بارت 9
جاوب جاسر.. لاغسق كولشي ممحتاج ارتاحي انتي
غسق كالت هاي الفلوس انطونياهه النسوان ..
كتلهه اي شفتهن
غسق كالت ..اخذهن عمووو اني مااحتاجهن
جاسر بس هذني افلوسج
غسق شنو اسوي بيهن ممحتاجتهن كولشي عندي ..اخذهن اخاف تحتاجهن انت..
جاسر ظليت صافن شنوو هاي بدون مااطلب انطتني صدك لو كالو زعطوطه..
جاسر كتلها لا مااريد مشكوره
صار الليل رحت الريومتي بقيت يمهه ساعتين وانطيتهه افلوس ..
ريم جاسر هالايام مقصر وياي مصرفي مو مثل قبل وجياتك قليله ..واذا تجي اشويه وتروح وين الكعدات وين الشرب وين الرقص..
جاسر ..رومه حبي صبري عليه بس هاي الفتره علما اتروح ام غسق
ريم مااصبر بعد دقيقه من هسه اتروح وتعزل افراشك عن افراشهه متنام بعد يمهه بالغرفه.. وترجع كل يوم للبيت ب٤الفجر وتدخل من باب الشقه الخارجي..
جاسر بصراحه ريم ظوجتني بهالقرار هذا ..كتلها امري حبي يجرالج بس عدي هالكم يوووم ..
وصلت البيت اهلي ..
شفت غسق جانت حاضنه امهه وتبجي وامي واختي يبجون وياهه..
اللي افتهمته باجر راح اتسافر ام غسق.. وغسق مشتغلتها مناحه..
سلمت عليهم وصعدت فوك للشقه ..طبعا الشقه جان بيهه بابين باب داخلي من البيت وباب خارجي من حديقه البيت واصعد ع الدرج وللشقه..
وراي بساعه تقريبا صعدت غسق..
جاسر شفت اعيونهه حمر من البجي..
جاسر تحبين اصيح امج اتنام يمج الليله
غسق اي والله فدوه عموو بس الليله خل انام بحظن امي..
جاسر راح اتصل عليها ...
جاسر اتصل ع خالته ام غسق واجت نامت لليله الاخيره يم امها.. واني نمت بالغرفه الثانيه
كعدنا الصبح نزلنا جوه واتريگنا وودعنا خاله ام غسق طبعا غسق مستمره بالبجي ..
ام غسق يمه ماوصيك غسق امانه الله وامانتك
جاسر خاله ان شالله احطهه بعيوني
ام غسق عمك جاسم الله يرحمه ..جان يمدح بيك ويكول ياما شلته ولعبته.. وجان يگول اشوكت غسق تكبر ..وتاخذ ابن عمهه جاسر ..
جاسر الله يرحم عمي وجدي وكل شهد المحد امواتنا..
بصراحه ضجت من كلام ام غسق صدك عمو جاسر ياما خلاني ع ظهره ياما طلعني وياه ياما لعبني..
جاسر خاله ان شالله فتره واجيب غسق يمكم..
غسق باوعت عليه صدك ..رادت ادكول عمو بس انتبهت لوجود اهلي
جاسر ان شالله شهر وانروح انزور امج
غسق من الفرحه حظنتني ..كدام امهه وامهه ظلت تضحك عليها..
سافرت ام غسق ..اخذت غسق وصعدت فوك
كتلهه.. غسق اني راح انام بالغرفه الثانيه لان مااعرف انام بغرفه مشتركه وي احد.. اني بطبعي نومي مزعج وعبث ..
غسق ع راحتك مثلما تحب..
بمرور الايام اتكررت روحاتي الريم… وابقى لليل يالله ارجع.. واني وغسق كل واحد بمكان..
نوبات نكعد سوه ع التلفزيون ..البيت ع ايدهه مرتب ونظيف ماتعرف تتطبخ اتخابر ع امهه وامهه اتعلمهه بس النتيجه مرضيه ..نفسهه طيب بالاكل ..
عدهه تصرفات اهواي طفوليه تلبس اتراكات ظيقه ودلعه تلعب رياضه وحبل علمود لا تسمن ..تحب اتسوي شعرهه كل يوم شكل مرات ذيل حصان ومرات ظفاير اثنين ومرات ظفيره جانبيه ومرات اتفتحه ولو فتحته تتطلع اتخبل ..نوبات تبجي بحرقه علمود امهه ونوبات تضحك من كل قلبهه..
&
&
&
#رواية_بيت_الطاعه😻🦋
