من متى و الغصـن يختـار الطيـور..!!

30

30))من متى والغصن يختار الطيور؟!
،
،
والحنين اللي بعد فراقه ذبحني..
علمني كيف احساس الفقد قاسي وأليم!!
،
،
،
،
الاحداث السرديه* *

رجع من برا وكان شايل بيده كيس هدايا ..تلفت بالبيت وما لقى احد... سمع اصوات من البلكونه واتجه لها..
وقف وهو يسمع زينه تتكلم عن الحبيبه سكت..
زينه وهي تشرب من كوب قهوتها/كنا نقعد هنا انا ولوجين واحيان نسهر هنا للصبح.
مشاعل/شكلها كانت عكس اللي سمعته عنها
زينه بحنين/صادقه.. عكس اللي قالوه عنها
مشاعل/يمكن لانها ما ناسبت هواهم.. او سوت شي جديد هم مو متعودين انه بنت تسويه.. علشان كذا الكل اتفق ضدها..
زينه بغصه/حتى انا بعدما راحت كنت بلحظة غضب "زعلتها"..كنت مقهوره علشان اخوي.. لكنها ما ردت علي وعرفت بعدها معدنها كيف هو نادر واصيل
مشاعل/ليش ينقهر اخوك منها
مشعل تحنحن يعنني تووني وصلت/زززينهه
زينه/هذا الامير وصل.. هلاا مشعل تعال بالبلكونه
دخل مشعل وشافهم جالسات/السلام عليكم
الكل/وعليكم السلام..
زينه بابتسامه/اجلس بروح اجيب لك كوب كوفي
مشعل وهو يجلس/خلي السكر مضبوط
زينه/ابشرر
راحت زينه ..
مشاعل بنظرات حب وصوت فيه بحه/كيفك مشعل؟
مشعل/بخير الحمدلله.. كيفك انتي؟
مشاعل تنهدت/بخير
مشعل تذكر اللي بيده وقام واتجه لها/هذي هديتك..بمناسبة زواجك من ابوي. وعساه الف مبروك مره ثانيه..
مشاعل لمعة عينها من الفرحه وابتسمت/تصدق انت الوحيد اللي تذكرني بهديه
مشعل ابتسم بصفاء نيه/انتي تستاهلين كل الهدايا
مشاعل كل يوم يعجبها اكثر/تسلم..
مشعل جلس ساكت و طلع جواله واتصل في خويه.. وجلس يكلمه عن العمل...
مشاعل ضلّت سرحانه فيه وهي تندب حظها(انسان بهالذوق والشخصيه كيف تركتيه يا لوجين.. كيييف؟!)
،
،
،
،
،
،
،
،
،

كندا*
مضى وقت وهي جالسه برا تنتظر.. نفسيتها تعبت.. ابتدأ قلبها ينبض بشكل متسارع من الخوف على رفيقتها ومصيرها.. وهي تتذكر كلماتها الاخيره.. وابتسامتها..
الدكتوره قالت ان العمليه ما راح تطول،لكن ليش طولت؟!.
،
،
،
،
،
،
،
دخل البيت ومبتسم ويناديها/هـــددى.. يا هـــددى..
هدى اقبلت وهي مبتسمه/هلا ماجد.. اشعندك تنادي وشكلك مبسوط
ماجد بسعاده/ابشرك لقيت بيت في حي ثاااني وقريب من الجامعه اكثر من هالبيت..
هدى/بهذي السرعه... الحمدلله
ماجد/دام معك كاش بتلاقين بيت بسرعه..
هدى/اكيد غالي عليك يا حبيبي
ماجد/ماعندي اغلى منكم.. والحلو ان فيه حديقه كبيييره راح نحط فيها العاب لأحفادنا..
هدى/يا عمررري عليييهم
احمد جاء وهو يتعكز بابتسامته/كأنكم نسيتوني والا كيييف
هدى اتجهت له وضمت/وحد ينسى ميدو
ماجد/هااه جاهز نفك الجبس بكرا
احمد/ايوه.. زهقت منه
هدى وماجد/هههههههه
رن تليفون البيت..
هدى استغربت/اللهم اجعله خير.. مين بيتصل فينا الوقت لوجين و صاحباتها بالجامعه
ماجد/لحظه انا برد.. يمكن اي احد
اخذ السماعه/الووه..
روبين ع الخط/السلام عليكم يا عم ابو احمد
ماجد/وعليكم السلام يا بنتي..
روبين/كيف الحال يا عم ان شاء الله بخير
ماجد/بخير يا بنتي.. كيف دراستك
روبين/تمام.. عمي انا اتصلت في لوجين ع جوالها و لقيتها مقفله لو سمحت اعطيني هيه
ماجد/لوجين مداومه.. ويمكنها مع لمياء دقي على لمياء
روبين/وكمان لمياء اتصلت فيها ومقفلته..قلت هم عندكم والا حاجه ماني عارفه ايش القصه
ماجد/ يا بنتي يمكن جدولكم مو زي بعض
روبين/ايوه صحيح لكن جدولنا اليوم نفس المحاضرات
ماجد/انتي متأكده انك ما شفتي وحده منهم اليوم
روبين/ايوه متأكده..
ماجد خاف/طيب طيب يا بنتي.. سلام
روبين/لا يكون صار فيهم حاجه بس!!
ماجد/استهدي بالله.. راح اكلمك واطمنك عليهم سلام
سكر السماعه.. والتفت على هدى/تقول ان لوجين ما داومت اليوم
هدى استغربت/مسستحييل.. لولو داومت اليوم
ماجد احتار طلّع جواله وابتدأ يتصل فيها/وين راحت طيب.. روبين ما شافتها.. وجوالها مقفل بعععد!!
هدى خافت/ماااجد لا ترعبني على بنتي..
ماجد/لا يكون صار لها شي.. المفروض ما نخليها تداوم وهي بهالحاله.. بطنها فيه ثلاثه ويادووب تمشي.. ماني عاارف ليش اخليها بمزاجها.. هي ماترحم نفسها ابد
،
،
،
،
،
،
،
،
طلعت الطبيبه وهي مرهقه....
لمياء اللي كانت تبكي بصمت اتجهت لها وهي حييل خايفه/دكتوره اين لوجين... هل هي بخير
الدكتوره/لوجين بخير.. لا تخافي.. لكن
لمياء خافت/لكن ماذا يا دكتوره اجيبي
الدكتوره/البنت ليست بخير
لمياء نزلت دموعها/اي بنت.. لوجين؟
الدكتور /لا لا ليست لوجين بل ابنتها.. وضعنا المولوده في العنايه المركزه
لمياء رق قلبها/والباقين؟
الدكتور/الولدان بخير وصحتهما جيده جداً عن اذنك
لمياء سجدت شكر لربها اللي نجا صاحبتها واختها ..
وبسرعه طلعت جوالها تبي تتصل وتبشر اهل لوجين.. ولكنها تذكرت طلب لوجين انها هي اللي تكلمهم/خلاص بعدما تفيق من البنج هي اللي بتكلمهم.. بروح انتظرها بالافاقه..
،
،
،
،
،
،
في بيت البنات..
روبين رايحه جايه.. مو قادره ترتاح/ايش القصه.. كلهم مره وحده ما بيردوا عليه!!
الجده/رووبي دوشتيني يا بنت.. اقعددي
روبين/يا ستي ماني عارفه فين راحت لمياء هي ولوجين كمان
الجده/لوجين يعني فين بتروح وهي حامل
روبين/والله ماني عارفه حاجه..
،
،
،
،