من متى و الغصـن يختـار الطيـور..!!

الجزء8

8))من متى والغصن يختار الطيور؟!

وبدأت وكأن الأيام هنا روتين ممل قاتل.. لم أعيش في حياتي غاضبه وناقمه كما عشت في هذه القرية..!
اشعر وكأنها سجني الأبدي.. فتاره اغضب وأمتعض وتارة أرضى بقدري وأصطبر !!..
دائماً ما كنت أظن ان هناك شي ما ينتظرني لكني لم أتوقعه هنا. . بل هو في مكان ما في هذا العالم!!
مشعل لا يجب ان يكون حُبي.. فلم أختره بإرادتي مهما إرتحت له.. زواج مُدبر بطريقه كلما أتذكرها أكره عالمي..!
ماذا سيحدث لي بعد هذا الهدوء !!
/
/
زينه كانت تكام بالتلفون وحزينه/متى صار هالكلام؟!... لاحول ولا قوّه الا بالله.. مسكينه اللي شافته يموت من القهر وهي كبتت بداخلها .. الله يرحمها ويصبر أمها وابوها.. مع السلامه
جلست لوجين وهي مستغربه من دموع زينه/زينه ايش فيك؟
زينه وهي تمسح دموعها/هاجر
لوجين تذكرت سالفتها/ايش بها
زينه ماقدرت تقولها/اهلها اليوم لقوها طايحه بفراشها.. يوم ودوها للمستشفى لقوها منهاره وضغطها منخفض.. وماقدروا ينقذونها.. ماتت وهي مقهوره من الظلم اللي تعرضت له
لوجين انصدمت وعصبت بنفس الوقت/لا حول ولا قوّه إلا بالله الله يرحمها..
اقبل ابو مشعل وجلس/شفيكم مكتمين من اللي ميت
لوجين التفتت عليه ونظراتها توحي بغضب/وش يهمك اذا احد مات!!
بو مشعل بعصبيه/اقصري لسانك يا بنت لا اذبحك
لوجين وقفت وهي تتعكز بعكازها/ما استغربها منك لو ترفع بوجهي سلاح..وانت قد رفعته بوجه اخوك.
بو مشعل وقف وضربها كف طيحها ع الأرض من قوته/اذا تكلم الرجال تسكتين وما تراددين
لوجين تألمت بس ما بكت ،ألتفتت عليه ببتسامه/لو اني كذبت بحقك يمكن اعذرك على ضربي.. لكن انت ضعيف قدام الحقايق.. علشان كذا يدك وسلاحك دايم يكونون جاهزين.
زينه نزلت تقومها وهي خايفه عليها من غضب ابوها/..
بو مشعل/ان ما قدر ابوك وزوجك يربونك انا بربيك
ام مشعل بعدما سمعت صوت ابو مشعل يعلى جات ركض/وش السالفه؟!
بو مشعل نزل عند راس لوجين ويشدها من شعرهت/هالبنت لازم تتأدب لاازم
مشعل دخل بهاللحظه/خير يا جماعه وش صاير
مشعل تفاجأ بالمنظر وانقهر ان محد محترمه بهالبيت مثلما تدخلوا بينه وبين اميره اللحين يتدخلون بينه وبين لوجين ويضربونها ويهزون صورته قدامها..
اتجه لأبوه وابعده عنها/يبه وش فيك عليها
بو مشعل/خلها علي بربيها.. هالبنت عوبا
مشعل ابعده عنها،وهو يحاول يكبت عصبيته وما يرفع صوته عليهم، وقف لوجين وماقدت تقوم وكانت ترجف،انقهرر والتفت على أمه وابوه/شوفوا انتم امي وابوي،وعلى عيني وراسي.. انا عمري ما خالفت لكم راي ولا زعلتكم.. ومابي منكم الا الرضا.. بس زوجتي لا احد يلمسها مهما كان اللي يبي يصفي حسابه معها يكلمني أنا،زوجتي ماهي واحد من عيالكم علشان تقيمونها.. زوجتي تخصني أنا وبس محد له دخل فيها ولا في سلوكها..
لوجين انبهرت فيه وفرحت من قلبها انه احد برد قلبها/..
مشعل اخذ لوجين ومشوا.....
بو مشعل ما رد عليه فضل السكوت ومشى/..
ام مشعل جلست وهي تحلطم بعدما راحوا/حسبي عليها من بنت ..من جت وحنا بمشاكل
زينه انقهرت/انتم اللي جبتوها.. وزوجتوها ولدكم بالغصب. ومع ذلك منتوا مخلينها بحالها.. دوووم مناقرينها.. حراام عليكم كفايه
ام مشعل خزتها/وجع وجع وجع.. طلع لساان يا زينه هاااه
زينه/كلام الحق يزعل صح؟
ام مشعل/انقلعي من وجهي يلا.. بدأت تأثر فيك هالحجازيه
زينه/لو اني املك جرأت هالحجازيه ما تركت الدراسه بعد المتوسط... لكن حظظي
قامت زينه وراحت لغرفتها...
ام مشعل وهي تحلطم/والله اللي عشته لازم تعيشونه.. احمدوا ربكم
/
/
/
/