زوجتي سيئة السمعة

البارت 19

احمد..ظليت اباوع ع سيارة الاسعاف وهي تحمل اغلى مااملك..
وبدل مااكون وياها ياسر جان ملامحة ملامح خوف..معقولة ممصدك ..سهى سوي بية هيج..
وال اكثر ضوجني..عمري مماد ايدي ع بنية..
شجاني وهيج سويت..
رجعت للبيت وحالتي مكسورة..لكيت الكل كاعد وبعقلة الف حسبة محجيت ويا احد صعدت فوك..شفت نوال مجطولة بفراشها وهم مو نايمة..فتت للحمام.. وفتحت المي ع راسي..
ظلت صور تعبر كدامي..
عيون سهى حضنهاحبها مداراتها كل هذا تمثيل..جكد الواحد يكدر يمثل عالناس..كل هذا الوقت..
نسيت هسة شصار بيهة..كتلتهة كتلت..موت..وابني راح..اكيد..
الله يلعني جكد غبي اني..شون محسيت شون..
لا مااصدك هي سوي بية هيج شفت بعيونهة الحب..
هي كالتلي..اريد احجيلك معقول..جانت تريد تحجيلي عالطلاق..
وسط هاي الافكار صفت سيارة شرطة بابنا..
عرفت جايين ياخذوني..
بس ماتمنيت لعائلتي يشوفوني..
سحبوني من الباب..
كل بالي سهى بلغت عني..
وصلنا مركز  الشرطة واني احس نار بكلبي متطفى شفت ياسر كدامي مكلبج كلت صدك..محطولي كلبجات..
ظليت ساكت..لحد مكال الظابط ..هو هذا زوج الدكتورة..
السلام عليكم..حضرتك زوج المجني عليها..
نعم.. اني زوجها..
سيد احمد..زوجتك قدمت بلاغ قبل ٣اسابيع..عالمدعو ياسر صادق امين..
بتهمة الاعتداء والتهديد..
ياسر ..هو الي ضربها مو اني..
اني نقلتها للمستشفى جان ماتت من ورا..لناقص..
لحظة ..لحظة..
زوجتي قدمت بلاغ الكم..
اي ..نعم..وقدمت تسجيلات للمتهم يهددهة بقتلك...
وهي تعاونت ويانا..
عمود نلقي القبض علي..
هنا حسيت الدنيا كلها افترت بية ..وحسيت بالي سويتة ..واني دزيت حبيبتي ..لنهايتها..
ضربت ع راسي..وكعدت..استاذنت من الظابط..اكعد..
سمعني التسجيلات..واحس نار بت داخلي...واني جذبت روحي..
عرفت سهى ..مسويها بية...شون اني صدكت شون مسمعتها...
محسيت روحي الا وخانك ياسر..
لك ياكلب ..انت تهدد مرتي.. ولك حقيرررر.ياكلب..اليوم نهايتك ع ايدي..
وهو يكلي...انت كتلتها ولك..والك عين عفتها غرقانة بدمها وتلاحكتلها..

