سهى..ورا الحادثة حسيت هواي اشياء بية تغيرت ..رغم كل الظرووف السابقة ..جانت اسوا..عشت ضرووف صعبة وتاذيت..
بس محسيت انو اثرت على حياتي..
مخليتهة تاثر علية وبديت بداية جديدة وكملت حياتي..
بس هذي المرة مااعرف حاسة روحي ماتت..سهى انتهت لحظة مااحمد خلاني غركانة بدمي.. ومفكر حتى يمد ايد المساعدة الي..
يمكن لان جنت طيبة اكثر من اللازم..وتنازلت عن حقوقي ..ومفكرت يجي يوم ويصير بية هيج..
يمكن لان احمد هو الشخص الوحيد الي حسيت اني حبيتة صدك..
حسيت كرامتي انهانت..على الرغم من انو الملف جان اعتداء وتايد البلاغ الى مجهول..
بس الناس متبطل تحجي..
اكيد زوجهة لزم عليهة لزمة وكتلهة..
واكيد ..
واكيد..
كل الناس تعرف..انو زوجي هو الي سببلي هذا الاذى..
بس محد قدمة للمحاكمة..
ولاتحاسبة ع افعالة بالنهاية اني روح جان ممكن اموت..وجان ممكن اخسر ..افضل احساس داخلي اكون ام لطفل..
جان افضل حل عمود استرد كرامتي هو رفع دعوى الطلاق..
طبعا احمد رفض يطلقني..ومحاكم الطلاق بالعراق ..الة فرة طويلة ..
وكل جلسة تتاجل ومن سوء حضي تصادف ويا الشهرية وتاجل..مااعرف شنو الهة علاقة..بس هيج الاجراات..
ورا الحادثة صارت عندي ندبة بجبيني..
مع انو د.تجميلية كالي اشيلهة الج..بس اني مقبلت ردت تبقى اثر..اذكر بي الي صار..
ورا ذاك اليوم بيت مصطفى تعاركنا اني واحمد..
احمد..تحلمين اطلكج ..لو تموتين متشوفين الطلاق بعينج .
ورا يومين رحت للبيت اخذ اغراضي..جان كاعد..فتت..للبيت صعدت..
سهى..تعالي رجعي ..البيت محلو بلياج..دخيلج سامحيني..
غلطة متتكرر..
احمد... الحجي بينة انتهى ..دا انتظر المحكمة وبس..
رووحي ..عساج مرديتي..
ظلينا هيج فترة صد ورد..حتى في مرات حسيت روحي مشتاقة الة وخلص سلمت..
وارجع اذكر ذيج الحادثة وارجع..
هواي اشياء غيرتها بية..عمود بس ..اكرهة بية ويطلكني..لونت شعري احمر ناري..
مجنت البس قصير..كمت البس..
شقة وضحك ويا المراجعين ..حسيت اني مخسرت بس ابني بذيج الليلة خسرت روحي ونفسي القديمة..ماتت سهى الطيبة النقية ..هذا كلة بس عمود يشوفني وحدة مو زينة..ويظطر يطلكني...مرت ايام واني هذا نظامي...لحد ماجرني وكالي...
شدسوين انتي..شدسوين بروحج..
انتي منو ..
سهى:اني زوجتك..الي سمعتها ع كل لسان..
الي قررت بلحظة تهور تنهي حياتها..
وانت كدرت تكتلني ..كدرت تمسح كل حسنة بحياتي..
طول عمري حافظة نفسي عمري مااهتميت للعالم لان اعرف اني شنو حجو ولا محجو ..رح اظل اني سهى..
بس لمن وصلت الك ..خلص استسلمت..وصرت سهى سيئة السمعة..
شتريد اكثر بعد..مني..وانت خسرتني روحي..
احمد:بس انتي شما سويتي ..رح تبقين بعيني سهى المرة الي حبيتهة..واحترمها..الانسانة الي احتوتني..واتمنة قربها..
سهى ..تقرب علية خطوات..وحط ايدة ع خدي..
هربت..
طلعت وعفتة..
وحسيت جكد متوجعة وقررت ارجع سهى ..مااغير بروحي..شي..
اني وياسر ..مو تصالحنا..بس قررنا نسوي الشي الاصلح الابنة..ياسر رجع للمصح..وكمل علاجة..
وظلينا نتواصل ..والاهم يامن..عندة واحد من اهلة ويا.. خصوصا انو خالتي تعبت بالفترة الاخيرة..ماعاد بيهة حيل متابعة..
ياسر يومية يخليني احجي ويا ..ويطمئن عن اخباري..
سبحان الله الدنيا جكد تفتر وجكد تغير الناس السي يتحول لزين..والزين يتحول لسيئ..
دنيا غريبة..
والاغرب المشاعر بداخلنا الي تنكلب بين يوم وليلة لما ياسر يجي بذيج الليلة جان ممكن اكون بعداد الاموات..هذا اكثر شي مقهورة بي علي نفسي...مرت ٣اشهر..على هاي الحادثة..ولحد هاي الليلة تجيني كوابيس بسببهة ..
واكعد ابجي ..كاني تعرضتلها مرة ثانية..
احمد..الي كان الشي الوحيد اليفرحني..اصبح اسوا كوابيسي..
🍁🍁🍁🍁
احمد....
ورا ذيج الحادثة المشوومة حياتي كلهة انكلبت راسا على عقب تركت بيت اهلي وظليت ساكن بيتنا..اني وسهى..
وامر كل مااكدر ..نوال كالعادة زعلانة بيت اهلها ..فهد ابني باقي..بيت...اهلي..
