من متى و الغصـن يختـار الطيـور..!!

26

26))من متى والغصن يختار الطيور؟!!

مانليق بالحب ياسيدي..!
أنت تــكــابـر
وأنــا ما أنــحــنـي!*
..
،
،
.
الأحداث السرديه.. *
بعدما حضرت الشرطه التي استدعاها مراد ..اخذوا كل من إعتدى على لمياء بشهادة الذين كانوا بالمكان..
،
عُمر خلص من حديثه مع الشرطه وألتفت باتجاه لمياء اللي جالسه على كرسي خشبي طويل وجانبها روبين تهديها..
اتجه لها عمر وقلبه محرووق وهو يسمع اناهيدها، ويقول بخاطره(طلبتك لا تبكين)..وقف قبالها وتكلم بصوت مخنوق/اذا قلبك مابرد منهم قولي لي
لمياء ماقدرت ترفع راسها و تكلمه، منحرجه منه بعدما تكشفت/..
روبين تركت لمياء و اتجهت له بصوت ماتسمعه لمياء/اخوي انت ماقصرت وفزعتك مانقدر كيف نشكرك عليها، لكن هي خجلانه منك شوي..بعد اللي صار لها وتكشفت قدامك وقدام الناس،لو مالشرطه وقفتها تاخذ افادتها والا كان هربت للبيت من زمان.
عمر اتجه لها وقلبه يدق بجنون، وقف قرريب عندها،بدون ما يناظر فيها/ارفعي راسك يا لمياء.. مثلك يعيش ويموت وراسه فوق..
لمياء استغربت انه للحين يذكر اسمها، رفعت راسها لا شعورياً وهي مستغربه..!!
عمر كان صاد بوجهه،ولف شوي وطاحت عينه بعينها وجاه خرس مؤقت/... ..
"لحظة صمت"
لمياء تداركت الوضع وقامت وهي تصدد بوجهها عنه/انا رايحه
عمر/ لحظه بوصلكم
لمياء ودها تلتفت عليه و تناظره وهو يتكلم معها بس شي داخلها يمنعها.. مشت وتركته بدون حتى ترد عليه!!!
عُمر كبرت بعينه اكثر..
روبين لحقتها وهي تتهرب من نظرات مراد...
عمر ظل يناظرها وهي مقفيه ورايحه، ويكتم حسرته بقلبه، ومستغرب ليه هالبنت بالذات اذا شافها يتلخبط وتصير تصرفاته غريبه!!..
من اووول ما شاف بطاقة هويتها في مطار ابها وقلبه صاير غبي ويفكر بافكار غبيه.. ليه يحس نفسه يعرفها من زماان ويبي قربها بأي وسيله!!
،
مراد بعدما تركوه الشرطه اتجه لعمر/الحمد لله اخذوا هاليهود للسجن
عمر مستغرب وهو يشوف هالاجنبي/يستاهلون ..،ماتعرفنا يالبطل؟
مراد/اسمي مراد
عمر بابتسامه/ونعم يا مراد شكلك ياخي عربي ومو عربي هههه مدري كيف صاير
مراد بابتسامه/هههه صادق انا كوكتيل تركي عربي وجنسيتي كندي
عمر فهم وضعه/اهااا كذا..
مراد وهو يعدل طرف ياقته بيده اليمنى/ايوه يا خال
عمر استغرب/خال!!!
مراد/ههههههه امي سعوديه
عمر/باااين والله من رجتك ان فيك عرق سعودي
مراد/ههههههه
عمر ارتاح له/شرايك تجي نتعشى سوا الليله خويي بالسفر تركني اليوم وراح لاخته.. والله العاالم متى بيفكر فيني
مراد/دام كذا عشااك عندنا الليله..
عمر/لا يا رجاااال..ابيك توريني،كندا خلنا نروح لـ...
مراد قاطعه/مو بكيفك انت بتتعشى عندي الليله..وبكره ماعندي مانع أوريك كندا
عمر انحرج/اجل بكيفك.. تم
/
/
/
/
/
/
بيت البنات.. *
دخلوا البيت ولمياء اتجهت لغرفتها بسرعه و اتقفلت الباب.. ورمت حجابها وجاكيتها.. وشوزها و أرتمت على سريرها وهي تخبي وجهها على وسادتها، تبي تنسى هالموقف البايخ..
روبين كانت تلحقها وشافتها تسكر الباب/لموووش ليش قفلتي الغرفه؟..لمووش افتحي
لمياء/...
روبين/لمووش بلييز لا تسوين في نفسك شي..عادي ترى كلنا معرضين لمواقف مزعجه..
لمياء ما ردت عليها.. ضلت مخبيه راسها تحت الوساده/..
روبين تركتها وراحت وهي خايفه عليها/...