بارت 25
جاسر ..بهدوء لزمهه من ايدهه واخذهه وكعدهه ع السرير...وسألها.. لعد ليش ماتردين مني طفل
غسق بقت ساكته
جاسر اكيد امج كالتلج اخذي حبوب وسوي وياه مشاكل حتى يطلكج وترجعين الي وتتزوجين الدكتور اقاربي..
غسق كتلك ماما مالها علاقه..
جاسر انَـỲǑŲـْتي بيوم من الايام بكيتي علمود اطفاال تتذكرين من عرفتي سعاد حامل اشلون انقهرتي..
غسق… لان جنت بوقتهه احّ ـّـٌٍ❣ـٍّبّكَ وفرحانه بيك وبحياتي وياك ..ماجنت متوقعتك متحبني وتلعب بمشاعري ..
جاسر ..اني مالعبت بمشاعرج اجمل احساس عشته وياج.. اني اتغيرت علمودج برائتج قتلت الشيطان اللي بداخلي..
غسق… دخلت وي ريم بمؤامره حتى تاخذ،املاكي
جاسر ..غسق اني مااخذت منج شي ..املاكج مثلما هي وحتى ذهبج اخذته ورجعته.. ع الرغم من اصرارج عليه..
غسق انت اخذت كولشي حلو بحياتي ..انت دمرتني دمرت الثقه اللي بداخلي.. ظليت ابد مااثق ابشر..
بقت غسق تبجي.. اذا مرتبط ومتزوج ليش اتزوجتني وكسرتني ..ليش مابقيت ع زوجتك..
جاسر ..عمري مااعتبرتهه زوجتي.. يمكن انسانه كنت اتمتع وياهه..
غسق ليالي جنت اتعوفني الوحدي واني عروس وانت تقضيهن يمهه وادكول مامعتبرهه زوجتي..
جاسر غسق احساس الحب ماعشته الا وياج.. صحيح اني بزواجنا متقربت منج بس مره وحده.. بس بزعلج عشت ليالي ع هاي الذكرى.. انام واكعد وهي وياي
ابد ماراحت من بالي ..وكلشي يخصج افكر بيه طولج ومشيتج وضحكتج وابتسامتج وخجلج ..رجفتج وانتي ابين ايديه ..طيبتج ورقتج وخوفج عليه ..
تعرفين غسق؟؟.. من اتمرضت وسهرتي وياي صدكي هاي اول مره احد يسهر وياي ويداريني ويخاف عليه..
وياج عرفت شنو معنى الزوجه والزواج…
الزوجه اللي تسهر ع راحة زوجهه وتضحي براحتهه من اجله هذا الاحساس ماحسيته وي ريم
ريم جانت اتحب افلوسي اكثر مني حياتها وياي كوله جيب جيب وماتنطي شي الا بمقابل.. صدكيني اني تركتهه من قبل لا اتقربلج ردت ابدي وياج بدايه نظيفه.. مابيهه غش وخداع..
جاسر لزم ايد غسق
غسق سحبت ايدهه من جاسر
جاسر هذا الحجي كوله الحجيته.. وبعدج ممصدكتني..
غسق اي ممصدكتك لان ماعندي ثقه بيك ..كتلك الثقه اللي بداخلي ماتت وظليت مااحس وياك بأمان..
جاسر وكف سمعيني غسق ربي يشهد عليه انو كل كلمه حجيتهه من گلب گلبي طلعت ..وماعندي اي غش وياج.. ولان اساس اي علاقه هي الثقه .فآني راح ابتعد عنج ..واوعدج ماراح اتقربلج وراح انعيش مثل اي غريبين ☟تٌَحَـتْ☟ سقف واحد
طلع جاسر من الغرفه ..ومرت الايام ابينهم بثقل جاسر لا ياكل ولا يشرب بالبيت يجي وقت النوم ..غسق اتندمت ع الكلام اللي كالته الجاسر هي اتحب جاسر مووت واهمال جاسر الها كسر كبريائهه مرات يلتقون يم الحمام… جاسر يدنك راسه ويدخل الغرفته.. حتى ملابسه ياخذهن وياه بعلاكه للبخار ..ولا يخلي غسق تلمس اي حاجه اله ..
غسق بدت اتحوص اشلون ياربي الحگران يگطع المصران واني ومصراني اتگطعنه من تجاهل جاسر قررت تلبس برمودات ضيقه ودشاديش قصيره وجاسر مثلما هو ..مايحرك ساكن يجي ويفوت للغرفه..
مابقى اظفر بيدهه مااكلته من گد التفكير مرت ١٦ يوم وجاسر جاي يزيد ماينقص ..