امي داري..
وبيوم من الايام دكو علية بالليل..
فهد متخربط ومصخن..وهذا الشي..ملازم يصير لان الطبيب حذرنا ميصخن لعمر ٥سنين..
نقلتا للمستشفى..ورؤيا خطية وياي..جان يووم سبت..ماكو ..احد من الاطباء بس المقيمين..
بسرعة جتي بالي سهى ..ركضت عليهة..
دكيت بابهة..
طلعتلي برود..
احمد ..شتريد..مني..مو كافي فضايح..
دنيا ليل وصوتك واصل لسابع جار..
سهى..فهد..
وكوة اجر النفس..
سهى اول مسمعت صوت فهد ..كلبي كام يوجعني..
شبي فهد احمد احجي..
فهد متخربط..
فدوة سهى ساعديني..
حاضر ...حاضر..
دقيقة..
دكتورة سهى صخونتة عالية مدا تنزل..
جان يبجي ويصرخ ..
جنا بشهر ال١٢ والجو بارد ثلج..
نزعو ملابسة..
شنو ..
دا اكللكم نزعو ملابسة..
حطيتة بحضني وكعدنا نص المي..
واني اهديبي..بي..يلا حبيبي..خلص..رح يروح الوجع..
فهد..من اليوم..الي ابني تبرع بقلبة الة..وحاستة مو مثل ابني لا هو ابني..
واحساس الامومة داخلي ..مو شي باايدي..
طلعت واني منكعة ملابسي..
خلص احمد..فهد نزلت حرارتة ..
ماحسيت الا وهو حاضني..
جكد مشتاقة لحضنتة..
بس بداخلي مكسور..
مو باايدي..
مااكدر انسى الي صار بية..
وراها لزمتني فلاونزا قوية ..وامشي واكحكح...
وراها زاد تمسك احمد بية..
وبكل جلسة يكرر نفس الحجي..
اني رايدهة زوجتي ...ومااريد اطلكها..
وتتاجل الجلسة ..لان المفروض يخلون حكم من الطرفين يسعى للاصلاح واذا ماكو لازم.تتحول لباحثة اجتماعية ..محامي احمد كلش شاطر وذكي..
ومحامي مالتي مطفي..
اضافة لذلك..القاضي من عرف مطلقة مرتين قبل كام يجرجر اكثر..
بيوم خابرني ياسر وخبرني بوفاة خالتي..ثاني يوم طيت خبر مسوولي..وسافرت لاانقرة ..بيوم الجلسة..
لمن عرف احمد بسفري لاانقرة صار عصبي..
وزاد عصبيتة مقدمة اجازة شهر..
لهذا المحامي قرر يسوي اجراء قانوني ويستغل غيابي..
وفهاوة المحامي مالتي..
رفع علية دعوة بيت الطاعة وبسبب الاجراات والتوتر..وياسر بعدة مو متشافي تماما..لازم احد..دير بالة ع يامن..
ظليت بين نارين لااكدر اخذة وارجع بي ولااكدر ابقى..
ظليت٢٨ يوم..وقنعت..ياسر...يبقي يم عمتة ..هي هم اقاربنا..وتعزني لحد مااكمل الهوسة الي بغداد..
ومن رجعت لكيت قرار المحكمة ساري..
وع اساس رح ينطي الحكم ..بس لمن سمع خبر وفاة خالتي عرف عندي عذر..
اما احمد فكل مرة يخذلني اكثر من مرة ..
طبعا الامتثال لبيت الطاعة بي شروط..
لازم الزوج يوفر سكن مستقل للزوجة وبيها متطلبات الاساسيةحسب حالة الزوج..
وكلها متوفرة بااحمد..وكدام القاضي هو انسان الناس تشهدلة بااخلاقة واسلوبة..
بالمقابل لازم الزوجة تحسن معاملة زوجها وتنطي حقوقالزوجية..والتمتع بااخلاق ممتازة..ومتسافر الا بااذن زوجها ومتطلع من دار الزوجية..الا بااذن زوجهة وهذا كلة ممسويتة اني وسمعتي عالحجي اللبس سيئة.. الزوجة الها حق تعترض خلال ٣٠ يوم..
واذا عدت المدة وانمنعت منة وماكملت الشروط تعتبر ناشز وهاي الها اجرااات ..
يعني ممكن اظل سنتين مااخذ حكم قاطع بالانفصال..
ساعتها حيل كرهتة وكرهت تصرفة..
يعني رح اظل متقيدة الا اذا قرر هو يطلكني باارادتة..
ضوجني اكثر لمن اجة عزاني..
وراد يعتذر مني..
بس صديت عنة وقررت اقطع كل صلاتي ويا خل يفهم مو اني يلوي ذراعي ..حتة لو ظليت سنتين بلا زواج..
اصلا مالي نفس ازوج بعد..خلال هاي الفترة طلعلي ايفاد تركية فرحت فرصة اشوف ابني واطمن علي..
واحمد ميكدر ..يعترض.. لان هذا شغل..
ومرح ينطي بروحة زلة كدام القانون..
المفاجاة انو هو وياي بنفس الايفاد اسمه..
للقصة بقية..
شاركونا ارائكم..
ولاتنسون تصوتون عالبارت فضلا وليس امرا
#نازك الملائكه
أنت تقرأ
زوجتي سيئة السمعة
Romanceمعاناة الزوجة الثانية وتناقش موضوع هل الزواج الثاني زواج اشباع للغريزة او زواج استمرار متعة المتابعة ان شاء الله
