بارت 21
لميعه قابل سالفتك تنظم ياردي ..اللي مثلك يستحي يخجل ولك تتزوج وحده من ورانه وياريت وحده شريفه وحده ساقطه اتبيع روحه ع الفلوس وخذتك ع طمع ..وعلمود ثروتك ابوك.. الرجال جان يكلي ابنج اهواي يصرف وين يودي افلوسه فوك راتبك وتاخذ الزود من ابوك… واني اكوله شاب خليه ليش بخيل عليه.. تالي متالي طلعت متزوج وحده عبالك كاوليه بشعرهه الاصفر ..وتلعب النفس لا خلق ولا اخلاق
جاسر/ يوم كافي ..ملامه.. ام غسق تريد تاخذ غسق مني..
لميعه/ حقهه لو اختك يصير بيهه هيج مااعوفهه يم رجلهه لحظه.. ولك اشلون انطاك كلبك تتفق وي ال…… ع زوجتك ..انت من كل عقلك ..ولك هاي عرضك اشلون تتامر عليها ..لا وتريد تاخذ حلالها..
جاسر… مو كتلج يمه كافي ملامه ..والله باول شهر اتندمت وصدكي كلشي مااخذت منـِْهـ♡̨̐ـِْا.. ولا راح اخذ بس اريدهه ترجعلي..
لميعه/ هسه الحديده حاميه.. اترك ام غسق تبرد نارهه وبعدين نلكالك حل..
جاسر / يوووم اتريد تاخذهه
لميعه/ خلي تاخذهه فتره ترتاح يم اهلها.. وبعدين الها حل..
بقت غسق اربع ايام بالمستشفى بعدين طلعت وسافرت جاسر طبعا ميدري بسفرهم.. لان والدتهه اخذتهه قبل موعد الخروج ..وع مسؤوليتهم ..
مرت الايام وجاسر گلبه مثل النار ع غسق.. حاول يلتقي بابوه ..بس حجي حسن كان رافض يشوفه
واكثر من مره تحجي وياه لميعه وهو ميقبل..
جاسر اوضاعه ادهورت طلعاته من البيت قلت..
وقرر يروح الخواله ويحجي وياهم حتى يرجعوهه اله وبالفعل سافرو خوال جاسر ..البيت جد غسق وام غسق رفضت رجعت بتهه الجاسر وطلبت منهم الطلاق
ورجعت الزلم فشلانه.. وخلال سنه كامله جاسر يدز ع زوجته ناس وساده وامهه الغسق. . قافله ع الطلاق..
حاول جاسر يتصل بيهه اكثر من مره جانت الام اتجاوب لو تسده بوجهه لو تسمعه كلام مؤذي.الى ان بدلو شرايحهم كلهم وانقطع اتصال جاسر بيهم.. واجه موعد عيد زواجهم جاسر دخل للبيت ضايج.. ودخل غرغة النوم وشمر روحه ع السرير وهاجت بيه المواجع اتذكر من غسق جانت تبجي وخايفه منه ..ومن جانت اتصيحله عموو اتذكر من جانت تصرخ خايفه من الفاره وحظنته وماقبلت يطلع الا ينام يمهه.. اتذكر الليله الجميله اللي جمعتهم وصار وياهه روح وحده بجسدين
الدنيا ظاگت بعينه ..وظل يلوم بنفسه كله مني اني ظيعتهه من ايدي.. ماعرفت قيمتهه فضلت بت شوارع عليهه..
اشويه وبهالاثناء دخلت ام جاسر لميعه..
لميعه/ لشوكت اتظل هيج.. انت شايف شكلك بالمرايه
جاسر… يمه خليني هيج اني قابل بشكلي
لميعه/ لان اثبتت انت فاشل ومابيك خير
جاسر ..يمه فوك ظيم الدنيا هم انتي عليه
لميعه/ اللي ميحطك تاج ع راسه لتلبسه انعال برجلك
جاسر يعني اشلون
يعه.. يعني عوفهه طلكهه وازوجك احسن منـِْهـ♡̨̐ـِْا
جاسر… اني اكول لو تنزلين يم ابوي احسن
لميعه/ بت خال زوج اختك اسمهه هند واتخبل وخوش ابنيه..
جاسر.. يمه اني غير غسق مااتزوج.. يمه غسق امريتي..
لميعه/ وامهه متريدك ..واني سمعت من ابوك وسكتت
جاسر يمه شنو سمعتي
لميعه/ لا ماسمعت شي ليظل بالك ..
جاسر يمه رحمه الوالديج احجي
لميعه/ ابن عم امهه دكتور ..ومن راحت غسق منا هو كمل علاجهه.. وحاط عينه عليها ومنتظريك اطلك وياخذهه..
جاسر ..ياخذهه ..اشلون
لميعه/ يعني يتزوجهه
جاسر/ اقتله والله واقتلهه واقتل امهه..
لميعه/ عفيه عليك وظيع مستقبلك..
جاسر انعل ابو مستقبلي ..يوووم غسق لازم ترجعلي..
لازم ترجعلي بعد مااتحمل افراگ ..احجي وي ابوي يروح عليهم..
لميعه/ ابوك ميروح مايقبل..
جاسر اشلون لعد دبريني انطيني الحل.. اتسددت البيبان كلها بوجهي
لميعه/ عندي الحل اللي يخلي غسق ترجعلك
جاسر.. ع بختج يمه احجيه بسرعه
لميعه/ عندي الحل اللي يخلي غسق ترجعلك
جاسر.. ع بختج يمه احجيه بسرعه
مااحجي وراح انزل جوه يم ابوك والساعه ٧بالليل اصعد والكاك غير شكل..
تروح للحلاق وتظبط روحك ..ع الاخر وترجع تسبح اريد اشوفك عريييس واني اكولك شنو الحل..
جاسر يوم لتلعبين بعصابي
لميعه/ هذا اللي عندي اني نازله جوه…
جاسر اوكفي يوم..
لميعه الله وياك..
جاسر من طلعت امه ..اخذ السويج وراح للحلاق وكمل اموره ورجع للبيت سبح ولبس اتراك ..ورتب افراش الجربايه.. وكفكف البيت.. هيج من فوك الفوك..
وظل منتظر الساعه وشيجيب السبعه..
هسه بالسته.. وظل جاسر يتصل بامه وامه اترفضه.. جاسر مايكدر ينزل جوه لان الاب رافض يشوفه ..
من المشكله اللي صارت قبل سنه..
صارت بالسبعه وصعدت ام جاسر..
لميعه/ هذا منو. .الرجال الغريب صدك من شفتك معرفتك
جاسر… بدون مجاملات احجي اللي عندج
لميعه/ لا والله مو مجاملات لو شايف وجهك الصبح عبالك قنفذ
جاسر رحم الله والديج
لميعه/ ظلت تضحك
جاسر يمه لا تلعبين بعصابي احجي..
&
&
&
#رواية_بيت_الطاعه😻🦋
