بارت22
لميعه/ اسمع جاسر.. انت اتحب مرتك واتريدهه ودزيت عليها امة لا اله اله الا الله وامها رافضه..
وقافله ع الطلاق..
باجر تتطلع الصبح اتسافر المحافظتهم وتروح المحكمتهم وتوكل محامي.. يرفع دعوه باسمك
جاسر… دعوة شنو..
لميعه/ دعوه ع زوجتك غسق.. اسمهه بيت الطاعه
جاسر متعجب بيت الطاعه
لميعه/ اي بيت الطاعه ماسامع بيه
جاسر سامع بس مداخل بتفاصيل
لميعه/ بعض الاحيان اكو زوجات تتطلب نفقه وتكاليف من الزوج والزوج مايقبل ينطي.. يقيم عليها دعوة مطاوعه ..
جاسر بس غسق ماطلبت نفقه مِڼـّي
لميعه/ وبعض الاحيان اكو زوج يريد زوجته مثل حالتك بس ماتقبل ترجع يقيم عليها دعوة مطاوعه..
جاسر اي كملي.. وصافن بكلام امه
لميعه/ المحكمه تجبرهه ع الرجعه..
جاسر.. واذا ام غسق ماقبلت ترجع بتهه
لميعه مو بكيفهه هذا قرار محكمه وحكم قاضي..
جاسر… نفرض ماقبلت
لميعه القاضي راح يصدر حكم بالنشوز ..
جاسر/ نشوووز ؟؟
لميعه/ اي
جاسر يعني شنو
لميعه /يعني تسقط نفقتهه ومالها اي حق اطالب بشي لا وفوك هذا كله ماتتزوج وتظل مثل البيت الواقف لمدة ٧سنوات..
جاسر طار من الفرح ..الفكره راقت اله اهواي.. وقرر ينفذهه باجر لازم يسافر ويوكل محامي شاطر ..يستلم القضيه.. واني الج ام غسق تردين اتزوجيهه الدكتور
وهي ع ذمتي..
جاسر.. الطاعه الطاعه الا اطلع روحج وروح بنتج بسيطه..
ركب جاسر الصبح سيارته واتوجه للمحافظه مالتهم ووصل للمحكمه ووكل محامي وحجاله كلشي وكاله شغلتك بسيطه.. ولاتخاف واخذ،نص المبلغ والنص الثاني بعد الحكم..
رجع جاسر المحافظته ..وبعد كم يوم اندك باب بيت غسق وبالباب اكو محظر ..وطلب السيده غسق جاسم لازم اتوقع ع الاوراق..
وبالفعل وقعت غسق ع الاوراق.. وبعدما قرت الاوراق انصابت بصدمه..
غسق… تعالي ماما شوفي ..
ام غسق خير بنتي
غسق اقري ماما
ام غسق/الله لاينطيه الكلب الحقير الجبان رافع دعوه عليج يطلبج بيهه البيت الطاعه..
غسق ماما يعني اشلون البيت الطاعه
ام غسق يعني اترجعين وياه للبيت وتصيرين زوجته بالقوه والجبر..
غسق ماما مااريد ارجع اريد ابقى يمج
ام غسق يووووم مراح اترجعين باجر انروح للمحكمه واوكل محامي الج..
صار الصبح غسق راحت للمحكمه هي وامهه والتقو بمحامي شاطر وبلغوه بالدعوه المرفوعه ظدهم
المحامي.. اذا تردين بنتج ماترجع بلازم نطعم بالدعوه
ام غسق اشلون نطعن استاذ
المحامي ..هو جان يظربهه قبل
ام غسق لا
المحامي عنده قصور وياهه من ناحيه المعيشه
ام غسق لا
المحامي البيت اللي طالبهه تكعد بيه ..كامل للمواصفات لو بيت عادي ومابيه مستلزمات الراحه
ام غسق بيتهه كولش حلو
المحامي من هسه اكولج قضيتج خسرانه..
ام غسق لا ع بختك استاذ اشلون خسرانه
المحامي ..اذا الزوج ماعنده اي قصور من ناحيه الزوجه وتوافرت شروط بيت الطاعه راح يكون الحكم للزوج بسرعه…
المحامي يعني هو بهاي الفتره دز ناس للصلح
ام غسق ماخله واحد مادزه كلساع وداز النه ..بس بنتي متريد ترجع..
المحامي اذا ترديني اطعن بالدعوه لازم احجي كلام من يمي
ام غسق يعني اشلون
المحامي اكول جان يظربهه وجان مقصر وياهه من ناحيه المصرف والبيت اللي طالبه بيه للطاعه غير مطابق للمواصفات..
ام غسق… هَـ (⊙﹏⊙) ــاآ والله استاذ اللي اتشوفه بس المهم نكسب القضيه..
محامي غسق طعن بالدعوه ..وقدم الاسباب اللي عنده
ومحامي جاسر قدم ادله عنده وطلب للشهود خال غسق وغسق وامهه وجاسر
حظرو المجموعه كولهم للدعوه وصاحو ع القضيه ودخلت غسق وجاسر ..والقاضي طلب من غسق انو اتحط، ايدهه ع اليمين وتقسم انو تحجي الحق..
غسق خلت ايدهه ع كتاب الله وهي ترجف من اليمين..
وكالت والله اقول الحق..
القاضي.. صحيح كان زوجج المدعو جاسر حسن يظربج ومقصر وياج من ناحيه المعيشه..
غسق لا سيدي.. جاسر عمره ماظربني او قصر من ناحيتي..
القاضي.. والبيت اللي كنتي ساكنه بيه.. يخضع لشروط الاقامه او كان منزل رديء
غسق لا بالعكس جان كولش حلو وبناءه حديث
طلب القاضي من خال غسق الشهاده وبعد الحلف واليمين اكد انو بيت غسق كان بيت جميل وانو جاسر
قايم بواجب زوجته من جميع النواحي..
وللعلم بعدما حظرت ام غسق.. وحلفت ع اليمين بدلت افادتهه
واخيرا القاضي اصدر حكمه
&
&
&
#رواية_بيت_الطاعه😻🦋
