محترة وبردانة..
هي كومة ..ووكعت وراهة..
مااحس فجاة لف راسي ووكعت ..
احمد تخبلت..هاي شبيهة بس لا من ورا السكر..
أنت تقرأ
زوجتي سيئة السمعة
Romanceمعاناة الزوجة الثانية وتناقش موضوع هل الزواج الثاني زواج اشباع للغريزة او زواج استمرار متعة المتابعة ان شاء الله