لك انت الي متستحقها..هي عافت ابنهة لخاطرك ياناقص..
سكتونة..اثنينة واني مااعرف شون سويت مصيبة..واني اتخيلها وهي بين ايدي تتوسل..واني مو حاس..بيها..وورادت تموت وعوفتها وطلعت..
اخرها..قرر الظابط..
يوقف المتهم ياسر صادق امين ع ذمة التحقيق لحين اخذ اقوال المجني عليها..وع اساسها توجه التهم وتتحول لقاضي التحقيق..
جبتو اقوال المجني عليها..
سيدي المجني عليها بغرفة العمليات..
وكفت..
سيدي اسمحلي ..اروح..
تكدر تروح ماكو تهمة عليك..
لازم تكون موجود.اثناء التحقيق..
زوجتك مرة شجاعة الله يكومها الك بالسلامة...
نسيت اهلي ..وخوفهم عليه..اخذت السويج من مصطفى وركض للمستشفى..وطول الطريق..ظليت الوم بروحي..واني اتخايلها كدامي..
واني ااذيها..وصورة ثانية..
احمد انت مو زوجتني انت وهبتني حياة..
اني احبك حيل..
ياربي ليش ياربي ..الله ياخذني..الله يكسر ...ايدي..ولج حبيبة ..وج عمري انتي..اسف ياعمري اسف ..اسف اني ..والله من حبي والله  من قهري..
وصلت للمستشفى
...
جان د.مهدي واكف ينتظر..
سالتة ع حالتها..
اسف..
مهندس احمد..زوجتك اجهضت وديسوون اللازم..
بس هي نزفت هواي..وعدهة كسور متفرقة بالجسم والاضلاع..
والله هاي البنية متستاهل ظيم الدنيا كلة ع راسها صار..
دك تلفون..د.مهدي..
هااا... علي...
بعدهة بالعمليات..
مااعرف..نقلولهة دم..بس صاير عدهة نزف..
خ.نشوف..تطلع والله يسهل..واذا استوجب نسفرهة..
احمد:اسم د.علي..
مو غريب علية..
ماشي...علي..باقي ع تواصل وياك...
الله وياك..
سدة واجة كعد يمي..
اهدي ابني..هذا امر الله..
انت تعرف..سهى ظلت مزوجة اخوية سنتين ..صوتها مسمعنا..
جانت درة مال الله..
ربي يراف بحالهة ..ويطلعهة بالسلامة..
ظليت صافن بوجههة واني صدكت حجي العالم ع مرتي..
واني المغفل الوحيد الي ميعرف عن زوجتة شي..
اه ..ياسهى ..وبدا...وتي يعلى كلة مني ...كلة مني ولج حبيبتي سهى سامحيني..
وج ياعمري انتي سامحيني..
د.مهدي...وناس كاعدة ظلت تباوع علية واليفوت يكول هذا شبي ..مرتة بالعمليات..
لاخطية..
د.مهدي..شد حيلك احمد يمعود..شدسوي..
محد..يعرف النار..
الي بداخلي..
شوي وطلع الدكتور..
رحنالة..
وين زوج المريضة..
هياتني ...
دكتور..
زوجتك متعرضة لااعتداء عنيف ..وصار عدهة نزيف حاد درنالهة دم..بس رح نظطر نزل الجنين حرصا ع سلامة المريضة واحتمال استئصال للرحم لان متاذي..
سندت ايدي ...ع جتف دكتور مهدي..
لاتكولها دكتور..
لازم توقع..والا رح نخسر المريضة..
لا..لا..دكتور اهم شي هي عندي..
طلعوهة سالمة..
وبس مااريد شي..
سندني ..د.مهدي..تعال اكعد..
طلعت تستحق..اختيارها ..سهى جانت تحجي بيك..
الله يكومها الك بالسلامة..
تمنيت يوكف..وميحجي..بعد..ويحسسني جكد حقير..اني ..شوي..وطلع الطبيب..هااا بشر دكتور هز راسة..الدكتور وهو يحجي..ويا د.مهدي..
واني احس الدنيا كلها طبكت علية
لايربي ...لا.. لاتخسرني حياتي..
لا ياربي..
احمد..شبيك يمعود ..مو وكتك..
توكع..
د.مهدي..
اريد الكلمة تطلع مطلعت مني..
دكتور..شفتهم طلعو سهى كدامي..عاااايشة..اي عايشة..
رح ينقلوهة للعناية المشددة ..
سهى خسرت هواي دم.. ودخلت للاسف بغيبوبة..
الله يكون بعونك..
احمد..ظليت ابجي والناس تصبر بية والله يكومها بالسلامة يمعود محد يعرف مصيبتي..اني دفنت فرحتي باايدي..
اه.. مني..
ظليت اباوع ع نور عيني وهم يربطوهة بالاجهزة وجسمها كلة ملفلف من الكسور..بس وجههة شوي طالع..
وكلة ازرق...قربت عليها...
وحطيت راسي بين حضنها..
سهى..وج سهى حبيبتي..
دخيلج..ياسهى ..لاتعوفيني..
لاتعوفيني..اني احمد حبيبج سامحيني..سامحيني حبيبتي..ريت تتكسر ايدي ..اني وصلتج هنا..
اه.. مني وظليت اضرب..باايدي..بالحياطين..
ريتهة انكسرت ياربي ريتهة انكسرت..
ظلو يهدون بية وطلعوني..حسيت اني نايم بالمستشفى ضغطي صاعد ومنهار..
وضاربيني ابر مهدئة وامي فوكاية تبجي وابوية كاعد ع صفحة..
ومصطفى اخوية رايح ..جاي..
كمت فاز..
سهى سهى..
ا
دا اكوم..
وانتبهت للمغذي معلكي..
دير بالك يمة..
دير بالك..سهى بخير..
لا يمة مو بخير...
يمة كلة منج يمة كلة منج..انتي خليتيني هيج..
خليتيني اعوف سهى عمود نوال..عمود اخوج..يرضى..عمود حياتكم..انتو..الله يسامحكم..الله يسامحكم..هدمتو حياتي واني هدمت حياتها..ريتني ماوصلتها ولاشفتها..ليتني متت...
وظلو يبجون علية وعلى حالي..
ظليت يومين..وطلعت..
وسهى ظلت فاقدة الوعي ومصحت من الغيبوبة..
واني كعدت بيتنا اني وسهى ولزمت مصلاية وقران ادعي تكوم بالسلامة..
يارب تكوم بالسلامة مااريد شي..
بس اشوفها كدامي سالمة..مااريد كل شي..ورا عشر ايام خابروني..
وكالولي سهى صحت..
ورحت ركض للمستشفى..وصلت غرفتها..جانو الشرطة بابها خففت خطواتي واذكرت اني السبب هسة يسالوهة سهى..اني السبب..بس مو مهم..المهم كامت بالسلامة وكفت بالباب والدكتور ديفحصها..
سهى..دتشوفين ايدي..
انتبهت باوعتلي بنظرة حزن نظرة عتب...
ردت بصوت خافت ...
الظابط..بنتي تعرفين منو ضربج..
منو تعرضلج بالضرب...
مااذكر..
ياسر ابن خالتج هو الي ضربج..تذكرين..
لا ..لا..ياسر هو خبر الاسعاف..
ونقلني..وراها مااذكر شصار..ماااذكر..ونزلت دموعها..
الدكتور ترخص من الظابط..
المريضة بعدها بحالة خطرة والاهم بعدها بوضع الصدمة ..لهذا خل نعوفها ترتاح..ورح ننقلها لغرفة ثانية ان شاءالله تجاوزت مرحلة الخطر..
احمد عفت الهوسة واتقربت الهة ..سهى..سهى حبيبتي..حمدالله ع سلامتك..
سهى..منو انت..
مااعرفك ..
احمد تراجعت خطوات..انتبهت للدكتور اخذني ع صفحة..صير بهيج حالة فقدان ذاكرة وقتي..بسبب الضرر الي صار بالدماغ..من اثر...الضربة براسها..
للقصة بقية..شاركوني ارائكم..وتعليقاتكم..
💮💮💮💮
ولاتنسون تصوتون بكثافة عالبارت فضلا وليس امرا..