غسق قررت تستخدم كيد النسا وي جاسر.. ورتبت الها خطه محكمه ..ع كولت المصريين (ماتخرش الميه)
وبالليل لبست روب ابيض قصير ورتبت الغرفه وفرشت فرشه ع الجربايه مالتها ورشت عطر بكل مكان وخلت مكياج خفيف.. وانتظرت جاسر يجي..
صارت الساعه ب١٢بالليل وجاسر ماكوو.. وربع.. ونص واخيرا وصل جاسر طبعا الانتظار صعب ع غسق
دخل جاسر الغرفته وغسق تسمع من وره الباب وتحجي وي نفسهه اكيد هسه نزع ملابسه ولبس اتراك ..اكيد هسه راح للحمام ..وطلع من الحمام.. يمكن هسه اتمدد ع السرير.. خل انطيه بعد ٥دقايق..
غسق وكفت ع المرايه ورتبت نفسهه ورشت عطر للمره العاشره وفتحت شعرهه ورجعت صعدت ع الجربايه وظلت تصرخ.. جاسر الحكني جاسرررررر الحكني…
جاسر طفر من مكانه ودفع الباب ودخل ع غسق
غسق اشبيج احجي..
غسق بقت تصرخ وتبجي بدون دموع الحكني جاسر ..وواكفه ع الجربايه وتكمز..
جاسر كافي لا اطفرين كولي اشبيج
غسق… فاره بالغرفه
جاسر سالها بتعجب ..فاره
غسق لا مو فاره ..فارتين وحده اجت منا ووحده راحت منا..
جاسر وين بالظبط
غسق جوه المرايه.. راح جاسر يبحث وكلشي مالگه
جاسر /ماكو يتهيألج
غسق ظلت تبجي وتصرخ اني شفتهه بعيني ليش متصدكني..
جاسر كافي لاتبجين هسه ادور بعد
ورااجع جاسر ايدور ومالگه .. همين شي
غسق اكيد لبدت بمكان بالغرفه.. وراحت غسق وحظنت جاسر.. اكيد راح تتطلعلي من تروح..
جاسر ..جاي اكولج ماكو..
غسق بقت حاظنه جاسر فدوه لاتعوفني جاسر اما تاخذني يمك او تنام يمي والافضل اتنام يمي لان ماعرف انام بره غرفتي..
جاسر اوكي رجعي نامي.. ع السرير راح اجيب موبايلي واجي
غسق ..ما… اروح وياك اخاف ابقي الوحدي وي الفاره
جاسر والله تسوي فظل لو تاكلج..
غسق يعني الفاره تاكل ..وينج ماما لحگيني
جاسر راح للغرفه جاب مخده وافراش وبطانيه.. وفرشهن بالارض.. وغسق كاعده ع الجربايه
فرش جاسر افراشه بالارض ..وطفى الاناره وانطى الغسق ظهره.. ونام..
طبعا غسق مااستسلمت طفرت من سريرها ودحست روحهه داخل بطانيه جاسر وخلت راسهه بصدره العاري.. جاسر فدوه لاتخليني انام الوحدي اخاف تاكلني الفاره من صدك..
جاسر اتمني تجي هسه الفاره وتاكل هذا اللسان الطويل
غسق وتهون عليك غسق
جاسر ظل ساكت اتقربت غسق اكثر ولصقت بيه وخلت ايديهه وره رقبة جاسر
غسق بدلع ماكتلي اتهون عليك غسق
جاسر صوته انحبس من الاثاره والشهوه.. كملت غسق كلامها ..اتريد الفاره تجي وتعض اللسان غسق وشفايف غسق ..اللي مشتاقه الشفايف جاسرررررر
جاسر ماتحمل مياعه غسق ودلاعته وانوثتهه ونومته شبه عاريه بحظنه ..اخذ شفايفهه بالقبلات وبقى يمتص رحيقهن وايديه لمست كل مكان بجسمهه ..جاسرر والشهوه المكبوته بداخله...مشتاقلج غسق راح اموت من الاشتياق بالڰوه مصبر نفسي..
غسق بداخلها حست بالانتصار ..والراحه بنفس الوقت لان ابتعاد جاسر عنها كان مو تجاهل وكره الها وانما بسبب الوعد اللي قطعه..
عاشت غسق بحظن جاسر اجمل اللحظات غسق متعت جاسر وهو همين متعهه ..
كعدت الصبح غسق فرحانه كولش اتمغطت وهي بالفراش ودارت ع جاسر. ماكان نايم يمهه ..كعدت دورت بالبيت ..عرفت انو طالع ..
رجعت بالغرفه شافت قصاصة ورق ع المرايه من جاسر
اني اسف ع اللي صار بالامس واوعدج هذا الشي مراح يتكرر..
&
&
&
#رواية_بيت_الطاعه😻🦋
