بارت 8
الاب هَـ (⊙﹏⊙) ــاآ بشر ان شالله بيضت وجهنا
جاسر ان شالله
الاب يعني تم كولشي
جاسر نعم وهو يباوع الغسق اللي خلت منشف ع ايدهه وراحت للحمام..
الاب بالعافيه عليك… بالله احجيلي ذوقي اشلونه
جاسر عاشت ايدك ونعم الاختيار..
الاب الله يفرحك ياابني مثلما فرحتني وفرحت جدك وعمك جاسم بگبورهم
جاسر الدعوه الاخير مالت بابا اذتني اشويه ..
طلعت غسق من الحمام ولابسه دشداشه ربع ردن وجوه الركبه رجليهه ايخبلن كعدت ع المرايه دهنت شعرهه بعدين اخذت لوشن لايديهه ورجليهه وبعدين طلعت صندوق بيه ذهب لبست اسوارات ومحابس وكلاده وبعدين طلعت حجل ولبست برجلهه
وبدت اتمشط بشعرهه..
اني طلعت من الغرفه..
بعدين رجعت الها ..غسق ..غسق طبعا فاتحه الشسوار
بالكوه سمعت ..نعم عموو جاسر
اخاف عمو يسألج ..او امج او اي شخص كليلهم كولشي تمام
غسق يعني شراح يسالوني
جاسر ..يعني شنو صار امس وكذا.. كولي كولشي تمام
غسق هزت راسهه
ضحك جاسر وطلع
اول مانزل جاسر جوه اتلكوه النسوان بالهلاهل والهوسات.. وابوه حظنه وباسه
الاب ليش نازل الوحدك اصعد جيب زوجتك
صعدت ..ظربت باب الغرفه .صحت.غسق
غسق نعم عمووو..
جاسر ابوي يريدنا ننزل سوه..
غسق اوكي لحظات واجهز
جاسر ظليت كاعد بالصاله علما طلعت
طلعت لابسه بدي وتنوره وصدرهه بارز لان البدي ضيق
كتلهه اولاد خالي جوه ..ميصير هيج تلبسين كدامهم
كالت لعد شنو البس
كتلهه لبسي شي عريض
رجعت لبست قميص عريض وبنطرون
حسيت بالغيره عليهه ..بعكس ريم ابد ماغرت عليها
يمكن لان ريم انسانه كبيره بالعمر..
قبل لاننزل ع الدرج كتلهه هيجي لزمي ايدي تشابكت اصابعنا حسيت رعشه بجسمي من نعومه ايديهه
مثلما كتلج كولشي ټمـٱمـ
استقبلونا بالهلاهل والهوسات والرقص ..والكل حضن غسق.. والكل يسألهه وهي ادكول الحمدلله وكلشي تمام..
عفتهم وطلعت اني والزلم للديوان الناس تتباركلي واهواي حصلت افلوس وكلهن ظميتهن ابجيبي حتى انطيهن الريم..
شويه وصار العصر تعبت من الخطار ناس تتدخل وناس تتطلع ..دخلت ع غسق للغرفه لكيت عدهه مبلغ بيه ٥٠٠الف ..همين النسوان مفضلات عليها بالواجب..
غسق لابسه دشداشه ومسترخيه ع السرير من شافتني كعدت هَـ (⊙﹏⊙) ــاآ عموو محتاج شي..
&
&
&
#رواية_بيت_الطاعه😻🦋
