بارت 13
المسكينه انطتني ذهبهه بدون ماتسالني وبدون ماتحجي واني ممشتريه الها… ذهبهه من امهه ..
واني راح ارجعه الها.. وزوجتي اللي سنين اني وياهه مايوم قصرت ترفضني وادكلي افلوسي خط احمر..
والله انعل ابوج لابو افلوسج ..
ريم جاسر لا تغلط ولاتقارني بالحماره اللي ابيتك
جاسر رفع ايده وظرب ريم كف صطرهه صطر الحماره انتي وابوج واهلج ياساقطه ياادب سسز ..ترحين فدوه انتي وعشيرتك لنعال بنت عمي ..
ريم تظربني ياساقط يانذل نسيت وكفاتي وياك حسبالك اعوفك بسهوله الا اهجم بيتك واخليك لاطايل سمه ولا ڰاع..
جاسر لزم ريم من شعرهه طلعي بره.. ياتربيه الشوارع
وباجر ادزلج ورقه طلاقج ..انتي طالق طالق طالق
طلعت من الشقه وخابرت ع صاحبهه الاصلي بلغته يطلع ريم من الشقه وانطيته ايجار الشهر الفات وكتله دبرلك مستأجر لان اذا تبقي ريم اني ماادفع ايجار..
ورجعت للبيت حسيت جبال من الهم انزاحت من صدري.. واخيرا كشفت ريم ع حقيقتهه ..وركضت ع الدرج فتحت الباب ودخلت اتوقعت غسق جوه يم اهلي..كلت ابدل ملابسي وانزل وراهه لان البيت مااتحمله بدونها..
سمعت صوت بجي بالغرفه دخلت ع غسق لكيتهه دتبجي ركضت عليها اشبيج غسق.. منو وياج احجي كولي..
غسق مستمره بالبجي..
جاسر معقوله ريم اتصلت بيهه وكالتلهه كولشي ظليت مرعوب..
غسق بقت تبجي
جاسر فدوه لاتبجين مااتحمل دموعج بس اهدي واحجيلي انطيتهه اكلاص ماي شربت ومسحت ادموعهه وبدت تحجي
غسق اليوم اجت اختك سعاد… وبعدين بجت
جاسر معقوله سعاد غثتج بكلمه انزل هسه احجي وياهاا
غسق لزمته من ايده لا مكالت شي سعاد اتحبني.. انت تعرفهه طيبه وعمرهه مااذت واحد بكلمه
جاسر لعد كملي شصار
غسق سعاد اختك حامل
جاسر الحمدلله الف مبروك عليهه تستاهل ..بس انتي ليش تبجين
غسق مو اني همين اريد طفل مثلهه.. اريد احمل مثل سعاد
جاسر هههههههههههههه ضحك من كل گلبه هو هذا الموضوع اللي مظوجج ومخليج تبجين
غسق ليش،تضحك اني ليش مايصير عندي طفل مثل سعاد ..اني اريد احمل بطفل حتى عمو كالي اشوكت تفرحيني بطفل يملي عليه البيت..
جاسر تردين طفل ..
غسق امممممممممم
جاسر حظنهه وهمسلها ولايهمج حبيبتي ان شالله ايصير عدنا طفل عن قريب..
غسق اشلون ايصير عدنه طفل واحنا ممسافرين
جاسر وين انسافر
غسق لازم انسافر حتى نزرع طفل مثل اختك وزوجهه
جاسر هههههههههه ههههههههههه ولج جنت كلش ظايج بس والله بهاي اسوالفج غيرتي المووود مالتي كوله نعله ع ابليسج..
جاسر شوفي حبي زوج سعاد اختي نسبته ظعيفه سافر اخذ،علاجات وابر منشطه صعدت عنده النسبه
اخذو منه حيامن قويه وزرعوهه بسعاد وصار الحمل بس احنا لا طريقتنا اسهل بهواي..
&
&
&
#رواية_بيت_الطاعه😻🦋
